شيري qq عربيه بسعر تحفه و اداء كويس جدا

[amir]

السلام عليكم و رحمه الله
الساده اعضاء المنتدي الكرام
تحيه عامه للجميع
العربيه الشيري QQ
اللي شبه الماتيز دي
العربيه انا سقتها (الاوتو اللي 1100 سي سي ) و عجبتني جدا جدا
و لغايه النهارده بخلاف مالك العربيه اللي سقتها قابلت واحد بس في الشارع قدرت اتكلم معاه عنها و كان شاريها مستعمل موديل 2005 و كانت مانيوال 800 سي سي و كان بيحطلها بنزين 80
ممكن اللي فيكم شاف واحد حتي معاه العربيه دي يوقفه بأسم الشعب و يسأله عنها؟
مفيش كلمه متقاله عن العربيه اللهم الا موضوع كان من عضو من الاعضاء القدام قوي اللي اتوقفو من المنتدي
و كلامه عن العربيه كان سب و قذف
و انا لما سقت العربيه لأكتر من مشوار طويل ثبتلي بالتجربه عدم صحه كلامه كله من اوله لاخره
فممكن كلام حد من ملاكها علي العربيه تفصيلا و التوكيل و الصيانات و قطع الغيار و استهلاك البنزين؟
مستني الردود
و شكرا

[remon_111]

بس يا استاذ امير العربيه في امكنيتها زي الفل..... زجاج كهربه-وحده رفع-تكيف-سنتر لوك-باور-abs-مرايات كهربه-فتح الشنطه والتانك من الداخل-800 سي سي-مدخل usb-انا جبت بالعربيه 130 و كان الثبات مش كويس علشان العربيه صغيره وخفيفه بس اوحش حاجه فيها الفتيس ساعات تعلق ومتنقلش الغيار غير كده هي عربيه كويسه بالنسبه لامكانيتها وثمنها

[amir]

شكرا ليك
هل واجهتك مشاكل في الصيانه او قطع الغيار؟

[remon_111]

الصيانه مواعدهم وحشه شويه و ما بيهتموش بالعميل وقطع الغيار في التوكيل بس

[amir]

الصيانه مواعدهم وحشه شويه و ما بيهتموش بالعميل وقطع الغيار في التوكيل بس

هل العربيه نسحه طبق الاصل من الماتيز؟
و لو كده مش ممكن تصيينها في اماكن اللي بتصين الماتيز؟
و اخبار العربيه معاك ايه و هل حسيت انها زي الماتيز تمام ولا كان في حاجات مضايقاك

[remon_111]

هل العربيه نسحه طبق الاصل من الماتيز؟
و لو كده مش ممكن تصيينها في اماكن اللي بتصين الماتيز؟
و اخبار العربيه معاك ايه و هل حسيت انها زي الماتيز تمام ولا كان في حاجات مضايقاك

هو الشكل مشابه اوي من بره و جوه بس هي الخامات انظف في الماتز شويه عن qq والعربيه زي الفل من ساعه ما صلحت الفتيس

[amir]

هو الشكل مشابه اوي من بره و جوه بس هي الخامات انظف في الماتز شويه عن qq والعربيه زي الفل من ساعه ما صلحت الفتيس

بأذن الله انزل بكره اشوفها و اصورها من جوه و بره و ارجع بالخبر اليقين فيما يتعلق بالاسعار و اسعار الصيانات و خلافه

[lord23]

انا معايا شيري كيو كيو 1100 سيسي موديل 2009 معايا بقالها سنة وشوية
المهم العربية دي فيها مميزات وعيوب
المميزات :
1- السعر رخيص
2- جميع الكماليات موجودة (باور تكييف انذار سنتر وحدات رفع جنوط مرايات كهربا زجاج فوانيس شبورة )
3- الموتور بيشد وبيجري علي قد 1100 سي سي بتوعه

العيوب:
1- العفشة سيئة جدا
2- غير ثابتة بعد 120 كلم عشان العربية كنزة
3- العربية صغيرة من جوة اخرها فعلا 4 افراد والشنطة يدوبك بتاخد انبوبة البوتجاز

العربية عن تجربة ممتازة بالمقارنة بسعرها بس اللي هيجبها لازم يكون عارف انها عايزة استعمال حنين مش ترزيع وشد وفحط والكلام ده
انا سافرت بيها اسكندرية والساحل والسويس العربية ممتازة في السفر واستهلكها في البنزين ممتاز

[kohidor]

السلام عليكم
انا لسة مشتري شيري 2005
ملاحظتش أي عيوب فيها لغاية دلوقت العربية ممتازة
فيه حاجات مش لاقيها في السوق ونفسي اعرف التوكيل فين ومش عارف
بس أنا لسة جديد في السواقة رخصة 14-06-2010
ان شاء الله هتابع معاكو الحالة بتاعتها أول بأول

[amir]

السلام عليكم
انا لسة مشتري شيري 2005
ملاحظتش أي عيوب فيها لغاية دلوقت العربية ممتازة
فيه حاجات مش لاقيها في السوق ونفسي اعرف التوكيل فين ومش عارف
بس أنا لسة جديد في السواقة رخصة 14-06-2010
ان شاء الله هتابع معاكو الحالة بتاعتها أول بأول

التوكيل علي اول طريق الاسماعيليه بس مش عارف مكانه فين هناك تحديدا
ممكن تروح هناك و تسأل عند حمدي لادا اكيد الناس هناك عارفه مكانه فين بالظبط

[yuyu0000yuyu]

انا كمان يا جماعه متابع الموضوع لان انا بفكر اجيب 2006 منه الى هى 1100 مش 800 وكمنت عاوز اعرف هى سعره مستعمل كام بالظبط وقطع غيارها سعره ازى وفين وانا من المنصوره ومعايه 128