تغيير قاعدة موتور شيري a11

[ashraf4280]

السلام عليكم
قاعدة الموتور الامامية اتقطعت
واضريت اني اغيراها سالت عليها في التوكيل لقيتها عامله 255
ولقيتها موجودة عند الشرقاوي 250 جنيه
رحت سال في محل بكين في شارع دمشق لقيتها عامله 180
رحت اشترتها من هناك وركبتها والميكانيكي خد 20 جنيه
يعني التكلفة 200
تخبلوا بقي التوكيل كان هيعملها بكام
؟
355
تقريبا
ده كلام الباش مهمدس هناك
ولقيت الشبكة الامامية عامله 80 جنيه
الفانوس المامي 230 تقريبا
وجاري السؤال علي بقية الاشياء
واي استفسار انا في الخدمة

[tarekmomo]

الاسعار كويسة مش غالية زى مالناس بتقول

[mmffor]

يا باشا صيني . لازم رخيصه بس قاعدة موتور تتغير بعد 3 او 4 سنين؟ ده يوضح الموضوع و الفكره. لو العربيه الماني مكنتش حتى فكرت تغير قاعدة موتور و كان زمانك يادوب بتفكر تغير تيل فرامل

[aly_hosny]

يا باشا صيني . لازم رخيصه بس قاعدة موتور تتغير بعد 3 او 4 سنين؟ ده يوضح الموضوع و الفكره. لو العربيه الماني مكنتش حتى فكرت تغير قاعدة موتور و كان زمانك يادوب بتفكر تغير تيل فرامل

كلامك صح
بس يمكن حصل حاجة ادت انه يغيرها

[ashraf4280]

السلام عليكم
هو فعلا انا قرصت جامد علي الموتور وكانت
فرامل اليد مرفوعة اكتر من مرة
وانا كنت في فرح
وفعلا انا لسه مغير تيل الفرامل
والبوجيهات لاول مرة
بعد 4 سنين
ودي الحاجة الوحيدة اللي عملتها لحد دلوقتي
وكمان كشفت علي العافشة زي الفل
وفعلا العربية مريحاني جدا وما عملتش معايا اي دقة نقص

[ahmed2801]

الاخ أشرف لو وصلت الى 50 الف لازم تغير الكاتينة وبالمناسبة للاخوه الافاضل ملاك الشيرى11 انا غيرت البطاحات للمساعدين الامامى بتاعة جولف من عند زكريا ف شارع دمشق الاثنين ب 150 جنية

[ahmed2801]

البطاحات الموجودة ف التوكيل ب 190 جنية وسئة جدا جدا هبطت بعد 20 يوم

[ashraf4280]

الاستاذ احمد هو فعلا انا عايز اغيرها
ولو حضرتك غيرتها يا ريت تقولي عملت ايه وغيرتها فين

[ahmed2801]

بالنسبة للكاتينة اشترتها من التوكيل وركبتها بره ممكن حضرتك تركبها ف التوكيل اهم حاج ما تعديش 50 الف علشان فيها خطر