شيرى a11 أرجو المساعدة

[Hesham]

السلام عليكم ورحمة الله
والله يا جماعة أنا عجبانى الشيرى a11 وقريت معظم الموضوعات فى القسم والكلام مشجع الى حد كبير. سؤالى الأول عن الفتيس الاوتوماتيك وخصوصا انى زهقت من سواقة المانوال ومصر ان العربية اللى اشتريها تكون اوتوماتيك، هل فيه مشاكل معينة فى الفتيس وهل هو اوتوماتيك فقط ولا استيبترونيك وهل لا قدر الله لو باظ تماما ايه الموديلات اللى ممكن تركب مكانه ؟ أما سؤالى الثانى فهو عن قطع الغيار عامة وخصوصا فى اسكندرية هل متوفرة ولا لأ وكمان فين مكان مركز الخدمة فى اسكندرية. أشكركم مقدما

[YahiaAshraf]

قطع الغيار متوفره الى حد ما
بس موجوده متقلقش

بالنسبه للفتيس
فى منهم اوتوماتيك عادى
و فى منه استبترونيك اللى هى اعلى فئه

العربيه بسم الله ما شاء الله

و كمان الموتور بتاع منى كوبر اصلى للعربيه
العفشه المانى و ممتازه
العربيه مكوناتها معظمها المانى مش صينى
كانها المانى تقفيل صينى
عربيه قويه و ممتازه
و توكل على الله

[Hesham]

أنا متشكر لحضرتك جدا على ردك وعلى اللمعلومات المفيدة وأرجو لو حد من الأعضاء يكون من اسكندرية ويدينا معلومات عن توافر قطع الغيار هنا فى اسكندرية ومركز الخدمة. وبالمناسبة هو متوسط السعر كام فى الحالات الممتازة الكاملة اوتوماتيك؟

[ahmed2801]

السلام عليكم ورحمة الله
والله يا جماعة أنا عجبانى الشيرى a11 وقريت معظم الموضوعات فى القسم والكلام مشجع الى حد كبير. سؤالى الأول عن الفتيس الاوتوماتيك وخصوصا انى زهقت من سواقة المانوال ومصر ان العربية اللى اشتريها تكون اوتوماتيك، هل فيه مشاكل معينة فى الفتيس وهل هو اوتوماتيك فقط ولا استيبترونيك وهل لا قدر الله لو باظ تماما ايه الموديلات اللى ممكن تركب مكانه ؟ أما سؤالى الثانى فهو عن قطع الغيار عامة وخصوصا فى اسكندرية هل متوفرة ولا لأ وكمان فين مكان مركز الخدمة فى اسكندرية. أشكركم مقدما

التوكيل ف اسكندرية عفيفى موتورز بجوار مرور مرغم والعربية جميلة كل كهربتها وعفشتها جولف المانى والموتور فورد اسكورت 99 - توكل على الله

[tarek_sayed]

الموتور فورد والعفشة وكراسي الموتور والمساعدين الأمامي جولف 2 والفتيس الأتوماتك نوبيرا1 عادة مش كهربا ومراوح الرادياتير اسكودا فيفوريت وقطع غيارها علي التصنيف اللي قلتة لحضرتك متوفرة جدا في التوفيقية في القاهرة لكن ابعد عن التوكيلات عموما علشان بيعتقدوا ان محدش عارف يجيب لها قطع غيار الا من عندهم اما الفوانيس الأمامية والخلفية موجودة والصاج عند بتوع السيات والطنابير سيات أنكا وتيل الفرامل اسبرانزا 516 وشكرا--طارق اسيوط

[Hesham]

أنا متشكر جدا جدا جدا لردودكم يا جماعة والكلام فعلا مشجع جدا وبالنسبة للاستاذ أحمد بما انك من ملاك العربية لو امكن تفدنى فى متوسط اسعار الحالات الممتازة على شرط تكون اوتوماتيك مش مانوال وجميع الكماليات.
شكرا مرة تانية وجزاكم الله كل خير

[ahmed2801]

أنا متشكر جدا جدا جدا لردودكم يا جماعة والكلام فعلا مشجع جدا وبالنسبة للاستاذ أحمد بما انك من ملاك العربية لو امكن تفدنى فى متوسط اسعار الحالات الممتازة على شرط تكون اوتوماتيك مش مانوال وجميع الكماليات.
شكرا مرة تانية وجزاكم الله كل خير

الحقيقة يا استاذ/هشام اللى يفيدك فى موضوع الاسعار و الاتوماتيك وقطع غيارها الاستاذ طارق السيد علشان عنده 2005 اتوماتيك وراكبها وعنده خبرة فيها لكن انا عندى 2007 كاملة مانوال

[tarek_sayed]

شكرا يا استاذ احمد صالح علي الأطراء الجميل وكدة بتخليني افكر بجدية في عملية الترشح للأشراف وعلي العموم انا بعون الله اكاد اكون حضرت دكتوراة في العربية دي وانا جاهز لأي رد او استفسار .... اما بخصوص الأستاذ هشام فسعر العربية في السوق للأسف منخفض شوية رغم انها عربية 87% انتاج اوروبي وصاجها متين بس عندنا الفكرة العامة عن العربيات الصيني انها تعبانة وضعيفة وورق واعطالها كتير ودة كلام خاطئ تماما والأتوماتك سعرة في حدود 40000 اما المانيوال من 33000 الي 38000 دة الشورت مش العربيات اللونج لأن اللونج اكبر شوية واغلي يس منزلتش اتوماتك...شكرا طارق اسيوط

[Hesham]

استاذ طارق واستاذ أحمد انا متشكر جدا على المعلومات الممتازة وجزاكم الله كل خير. انتوا خلتونى متحمس للعربية جدا وان شاء الله قريب أنضم ليكم واشترى a11 باذن الله. بس لما اشترى ان شاء الله حاوجع دماغكو بالأسئلة لانى أكيد لازم استفيد من خبرتكم فى العربية.

[ahmed2801]

استاذ طارق واستاذ أحمد انا متشكر جدا على المعلومات الممتازة وجزاكم الله كل خير. انتوا خلتونى متحمس للعربية جدا وان شاء الله قريب أنضم ليكم واشترى a11 باذن الله. بس لما اشترى ان شاء الله حاوجع دماغكو بالأسئلة لانى أكيد لازم استفيد من خبرتكم فى العربية.

انا تحت امرك فى اى سؤال وكذلك الاستاذ طارق نيابة عنة بعد اذنة طبعا والعربية معايا من اربع سنين - البيت ف القاهرة والشغل ف البحر الاحمر راس غارب وادارة الشركة ف الاسكندرية يعنى مقديها سفر والحمدلله العربية عمرها ما خذلتى ابدا ولا وقفت ف الشارع والحاجات الفاضية دى انزل الصبح بعد الفجر اركب وادور واسافر وربنا يديمها علينا نعمة يارب

[ahmed2801]

استاذ طارق واستاذ أحمد انا متشكر جدا على المعلومات الممتازة وجزاكم الله كل خير. انتوا خلتونى متحمس للعربية جدا وان شاء الله قريب أنضم ليكم واشترى a11 باذن الله. بس لما اشترى ان شاء الله حاوجع دماغكو بالأسئلة لانى أكيد لازم استفيد من خبرتكم فى العربية.

الاستاذ/هشام فى عربية لونج اتوماتيك 2006 معروضة للبيع ف منتدى أخر موقع(مصر موتورز) على 43 الف

[Hesham]

أستاذ أحمد أنا متشكر لاهتمام حضرتك. ممكن تبعتلى لينك الموقع علشان اعرف معلومات اكتر عن العربية. أنا معلوماتى ان اللونج مافيش منها اوتوماتك

[ahmed2801]

والله كتبته وادارة المنتدى شالتة وكتبت موقع ح ابعتهولك على الخاص

[Hesham]

متشكر يا باشا أنا شفت الاعلان. هيا فعلا مانوال ودا باين من الصور لكن صاحب الاعلان كاتب اوتوماتيك!

[ahmed2801]

متشكر يا باشا أنا شفت الاعلان. هيا فعلا مانوال ودا باين من الصور لكن صاحب الاعلان كاتب اوتوماتيك!

العفو ياباشا وانا فى الخدمة
ممكن تتصل بيه وتستفسر مش ح تخسر حاجة