صوت المطبات وتأثرها عالعربية عالى جدا

[ahmedebian77]

احس بالمطبات وخاصه عين القط اللى فى الطريق وبسمع صوتها فى العربيه من تحت زى ما يكون فى حاجة حديد سايبة بتخبط فى بعضها (العجل او الاكصدام او القنطرة بيتهز مش عارف بالضبط) يا ترى هو ده من ايه انا جربت طرق قلى عليها المهندس احمد بش مش جايبة نتيجة افيدوتى يا ملاك الشيرى A15 شكرا

[elpasha1]

ربط العفشة وغالبا هتحتاج كاوتش ميزان يعنى الحسبة كلها 30 او 40 جنية وتلاقى العربية زى الفل
وابقى ادعيلى

[elpasha1]

ربط العفشة وغالبا هتحتاج كاوتش ميزان يعنى الحسبة كلها 30 او 40 جنية وتلاقى العربية زى الفل
وابقى ادعيلى

[ahmed2801]

السلام عليكم/
ازيك يا أستاذ/أحمد بقالنا زمان ما سمعناش صوتك
هى المشكلة لسة ما تحلتش ؟؟؟- على العموم غير جلب المقصات بتاعة ماتسوبيشى لانسر عند عفشجى نضيف وخراط نضيف وربط على العفشة ولو ما تعرفش حد تعالى عندى ف عين شمس عفشجى جدع نتفق على ميعاد ونروح مع بعض

[ahmedebian77]

السلام عليكم ازيك يا باشمهندس والله انا آسف على التأخير فى الرد وكل ستة وانت طيب دلوقتى الاستاذ الباشا بيقول اركب كاوتش ميزان وحضرتك بتقوللى جلب مقصات يا ترى اعمل ايه
و شكرا

[ahmed2801]

السلام عليكم ازيك يا باشمهندس والله انا آسف على التأخير فى الرد وكل ستة وانت طيب دلوقتى الاستاذ الباشا بيقول اركب كاوتش ميزان وحضرتك بتقوللى جلب مقصات يا ترى اعمل ايه
و شكرا

هو العفشجى ح يبص على العفشة كلها لو محتاجة كاوتش بس ح يركبة ولو محتاجة اى حاجة تانية ح يعملها انا كنت بقول رايى الشخصى لكن الرأى الفنى له الاولوية وده اللى ح يحدده العفشجى ولا انت شايف اية

[tarek_sayed]

السادة الأفاضل شكرا لكم جميعا علي التعليقات المفيدة لكن مشكلة صديقنا الأخ احمد صاحب الموضوع هي مش العفشة تحديدا لأنة بيحس بالتخبيط في المطبات الصغيرة وتحديدا عين القطط دة يعني انة مش جلب مقصات دة ممكن يكون فية خلل معين في مجموعة الطنابير او تيل الفرامل مش ممسوك بالمسامير او السوست بتاعتة كويس وعلي العموم دة اجتهاد مني لأن العفشة بالذات لازم تتسمع صوتها وتتجرب....شكرا

[Chery_fulwin]

انا كان عندي تخبيط جامد من قدام بالمطبات وحتى بحفر الصغيرة غيرت مساعدين القدام بمساعدين مايلي الماني بتاع جولف 3 وريحت دماغي

[ahmed2801]

السادة الأفاضل شكرا لكم جميعا علي التعليقات المفيدة لكن مشكلة صديقنا الأخ احمد صاحب الموضوع هي مش العفشة تحديدا لأنة بيحس بالتخبيط في المطبات الصغيرة وتحديدا عين القطط دة يعني انة مش جلب مقصات دة ممكن يكون فية خلل معين في مجموعة الطنابير او تيل الفرامل مش ممسوك بالمسامير او السوست بتاعتة كويس وعلي العموم دة اجتهاد مني لأن العفشة بالذات لازم تتسمع صوتها وتتجرب....شكرا

اسمح لى يا استاذ/طارق اختلف معاك - مشكلة الاخ احمد فى العفشة لان العفشة (التعليق) وهو العلاقة بين الشاسيه والعجل واى خبط فى العجل او الشمعدانات ح يسمع من العفشة سواء جلب او كاوتش مقطوع اوطنابير مفكوكه او اى حاجة سايبة او محلوله او اى شيئ من هذا القبيل ولازم يتكشف على عفشة العربية من الامام بالكامل ومن عفشجى صنايعى كويس وعنده ضمير
وتقبل تحياتى