ارخص مكان فيه قطع غيار a11

[dreammate]

سلامو عليكم
انا عاوز انزل اجيب اسطوانة دبرياج
وشاسيه مساحات
وراس كوبلن

يا ترى اجيبهم منين ارخص مكاااان

مستنى ردودكم

[ahmed2801]

سلام عليكم
انا عاوز انزل اجيب اسطوانة دبرياج
وشاسيه مساحات
وراس كوبلن

يا ترى اجيبهم منين ارخص مكاااان

مستنى ردودكم

انزل ابو عوف التوفيقية او صقر المعادى او جسر السويس

[dreammate]

انزل ابو عوف التوفيقية او صقر المعادى او جسر السويس

انا بعتلك رسالة قبل ما اشوف الرد شكرا يا برنس البرانيس

[arwah]

اخوكم شيراوي جديد...واود ان اكون عضوا دائما في منتداكم والحقيقه عندي جملة مشاكل في السياره ولكن اعرضها واحدة تلو الاخرى خشية الملالة واولها علبة الباور لما اشتريتها كانت بتعمل احيانا واحيانا اخرى لا تعمل وهناك صوت قالولي ان ده صوت علبة الباور رحت اصلحها قالي تغير علبة الباور سؤالي لحضراتكم هل يمكن اصلاحها وهل اصلاحها مجدي ام لا وكم يتكلف اصلاحها .....واذا غيرتها ما انسب انواع علب الباور اللتي تركب على الشيري لونج a11 وكم سعرها وياريت لو حد من الاسكندريه يشاركني حتى اعرف الطقم الذي يتعامل معه من الصنايعيه يكون عنده ضمير وجزيتم خيرا ..باتظار الرد

[novo]

اخوكم شيراوي جديد...واود ان اكون عضوا دائما في منتداكم والحقيقه عندي جملة مشاكل في السياره ولكن اعرضها واحدة تلو الاخرى خشية الملالة واولها علبة الباور لما اشتريتها كانت بتعمل احيانا واحيانا اخرى لا تعمل وهناك صوت قالولي ان ده صوت علبة الباور رحت اصلحها قالي تغير علبة الباور سؤالي لحضراتكم هل يمكن اصلاحها وهل اصلاحها مجدي ام لا وكم يتكلف اصلاحها .....واذا غيرتها ما انسب انواع علب الباور اللتي تركب على الشيري لونج a11 وكم سعرها وياريت لو حد من الاسكندريه يشاركني حتى اعرف الطقم الذي يتعامل معه من الصنايعيه يكون عنده ضمير وجزيتم خيرا ..باتظار الرد

سعر الطرمبة 650جم عند صقر

ممكن حضرتك تفكها عند اي ميكانيكي تعرفه و تروح بيها لمحلات قطع غيار فولكس أو فورد سواء جديد أو استيراد....هتلاقيها باذن الله
العربية أي ميكانيكي شغال فى العربيات الحديثة ممكن يشتغل فيها عادي بس يكون أمين

ممكن لو سمحت تحاول تقلب فى الموضوعات القديمة...هتلاقى معلومات هتجيب عن كتير من اسئلتك

[arwah]

اولا شكرا جزيلا للعضوnovo لسرعة الاستجابه والرد على السؤال ولكن انا مش فاهم اوي هل الطرمبه هي هي علبة الباور وبعدين كمان 650 جنيه غاليه شويه وفعلا انا متابع الموضوعات في المنتدى وغيره قبل حتى ما اشتري السيارهوكنت شفت واحد قال انه يركب عليها علبة باوراظنه قال لانوس تقريبا مع تعديل بسيط وقال حوالي 300 جنيه فهل ده صحيح كمان انا من اسكندريه فاتمني ان يشاركني الاعضاء لاني والله عندي هم كبير وحاسس ان العربيه دي حلوه ومش مقلب ومش عاوز اشمت فيا حد كمان السؤال التالي عايز اعرف ليه مروحه بس بتشتغل مش الاتنين وحتي بتشتغل بعد مده حوالي 5 دقائق من بعد تدوير العربيه وفين مكان فيوزاتهم

[Chery_fulwin]

ارخص مكان قطع الغيار ابو العوف بالتوفيقية عن تجربة بس احذر في عنده قطع غيار مش اصلية مش بتاع شركة شيري مثلا انا مره اشتريت منه قربة ميه انفجرت بعد كم يوم وبالنسبة لبور ممكن مش من العلبه ممكن يكون من خرطوم زيت البور اللي تحت العربيه متني انا حصل معايا كدا الصوت يجي ويروح لمدة 6 شهور وكل ما اروح لميكانيكي يقولي العلبة بايضة لحد ما لقيت ميكانيكي ابن حلال قالي الخرطوم متني غيرت الخرطوم وصوت راح الحمد الله

[arwah]

فين التوفيقيه دي ....؟ يا جماعه انا من اسكندريه ولو رحت القاهره مشقه كبيره

[Chery_fulwin]

التوفيقية بوسط القاهرة جمب ميدان رمسيس بس تأكد الاول انه الحاجة اللي انته عاوزها موجودة

[douha_wise]

اخى العزيز ابو عوف له فرع فى طنطا فممكن تظبط معه و تعرف مكانه فين بالظبط هناك و أظن طنطا اقرب لك بس قبل ما تروح تأكد عليه على الحاجات اللى انت عايزها عشان يجهزها لك

[arwah]

يا اخوان الخير يا شيراويين ركبت علبة باور(طرمبة باور)من نوع اوكتافيا مع تعديل بسيط ب400 جنيه والميكانيكي اخد 100 جنيه علبتين زيت باورومصنعيه والمفاجاه انه قالي ان الركسيون برده تقيل ..طبعا حسيت انها اسودت في وشي رحت لبتاع قطع الغيار تاني واخدت من عنده علبة باور تانيه نفس الماركه والمكانيكي ركبها وبرده الطاره تقيله جدا مع اني قلتله شوفلي خرطوم الزيت ليكون مسدود او مخنوق زي الاخ ما تفضل وقال قبل كدهChery_fulwinالميكانيكي بيقترح الاسكاترا فيها فيها حاجه وحيوديني لواحد متخصص بتاع اسكاترا باور وبتاع قطع الغيار قال لي اجيبله العربيه النهارده25/4 حيشوفلي فيها ايه الساعه 2 وربما محدش يلحق يرد علي قبل المعاد ده لكن عايز اعرف بس منكم هو انا وقعت ولا ايه..ايه النهايه وانا باكتب الرساله دي اتصل بي صاحب العربيه السابق علشان يعمل التوكيل والنهارده اجازه هو مصدق باع العربيه ولا ايه..مع اني حاسس ان العربيه جميله جدا وتساوي اكتر من فلوسها ولا ممكن اللي انا فيه ده يكون وسوسه شيطان بيخليني اسيء الظن في الناس ارجوكم ساعدوني (من فرج عن اخيه كربة من كرب الدنيا فرج الله عنه كربة من كرب الاخره)

[arwah]

تغيير علبة (طرمبة الباور)

ركبت علبه باور مرتين متتاليتين في يوم واحد ولا تزال الطاره تثقيله بل اثقل مما كانت عليه

[douha_wise]

اخى الحبيب
أولا بارك الله لك فى سيارتك و رزقك خيرها و جنبك شرها
ثانيا انت مشكلتك الآن فى السيارة فقط طلمبة البور أم هناك اعطال فى السيارة غيرها لأن أى سيارة مستعمله فى الغالب بيكون فيها اعطال لكن المهم تكون اعطال سهل التعامل معها و لا تؤثر فى قيمة السيارة و لا يجب أن يؤثر ذلك فى نفسيتك خاصة أنك تراها سيارة جيدة فلو مشكلتك البور فقط فأنا ارى ان الميكانيكى اللى انت بتتعامل معاه على ما أظن ممكن يكون مش متمكن لأنه حاصر المشكلة فقط فى الطلمبة و مش عايز يسمع لرايك فى انه ممكن يكون هناك انسداد فى خرطوم أو مشكلة فى الاسكاترا و خاصة انك ركبت اكثر من طلمبه فلو لم ينجح هذه المرة فاسال أى أحد من الاسكندرانية الثقة يدلك على ميكانيكى متمكن حتى و لو غالى شوية
و اخيرا السيارة الشيرى a11 صدقنى انها صفقة ناجحة بكل المقاييس لو بيتم الاعتناء بها و إن شاء الله ييسر لك الله امرك و تعالج اعطالها بكل سهولة و يسر و عليك بالدعاء اللهم اشرح لى صدرى و يسر لى امرى و احلل عقدة من لسانى يفقهوا قولى و دعاء اللهم لا سهل إلا ما جعلته سهلاً ، وأنت تجعل الحزن ( أى الصعب ) إذا شئت سهلاً
و ياريت تطمنا بعد ما تتحل مشكلتك

[arwah]

اخي الفاضلdouha_wise الباور اشتغل لوحده برغم ان متخصص الباور قال لي انه مش شغال وهو للحق رجل محترم جدا لدرجة انه ما بياخدش فلوس على الكشف وعلى المحاولات التي لم تاتي بنتيجه لكن ما ان خرجت من عنده الا والباور اشتغل وبقى ناعم جدالكن بيعمل صوت صرخه او صفاره كل ما الف الدركسيون يمين او شمال وكنا بنحسب انه من الاسكاترا ولكن طلع بتدقيق السمع من العلبه(الطرمبه)ورحت تاني لبتاع قطع الغيارووعدني يغير العلبه غدا الجمعه .وعلى الله التساهيل لكن بقت كلمه ..اخي الكريم لقد اثلجت صدري بثنائك على السياره وكان بلسما وضع على جرح مؤلم مبعثه شكي في حسن اختياري للسياره والدوخه اللي انا فيها طبعا لان لسه فيه شوية شغل عفشه وكمان اشكرك على نصيحتك لي بالدعاء لقضاء حاجتي وتسهيل امري فوالله الواحد اليومين دول من كتر ما فيهم من مشاغل واهتمامات عامه وخاصه بقى بينسى الالحاح في الدعاء ولربما الدعاء بالكليه الا ما كان في صلاته فاللهم لا تجعلنا من الذين نسوا الله فانساهم انفسهم...ساوافيك بالخبرلاحقا ان شاء الله

[douha_wise]

و الله اسعدتنى بكلامك هذا و ياريت بعد ما تنتهى من إصلاح البور تعملنا تقرير توضح فيه ركبت أى نوع طلمبة بور يعنى طلمبة بور السيارة نفسها أم لنوع سيارات اخر و هل تم تعديل أى شئ فيها و هكذا
و بالنسبة للعفشة نصيحة منى ان تسأل عما تريد تغييرة فيها لأن معظم عفشتها جولف 2 و بعضها سيات توليدو كالمساعدين الخلفيين و هكذا فلا تتعجل و تشترى دون سؤال
يسر الله لك امورك و اسعدك بها