تجربتي لتغيير وصلات المياه لشيري a11

[novo]

السلام عليكم

العربية كانت المياه بتنقص كل 500كلم بمقدار لتر تقريبا
روحت للخربوطلى بالمعادي و اكتشف ان الكاوتشة العمومية للمياه مقطوعة و الوصلة المعدن اللى داخله الموتور من فوق الفرن كمان فيها أخرام و مصدية

روحت لصقر و الوصلتين كل واحدة ب70جم و الميكانيكى خد مصنعية 70جم و الشغل خد 3 ساعات(شغلانة صعبة و مقرفة)

الحمد لله المية منقصتش تاني(مشيت 1500كلم)

تحياتي

[douha_wise]

حمدا لله على سلامة العربية يا احمد و إن شاء الله تفضل كويسه على طول

[ahmed2801]

السلام عليكم

العربية كانت المياه بتنقص كل 500كلم بمقدار لتر تقريبا
روحت للخربوطلى بالمعادي و اكتشف ان الكاوتشة العمومية للمياه مقطوعة و الوصلة المعدن اللى داخله الموتور من فوق الفرن كمان فيها أخرام و مصدية

روحت لصقر و الوصلتين كل واحدة ب70جم و الميكانيكى خد مصنعية 70جم و الشغل خد 3 ساعات(شغلانة صعبة و مقرفة)

الحمد لله المية منقصتش تاني(مشيت 1500كلم)

تحياتي

حضرتك بتستعمل مياه عادية من الحنفية علشان كده صدت واتخرمت.
ياريت تجرب المياة الخضراء من موبيل بعد عمل فلاشنج للدائرة.
انا باستعملها من اكتر من سنة ونصف وحوالى 30 الف كم ولا يوجد اى مشاكل فى دائرة التبريد والحمدلله.

[ahmedebian77]

ما معنى فلاشنج للدائرة ؟ و ياترى علشان اغير المياه اروح لواحد بتاع ريدادتير و انزل المية القديمة و احط الجديدة بس و لا اعمل حاجة تانى؟

[ahmed2801]

ما معنى فلاشنج للدائرة ؟ و ياترى علشان اغير المياه اروح لواحد بتاع ريدادتير و انزل المية القديمة و احط الجديدة بس و لا اعمل حاجة تانى؟

فلاشنج للدايرة يعنى غسيل للدايرة(اللى هى داية التبريد) بس بذمة شوية وح تجيب مزيل صدا من اى محطة بنزين وتفضيها فى القربة وتشغل العربية 10 دقايق بالظبط وتبطلها وتسيبها ساعتين وتنزل تفضى المية منين؟؟ - فيه وصلة كاوتش جنب يمين العربية ماسكة فى الردياتير من تحت ح تفكها وتفضى المية وتربطها تانى وتملى ميه من القربة وتشغل العربية 10 دقايق وتبطلها وتسيبها ساعتين وتنزل تفضيها تانى وتعمل العملية دى 3 مرات
هو ده الفلاشنج
بعد كده تملاها مية خضراء من موبيل بـ 60 جنيه الجركن ح تاخد جركن ونصف تقريبا

[amr1901]

والله انا موضوع الميه ده كان مجنني وكانت بتنقص علي طول رحت كشفت عليها وغيرت طلمبه الميه جبتها من صقر بـ 240 جنية وغيرت شجرة الميه كمان اللى تحت الماتور دي هي ماسورة حديد كده ليها 3 تفريعات ودي بـ 70 جنية والحمد لله الدنيا ظبطت عندي دلوقتي بس فعلا عايز اغسل الرديراتير غسلة كويسه واغير المية

[douha_wise]

والله انا موضوع الميه ده كان مجنني وكانت بتنقص علي طول رحت كشفت عليها وغيرت طلمبه الميه جبتها من صقر بـ 240 جنية وغيرت شجرة الميه كمان اللى تحت الماتور دي هي ماسورة حديد كده ليها 3 تفريعات ودي بـ 70 جنية والحمد لله الدنيا ظبطت عندي دلوقتي بس فعلا عايز اغسل الرديراتير غسلة كويسه واغير المية

مبروك يا سيدى و عقبال ما تغير تيل الفرامل كمان

[amr1901]

مبروك يا سيدى و عقبال ما تغير تيل الفرامل كمان

غيرته وجبت تيل الباسات كمان الحمد لله الدنيا ظبطت والبركه فيك يا صديقي

[ahmed2801]

والله انا موضوع الميه ده كان مجنني وكانت بتنقص علي طول رحت كشفت عليها وغيرت طلمبه الميه جبتها من صقر بـ 240 جنية وغيرت شجرة الميه كمان اللى تحت الماتور دي هي ماسورة حديد كده ليها 3 تفريعات ودي بـ 70 جنية والحمد لله الدنيا ظبطت عندي دلوقتي بس فعلا عايز اغسل الرديراتير غسلة كويسه واغير المية

والله يا أستاذ/ عمرو لو عايز تحافظ على دائرة التبريد عندك اعمل زى ما قرأت فى المشاركة السابقة وانت مش ح تشتكى من حاجة ان شاء الله لان المياة الخضراء بتحافظ على اجزاء دائرة التبريد نظيفة .

[amr1901]

والله انا بحط ميه خضراء علي طول بتاعه موبيل بس انا كنت شاريها من واحد ما كنش مهتم بيها اساسا وكنت احط الميه وتنزل علي الارض علي طول بس الحمد لله اتحلت اهي والدنيا طبيبي لحد دلوقتي

[emam]

غيرته وجبت تيل الباسات كمان الحمد لله الدنيا ظبطت والبركه فيك يا صديقي

السلام عليكم ورحمة الله وبركاته

حضرتك جبته منين وسعره كم احسن الميكانيكى الله يسامحه ركبلى تيل امامى موجود عنده كان تاريخ انتاجه 2006 مش عارف بقا تاريخ صلاحيته انتهى ولا اية ؟ بيصفر مع الفرامل للاسف وارجعله يصنفره ويرجع يصفر تانى - حسبى الله ونعم الوكيل فيه .

[ahmed2801]

السلام عليكم ورحمة الله وبركاته

حضرتك جبته منين وسعره كم احسن الميكانيكى الله يسامحه ركبلى تيل امامى موجود عنده كان تاريخ انتاجه 2006 مش عارف بقا تاريخ صلاحيته انتهى ولا اية ؟ بيصفر مع الفرامل للاسف وارجعله يصنفره ويرجع يصفر تانى - حسبى الله ونعم الوكيل فيه .

وعليكم السلام
ازيك يا استاذ امام
تيل الفرامل الالمانى من عند فتح الباب فى شارع دمشق وشارع رمسيس واعتقد له فرع فى الجيزة بس ما عرفش فين
عموما من عند اى حد بيبيع قطع غيار الالمانى.
ما تنساش تاخد معاك التيل القديم
وتقبل تحياتى

[emam]

الحمد لله تمام يا بشمهندس ازى حضرتك يا رب تكون فى احسن حال ؟ موضوع التيل ده مزعج اوى بسمع صوت صفير بسيط مع الفرامل الخفيفة على السلانسيه وبيستمر نصف دقيقة بعد ما ارفع رجلى من على الفرامل مش عارف العيب فين ؟ انا لسه مغيرة من اسبوع ومستحرم اغيره على المدة البسيطة دى الميكانيكى قالى انه كويس مع انه من 2006 بصراحة قولت يمكن القديم احسن من الجديد اسمع انه مضروب بس للاسف التجربة مش ظريفة بس هو شال الصاجه الى بتكون عليه وقال انه ملهاش لزمه ممكن تكون هى السبب ؟

[douha_wise]

الحمد لله تمام يا بشمهندس ازى حضرتك يا رب تكون فى احسن حال ؟ موضوع التيل ده مزعج اوى بسمع صوت صفير بسيط مع الفرامل الخفيفة على السلانسيه وبيستمر نصف دقيقة بعد ما ارفع رجلى من على الفرامل مش عارف العيب فين ؟ انا لسه مغيرة من اسبوع ومستحرم اغيره على المدة البسيطة دى الميكانيكى قالى انه كويس مع انه من 2006 بصراحة قولت يمكن القديم احسن من الجديد اسمع انه مضروب بس للاسف التجربة مش ظريفة بس هو شال الصاجه الى بتكون عليه وقال انه ملهاش لزمه ممكن تكون هى السبب ؟

ارجعله تانى و هو ممكن يصنفره شويه و يبقى كويس و لو معجبكش انا اشتريت من عند جورج عبدالمسيح بتاع الفولكس فى شارع ذكى اول ممر صغير على اليمين و انت جاى من شارع رمسيس و هو معروف هناك و عنده نوع المانى اسمه etg بتاع الباسات و التوليدو 2 و سعره 120 جنيه و انا نزلته ل 100 عشان اخذت منه حاجات كتير بس خد معاك القديم برضه

[ahmed2801]

الحمد لله تمام يا بشمهندس ازى حضرتك يا رب تكون فى احسن حال ؟ موضوع التيل ده مزعج اوى بسمع صوت صفير بسيط مع الفرامل الخفيفة على السلانسيه وبيستمر نصف دقيقة بعد ما ارفع رجلى من على الفرامل مش عارف العيب فين ؟ انا لسه مغيرة من اسبوع ومستحرم اغيره على المدة البسيطة دى الميكانيكى قالى انه كويس مع انه من 2006 بصراحة قولت يمكن القديم احسن من الجديد اسمع انه مضروب بس للاسف التجربة مش ظريفة بس هو شال الصاجه الى بتكون عليه وقال انه ملهاش لزمه ممكن تكون هى السبب ؟

لا ماتستحرمش.... مادام مزعلك غيره لأن الموضوع راحة نفسيه مش آداء للمُعده انا ماعرفش اسوق لو قلقان من اى حاجه والاستاذ ممدوح قال لحضرتك على العنوان