ياريت كل الافادة عن a11

[shadie]

السلام عليكم
معاكم اخوكم شادى من الزقازيق
وانا استقريت بعد كثير من اللف على a11 2005
كنت عاوز اعرف مراكز الصيانة فى الزقازيق الكويسة
ازاى احافظ على العربية لاطول مدة ممكنة
ديه اول عربية ليا فياريت الافادة لانى ميح خالص
وجزاكم الله كل خير

[HAITHAM1985]

مبلااااااااااااااش يا شادى تكون أول عربية صينى ......... أنا مش بخوفك منها بس هيا بالـتأكيد أضعف من الأوروبى والأسيوى

بس لو مصمم ......... يبقى توكل على الله بس إيدك فيها على طووووووووول


فى مركز بعد الزراعة على أول طريق الشوبك مش فاكر إسمه

الاسطى عادل اللي موجود عند المعهد الديني .... وهو معروف هناك ...... ورقمه 0122947301

في عادل الفلاح (ميكانيكي )الا جنب شركة tEdata علي طريق البحر

و في كهربائي اسمة ياسر ده جنب محطة بنزين علي زكي

و لو عاوز حد عندة كمبيوتر في واحد اسمة حمدي (علي ما أذكر) و ده في الطريق الموصل من الجامعة الي موقف ابو حسين

عندك عمرو الجابري طريق الزرقية دا فنان ومهندس كبير اوى والكهربائي النظيف بجوار معهد فنى تجاررررررررررري

في واحد اسمه أبو زيد في أول طريق الاحرار من ناحية المرور

ميكانيكى اسمة عمرو الجارحى استاذ و بيشتغل فى الجديد حلاوة و اغلب شغلة فى الالمانى الى هيجربة موش هيندم بس عيبة انه زحمة لانه معلم مكانه فى طريق الزرقيه على الشمال وانت جاى من عند الكبرى اسال بس على ورشة الاسطى عمرو الجارحى

ومبروك عليك العربية وربنا يعطيك خيرها ويكفيك شرها

[akmm]

الف مبروك العربيه .

[wael61]

لو مجبتش فكر تانى
لو جبت الف مبروك وربنا يديك خيرها ويبعد عنك شرها واعطالها وقطع غيارها

[ahmed2801]

مبلااااااااااااااش يا شادى تكون أول عربية صينى ......... أنا مش بخوفك منها بس هيا بالـتأكيد أضعف من الأوروبى والأسيوى


حضرتك عرفت منين انها اضعف من الاوروبى و الاسيوى ومتأكد..!!!! وحضرتك ما ركبتهاش وبعدين ماهى اسيوى بردو وبتكنولوجيا اوروبى على اعلى مستوى؟؟؟؟؟

بس لو مصمم ......... يبقى توكل على الله بس إيدك فيها على طووووووووول


ماهو طبيعى ان اى عربية مستعملة لازم تكون ايده فيها حتى لو كانت اوربى او امريكانى حتى!! لان المالك الاصلى اللى اخدها من الزيرو أخد خيرها وأحب اطمن حضرتك ان العربية دى احسن من الكورى والماليزى ف الثبات والموتور وكلام حضرتك السلبى عن الصينى بدون خبرة بيخوف الناس منها وبيعمل دعاية سيئة ح تشيل ذنبها.
ولك الشكر.

[shadie]

ربنا يجازيك كل خير بس بصراحة انا دورت كتير و كانت حالة العربيات تعبانة اوى و العربية ديه صاحبها كان محافظ عليها جدا
انا لسة ماخلصتش بس دفعت عربون

[shadie]

ربنا يبارك فيك يا اخى و الله اعلم انا عملت كام صلاه استخارة انا لسة مخلصتش بس دافع عربون ربط كلام وربنا ييسر الامور

[shadie]

انا عارف ان العربية جميلة جدا و مميزة بالذات عن اى عربية صينى وعلى فكرة اهم حاجة فعلا المحافظة على العربية و مش تهنها

[ahmed2801]

اهم حاجة حضرتك ماتاخودش عربية متهانة وملعوب فيها ومعكعكة لو العربية على اصلها ف دى احسن موديل نزل من شركة شيرى جميع مكوناتها والحساسات اوروبى والمانى مصنعة ف الصين بتصريح من الشركات ذاتها ... بوش و فى. دى. او. من كبرى الشركات الالمانية فى التصنيع الالكترونى والموتور فورد اسكورت 99 معدل انجكشن من بيت خبرة ايطالى والشاسية والفرش الداخلى سيات توليدو 96 والعفشة الامامية والكهرباء جولف3.
افحصها كويس قبل الشراء وشوف حالتها وعاملة كام كيلو ولو متغير فيها اى حاجة مش اصلى ما تاخودهاش انا معاية واحدة داخل على 6 سنين و 112 الف كم والحمد لله زى الفل.
وربنا يوفقك الى ما فيه الخير.

[shadie]

ربنا يخليك و يجازيك كل خير هى الصراحة عربية جميلة ووقعت فى غرامها من اول نظرة و لما ركبتها حسيت انها عربية رياضية و فخمة وصوت موتورها اه عالى شوية بس بالعكس ده مزيكا هو صاحب العربية محافظ عليها كويس و ديه مواصفاتها شيرى a11 موديل 2005 كاملة مانويل,, 1600 سى سى ,, تكيف تلاجة ,, زجاج كهرباء ,, فرامل ايه بى اس ,, فابريكة برا و جوا ,, اللون اسود ,, طقم كاوتش جديد انا كشفت عليها بمساعدة الاصدقاء و شكرولى فيها اوى انا خلصتها على 35 السعر ده كويس و لا مبالغ فيه على العموم هى عربية محترمة على اد فلوسها وربنا يحفظنا جميعا

[shadie]

هى عاملة 92000 ك ده كتير و لا شوية وياريت حضرتك تقولى على جدول اعمله للصيانة

[shadie]

ماشاء الله ربنا يباركلك و يحفظك

[ahmed2801]

هى عاملة 92000 ك ده كتير و لا شوية وياريت حضرتك تقولى على جدول اعمله للصيانة

الف الف مبروك وربنا يديك خيرها ويكفيك شرها.
اولا ح تغير سير الكاتينة 97 سنة خاص بالفورد اسكوت 99 كربراتير.
وح تغير الزيت شل هيليكس الاصفر و الفلتر بتاع الفورد بردو.
وح تغير فلتر البنزين وده موجود امام العجلة الخلفية يمين.وفلتر الهواء.
وتغير زيت الفتيس.
وممكن زيت الفرامل لاحقا
وربنا يباركلك كدة بقت جديدة وتسافر بقلب جامد.

[ahmed2801]

حضرتك يا استاذ شادى ما تعرفش المالك اللى قبلك غيرها ولا لأ
الكاتينة والفلتر من عند بتوع الفورد.
خاص بالفورد اسكورت 99 عادة كربوراتير 97 سنة

[HAITHAM1985]

لازلت عند رأيي مع إحترامى لرأى الجميع العربيات الصينى not compatible مع بعضها وده عيبها الوحيييييييييد