لعنة أصابت كنترول الشيرى a11

[abdoweb]

[OVERLINE]يا جماعة ياريت اللى يقدر يفيدنى يرد
لانى تعبت نفسياً من العربية الشيرى a11

رحت عند ميكانيكى اغير مشترك المياه
بعد ما غير المشترك
العربية مش راضية تدور ( قاطعة بنزين وكهرباء )

وبعد اربع ايام من العذاب مع الكهربائية
أخيراً وديتها على ونش لمحمد شيرى فى مساكن عين شمس
دور العربية الحمد لله

لكن ظهر عيب عجيب فيها
ان لو العربية او بالأخص الكنترول بتاعها بارد ( الصبح بدرى او اتركنت كذا ساعة والجو بارد )
العربية ما تدورش

لو الجو حر الظهر مثلاً العربية تدور

ولو الكنترول ساقع وعاوز تدور لازم تحط عليه مياه سخنة او تسخنة من تحت بالولاعة
ده طبعاً بعد ما تفكه من مكانه

قصة سوداء بعيد عنكم

حد عنده حل للمصيبة دى
او شافها قبل كده

منتظر ردودكم

[/OVERLINE]

[hpxp]

مممممممممممممممممممممممممم
طب ما تجرب تعزله لانه ممكن يكون بيلقط رطوبه
او غطيه بكيس بس كويس انا بعمل كده علي طول علشان بغسل المكنه

[abdoweb]

يعنى ايه بيلقط رطوبة ؟؟
تقصد بيسقع جامده شوية زيادة عن اللزوم ؟
لو كده انا ممكن اكلفته كويس

وفى واحد فى الحرفيين بتاع كنترول بيقولى
ممكن يفتحه ويحط له عزل بين حاجتين مش فاكرهم
لكن بيقولى على ضمانتى
لانه ممكن بعدها يبوظ خالص
ايه رايكم ؟

[hpxp]

جرب كلفته كويس
لو نفع يبقي تمام
واعزل بعدها يبقي افضل
الرطوبه بتبقي عبارة عن ميه في الجو بتلزق في سطح اي حاجه بارده قدامها
زي اما تكون في الاسكندريه وتحس ان العربيه مبللوله من برة
وشكرا

[tarekjwal]

يا استاذي العزيز انا سبق وقلت لسعادتك في التليفون انك تاخد الكنترول وتودية لبتاع الكنترولات وتقولة علي المشكلة وهو لو فاهم هايعملك حاجة بسيطة جدا وهي انة هايغيرلك الفيوز الزنر بتاع الكنترول وهو فيوز واحد 3k ohm ودة دايما اللي بيعمل رطوبة 3 كيلو اوم وتمنة 4 جنية عند الكترونيات عبد الشافي او اي واحد في باب اللوق ويلحمة كويس ويسخن بالكاوية الهوت اير علي باقي البردة ويخلي بالة علشان دي معزولة بالشمع وانشاء الله هاتشتغل تمام ودة عن خبرة وتجربة
شكرا
طارق اسيوط 01008331244

[abdoweb]

عزيزى المهندس طارق
اللى زهقته اتصالات معاى وربنا يكرمه ما بيتأخرش
انا كنت هعمل كده بكرة علشان النهارده الأحد والحرفيين قافله
لكن قلت استشير الناس فى المنتدى
يمكن حد سمع او شاف او جرب المشكلة الرخمة دى

انا اتصلت بالتوكيل الحرامية قالوا لى الكنترول ب 5300 جنيه
حاجه تفرس بصراحة
كانها bmw
انا هجرب بكرة الحل ده
مع انى سالت الناس فى التليفون قالوا لى مفيش حاجه اسمها فيوز الزنر ده غير فى التلفزيونات

هروح لناس غيرهم وربنا يسهل

[hugan]

ربنا معاك
متابع

[abdoweb]

غلبت من هذا الكنترول

والله يا جماعة أنا تعبت نفسياً
انا رحت الحرفيين
ورحت عند أكثر من واحد بتاع كنترول

وللأسف الشديد النسبة الغالبة فيهم شخصيات زفت
ومعاملتهم زى الزفت
كانهم بيجيبوا التايهة
وهم مش فاهمين اى حاجه
للأسف

واخر ما وصلت اليه
ناس اسمهم ( فوكس )
هروح لهم بكرة
يمكن يلاقوا حل
لكن الحل مش فاهم ولا بيحاول يفهم ولا بيعاملك كويس حتى
كأنى مش هدفع لهم
مع انى والله ناوى ادفع كويس بس يحلوا المشكلة

وفى حل تانى واحد قالهولى اسمه محمود السنى الكهربائى هناك
لقيت ناس بتشكر فيه على النت
لما شاف الفتيس والموتور وقالى دى حاجه نوبيرا
يبقى ممكن نركب لها كنترول لانوس بس معاه نغير الضفيرة والموبينة للانوس برضه
والمفروض هيجهز الحاجات دى ويكلمنى
ونجرب

وما زال التسخين مستمر
......

[hpxp]

طب جربت تكلفته كويس ؟؟؟
جرب احسنلك من تغير كنترول برضه
اصل تغير الكنترول ممكن يعمله مبلغ
جرب الاول بدل ما تكلف جامد
وطمني

[novo]

والله يا جماعة أنا تعبت نفسياً
انا رحت الحرفيين
ورحت عند أكثر من واحد بتاع كنترول

وللأسف الشديد النسبة الغالبة فيهم شخصيات زفت
ومعاملتهم زى الزفت
كانهم بيجيبوا التايهة
وهم مش فاهمين اى حاجه
للأسف

واخر ما وصلت اليه
ناس اسمهم ( فوكس )
هروح لهم بكرة
يمكن يلاقوا حل
لكن الحل مش فاهم ولا بيحاول يفهم ولا بيعاملك كويس حتى
كأنى مش هدفع لهم
مع انى والله ناوى ادفع كويس بس يحلوا المشكلة

وفى حل تانى واحد قالهولى اسمه محمود السنى الكهربائى هناك
لقيت ناس بتشكر فيه على النت
لما شاف الفتيس والموتور وقالى دى حاجه نوبيرا
يبقى ممكن نركب لها كنترول لانوس بس معاه نغير الضفيرة والموبينة للانوس برضه
والمفروض هيجهز الحاجات دى ويكلمنى
ونجرب

وما زال التسخين مستمر
......

ممكن حضرتك تسأل على موتور الجولف 3 أو 2 بالكامل بدون فتيس بالكنترول و هتلاقيه مرمي فى الحرفيين و لن يزيد على 4000جم لو حالته ممتازه
على فكره العربية نفس قواعد الجولف بالضبط

[douha_wise]

اخى العزيز انا ارى انك تعمل حاجة من اتنين
اولا تحاول تخلى حد يشتريهالك من الصين بس من مكان موثوق فيه حتى لو اعطيت عربون لأحد محلات قطع الغيار او شخص يكون بيسافر الصين و فاهمها كويس بس لو عملت كده ياريت من فضلك تقولنا عملت ايه بالظبط عشان نستفيد من تجربتك
او تشتريه من هنا و تسلم امرك لله لكن انك تغير الكونترول بلانوس فأنا لا انصح بهذا ابدا لأن واحد صاحبى اشترى شيرى a11 اتوماتيك و اتضح ان كونترولها متغير عند محمد بتاع الزاوية بلانوس على كلام محمد و اللى باعها لصاحبى لم يكن امين معه و لم يوضح له هذا و العربية حتى الآن مش مظبوطة و محمد كل ما نقوله على مشكلة فيها يقولك اصل الكونترول بيعمل كده حتى الار بى ام مش شغال
استخير ربنا و حاول تجاهد فى الحل الأول و ان شاء الله تجيبه بسعر كويس جدا بدل الحرامية اللى هنا و اسأل الله العظيم أن يعينك و ييسر عليك امرك هذا

[michael rafik]

ربنا معاك فيلم ابيض واسود

[michael rafik]

ممكن حد يدلنى على ميكانيكى شيرى بس

[arwah]

(ممكن حضرتك تسأل على موتور الجولف 3 أو 2 بالكامل بدون فتيس بالكنترول و هتلاقيه مرمي فى الحرفيين و لن يزيد على 4000جم لو حالته ممتازه
على فكره العربية نفس قواعد الجولف بالضبط)
اعتقد ان البشمهندس طارق السيد قال لي نفس الكلام ولكن هل الضفيره بتيجي مع الموتور واللا حتشتغل الضفيره القديمه مع التعديل وهل باقي الحساسات حتشتغل ولا لا زي حساس الجكمان والفرامل وغيرهم

[abdoweb]

ما زال البحث مستمر

يا جماعة انا منتظر الى بعد العيد
زى ما قالوا لى الناس بتوع ( فوكس ) بتوع الكنترولات
الموضوع رخم قوى قوى
فعلاً شئ يكرهك فى العربيات كلها

ياريت الأخ اللى بيتكم عن تغيير الكنترول بلانوس وانه بيجيب مشاكل
ياريت تكتب لى رقم تليفونه او يبعتهولى على الخاص
او رقم الاخ اللى معاه العربية دى
علشان افهم منه ايه المشاكل

ولكن السؤال اللى محيرنى
ايه اللى ممكن يكون معطل الكنترول
ولما بيتسخن لدقيقة بيشتغل ؟
حد عنده فكرة ؟