ما إشتريتش A15 هاشترى F3

[pcaccess]

انا حصل معايا مشكلة مع الوكيل بتاع شيرى

بعد ما خلصت كل الأوراق وكله تمام وعلى التسليم (طبعا المفروض موديل 2008)
لقيتهم عايزين يغيرو ورق البنك ويخلوه موديل 2007

أعدوا يماطلوا فيا وإن الموديل مافيهوش فارق وانه هاييجى كمان اسبوع وكمان اسبوع .بس انا صممت على سحب فولسى ووقفت إجراءات البنك.

دلوقتى بشترى BYD F3
ايه رأيكم ؟؟؟

[eng / AhmeD]

ليه كده كنت تستني الاسبوع ده
العربية حلوة جدا و تستاهل
هي مع واحد صاحبي بقالها سنتين مع استخدام حميري
و العربية زي الفل مافيهاش الهوا

ال byd معرفش عنها حاجة
بس الشيري منتشرة عنها

[pcaccess]

انا بعت عربيتى والوكيل قاللى ان التسليم فورى وبقالى زيادة عن اسبوعين معاهم وزهقت من عدم المصداقية

كان من اول ماقعدت مهاعم كان قاللى ان الموجود Full Options
هو موديل 2007 وساعتها انا اقرر مش انهم يحطونى قدام امر واقع.

وبعدين هو قال ان فىيه شحنة جاية وانى ياريت استناها. استنيت لغاية ما جت الشحنة وهم اكتشفوا ان الشحنة مافيهاش A15 !!!!!!!!!!!

فبصراحة هم عايزين يلبسوا الناس 2007 وخلاص وده اسلوب مش محترم.

[muslem]

الbydf3 افضل و فى اقسام الصيني العام و قسم ماركات اخرى فيه كثير من المواضيع التى تقول بان ال f3 افضل حتى بالنسبة للكراش تست افضل

[Ramy.Gamal]

هو فيه فرق سعر بين الاثنين؟

[muslem]

الاخ رامى
byd فل اوبشن عادة (2 اير باج وabs و) دلوقتى تعمل 73.500 جنيه لكن بصراحة مش عارف سعر الشيرى كام؟

[pcaccess]

الشيرى ال 15 كاملة مانيوال كانت عاملة 63900 خلال شهر يونيو
وبعد كدة زود 4000 جنيه يعنى 67900
المشكلة ان الوكيل ماعندوش موديل 2008 من الشيرى دى

ال BYD كاملة مانيوال عاملة 73000 (العربية تحفة)

انا لسه مشتريها ورحنا المرور وخلصنا كل حاجة بس مافيش نمر


انا فى الخدمة والإجابة عن اى اسئلة.

[muslem]

ألف مليون مبروك وربنا يديك خيرها ويكفيك شرها آمين وخلينا دايما فى تواصل علشان نتبادل المعلومات طالما انضميت لنادى البى واى دى

[mexmarine]

روح بص على الجيلى Mk11 عربيه تحفه و ضمان 5 سنين او 100 الف كيلو

[khaabas]

نصيحة من مجرب اوعى تشترى الصينى نهائئ عربية تعبانة وحاجة هم

[eng_mkhalaf]

طب ممكن تقولنا أزاى وصلت للنتائج العظيمة دية بدل ما تحط رد غامض كدة وخلاص

[khaabas]

طب ممكن تقولنا أزاى وصلت للنتائج العظيمة دية بدل ما تحط رد غامض كدة وخلاص

قولك ازاى وصلت للنتيجة دى ببساطة عندى العربية دى واول لما جبتها كمبيوتر العربية اتحرق بقى عمرك شوفت كده يا راجل بلاش دى قطع غيارهاالمولعة فيه والنبى كوبلن عربية 1900 جنية لية راكب بى ام دى لو عندى بى ام هجيب الكوبلن ارخص من كده والكارثة انى مش لاقى قطع غيار عربية تانية اقدر اوفقها واركبها بدل بتاعتها ... وجربت السيات توليدو منفعتش الحكاية انى مبتكلمش كلام على الفاضى ولا كلام وخالص لا والله دى عن تجربة مريرة وعشان تتاكد جرب بيع عربيتك لو جابت اربعين تبقى معجزة مع ان عربيتى اتوماتيك و a11
لو عندك حل يارررررررررررريت تلحقنى بيه وشكرا ليك

[khaabas]

على فكرة نسيت اقولك حاجة دى لو حد رضى اصلا يشترها منك والله ما بقول كلام على الفاضى والله صادق فى كل كلمة قولتها وياريت لو عندك حل بخصوص قطع الغيار قولى عليه بسررررعة

[eng_mkhalaf]

طب وتبيعها لية طالما مريحاك خليها وبالنسبة للكوبلن أنا رديت على رسالتك جرب الحلول دية وهتلاقى بأذن الله - خلى بالك الكوبلن ممكن يكون تبع فورد مش التوليدو والله المستعان