كنترول الشيري a11

[tarekjwal]

الأخوة الأعزاء انا عايز اوضح معلومة بسيطة ممكن تتوة عن اي حد وهي ان كنترول العربية الشيري تحديدا يختلف عن اي كنترول بتاع اي عربية لأنة كنترول مبسط جدا وظيفتة بس هي تشغيل الموتور يعني التحكم في بخ البنزين من الأنجكشن ومزامنة ضربات شرز الكهرباء بتاع البوجيهات والتحكم في تشغيل المراوح ورفع الأربي ام مع تشغيل التكييف وخفضة بعد بداية التشغيل
لكن في سيارات اخري يتم التحكم الكامل في كل شئ حتي انة ممكن ان تضع الكنترول علي جهاز كشف الأعطال ويفتح الأنوار ويشغل العددات ويشغل مراوح التبريد ويشغل انوار الشبورة ويعمل حاجات كتيرة مش موجودة في كنترول الشيري
والخلاصة ان مش كل مشكلة تحصل نقول انها كنترول في حساسات ممكن يكون فيها مشكلة وممكن تكون مش نضيفة مثلا واصوات في الموتور ممكن تكون بلي او تاكيهات او حاجات ميكانيكية تاني......دة للأفادة
شكرا
طارق اسيوط

[arwah]

ازيك يا بشمهندس طارق معلهش احنا مصدعينك وواجعين دماغك فمعلش استحمل شويه والحسنه بعشر امثالها.....انا حاسس زي ما حضرتك بتقول وان المشكله مش مشكلة كونترول وبالاحرى انا ميهمنيش الكنترول لان زي ما بينت لحضرتك قبل كده في التليفون ان الكونترول مش بتاعها بس العربيه شغاله كويس وادائها والحمد لله عاجبني لحد كبير يمكن علشان ما ركبتش حاجه انضف منها لكن اهي عاجباني وسافرت بيها مطروح مرتين ومشاويري كلها دولي والحمد لله وعمرها بفضل الله ما كسفتني لكن الدردره (العربيه بتتنفض)لما رجلي تخف على دواسه البنزين وده في الغياراتن التالت خصوصا والرابع اقل شويه ومش في الطلعه.., وواحد صاحبي بيفهم شويه قال لي في التليفون ان ده عيب (معلقه) وكانه متاكد ومنغير حتى ما يفكر كتير ..انا اسمع ان المعلقه دي في 127 او في 128 لكن هل في الشيري معلقه وهل هي ممكن تعمل العيب ده ولا اغير حساسات الايدل والتي بي اس تاني بعد ثلاثة شهور على الاكثر من تغييرها المره السابقه برجاء الافاده وربنا يرضيك

[tarekjwal]

شكرا لرد حضرتك وانا تحت امركم في اي استشارة بالنهار وبالليل وبحب اللي عمل اي اصلاح في عربيتة انة يفيد الأعضاء عن تجربتة
في مشكلة حضرتك انا الصراحة مش قادر اتخيلها علشان ما ركبتش العربية بس لو اي ميكانيكي بيفهم حتي لو حاجة بسيطة ممكن يحددلك العيب لكني أأكد لحضرتك انة مش عيب كنترول هو احتمال يكون فعلا في انظمة الدبرياج او ما شابة ذلك والله اعلم
شكرا
طارق اسيوط
01008331244