إعـــــــلان

Collapse

.

,
See more
See less

تقرير عن تركيب مساعدين شيرى qq

Collapse
X
 
  • Filter
  • الوقت
  • Show
Clear All
new posts

  • تقرير عن تركيب مساعدين شيرى qq

    [justify]السلام عليكم ورحمة الله وبركاته[/justify][justify][/justify][justify]
    بإختصار شديد أنا معايا شيري qq مو 2004 والحمدلله رب العالمين العربية ممتازة جدااا وحلال كل جنيه دفعته فيها ... يعني دى شهادة حق عن تجربة ... ندخل ف الموضوع وهو إن حالة العفشة أصبحت سيئة جداااا وبعد الكشف عليها لقيت لازم أغير جوز المساعدين الأمامي لإنهم ضربوا زيت خلاص ومش نافعين نهائيااا ... طبعاً بعد رحلة قصيرة من النزول للتوفيقية والسؤال بالتليفون فى محلات كتير ف التوفيقية والمعادى وشارع دمشق ربنا وفقني لمحل إسمه "العسكرى" وهكتب بياناته فى أخر التقرير وجبت من هناك جوز مساعدين أمامي صينى بـ 350 جنيه ... ولقيت الجوز الخلفى kyb ياباني بـ 250 جنيه وانا ناوي أغير الخلفى قريب إن شاء الله ..
    والحمدلله ركبتهم عند واحد عفشجي ف المنطقة والقصة كلها لم تستغرق ساعة على بعضها والمصنعية كانت 40 جنيه بالظبط ... والحمدلله بعد التجربة حسيت بفرق كبير وثبات أحسن بكتير طبعااا ولكن مش هيظهر الأداء الحقيقي للمساعدين غير بعد 4 مشاوير ع الأقل ... تم التركيب بتاريخ اليوم 1 فبراير 2013 .
    أما عن محل "العسكري" بصراحة ناس زي الفل وأسعارهم من الأخر وأفضل من أبو عوف كمان ... بالمناسبة أبو عوف مكانش عنده المساعدين وقال أفوت عليه فى خلال اسبوعين تلاتة !!!!!!
    عنوان وتليفون المحل : 14/16 سوق التوفيقية - المول التجارى - الدور الثالث .. تليفون 25780371 - 01001059479 - 01143991991
    أسعار لبعض القطع الأخرى اللى سألت عنها : غطاء قربة مياه 15 جنيه - سير كاتينة (تقسيمة) 80 جنيه - تيل فرامل أمامي 50 و 55 جنيه - تيل خلفى أصلى 100 جنيه - طقم دبرياج 350 جنيه[/justify]
    دى صورة المساعدين الأمامي قبل التركيب وطبعا من غير السوست لإنك مش هتغير السوست غير لو كانت مكسورة أو فيها لحامات مثلا ... لكن بخلاف ذلك عمرك ما هتحتاج تغير السوست


  • #2
    مبروك

    Comment


    • #3
      المشاركة الأصلية كتبت بواسطة dr/ p.k.sh مشاهدة المشاركة
      مبروك
      الله يبارك فيك ^__^

      Comment


      • #4
        الف مبروك يا باشا ..

        Comment


        • #5
          1000مبروك
          [SIGPIC][/SIGPIC] ياتقول كلام في محله يا تقول حلو ياحلو
          [url]/photos/a.879931698703941.1073741827.879900435373734/879931905370587/?type=1[/url]

          Comment


          • #6
            الله يبارك فيكم جميعاااا

            Comment


            • #7
              الف مبروك يا باشا - واستفسار صغير شغل الميكانيكا بتعمله عند مين غير التوكيل
              وسكان العربية عند مين برضه غير التوكيل
              [RIGHT]اللهم لك الحمد والشكر ملئ السموات والأرض حتى ترضى كما ينبغى لجلال وجهك وعظيم سلطانك[/RIGHT]

              Comment


              • #8
                المشاركة الأصلية كتبت بواسطة madalovmada مشاهدة المشاركة
                الف مبروك يا باشا - واستفسار صغير شغل الميكانيكا بتعمله عند مين غير التوكيل
                وسكان العربية عند مين برضه غير التوكيل
                الله يبارك فيك .. بصراحة موضوع الميكانيكا ده هو اللى كنت سألت عليه هنا ف المنتدى من فترة وأحد الأخوة نصحني بواحد اسمه عماد الميكانيكي ف فيصل ... بس لحد دلوقتي محصلتش فرصة إنى أفوت عليه لإني عاوز أغير سير التقسيمة أو الكاتينة وخايف اى حد مش بيفهم يركبه غلط ... إنما موضوع السكان بالكومبيوتر بسيط جداااا وتقدر تعمله عند اى كهربائي عنده جهاز كشف أعطال طالما موديل العربية موجود ع الجهاز عنده .. فى كهربائي اعرفه ف شارع المطبعة ف فيصل عنده جهاز الاعطال ده وكنت عملت عنده شغل قبل كده بعربية بونتو وصلح أعطالها بالكومبيوتر .. اسمه الشيخ مصطفى وهتلاقيه ف نهاية شارع المطبعة من فيصل قبل ما تحصل الدائري

                Comment


                • #9
                  الف مبروك على المساعدين بس كان عندى استفسار عن معدل استهلاك البنزين ؟ انا معايا موديل 2006 بتعمل 200 فى الصفيحه جوه البلد بس حاسس انها كده بتاكل بنزين

                  Comment


                  • #10
                    المشاركة الأصلية كتبت بواسطة michael rafik مشاهدة المشاركة
                    الف مبروك على المساعدين بس كان عندى استفسار عن معدل استهلاك البنزين ؟ انا معايا موديل 2006 بتعمل 200 فى الصفيحه جوه البلد بس حاسس انها كده بتاكل بنزين
                    هو انا اللى معايا 850 سى سى ... بتعمل جوه البلد بين 11 و 12 كيلو ف اللتر يعني ف الصفيحة بتعمل حوالى 220 كيلو ... بالنسبالي المعدل ده ممتاز جدااا خصوصا إن مشواري اليومي بتاع الشغل زحام شديد ... يعني شارع القصر العيني وكوبري الجامعة وكمان شارع الجامعة وكلها ما شاء الله واقفة ع طووووول ... متهيألي ف السريع هتعمل معدل أحسن من كده بكتير بس لسه مجربتهاش ع السريع
                    بالمناسبة أنا والدي معاه qq برضو مو 2006 والموتور 1100 سى سى ... المعدل بتاعها نفس الرقم اللى إنتا قولته تقريبا

                    Comment


                    • #11
                      شكرا على الرد بس معنى كلامك ان qq بتاكل بنزين بالنسبه للعربيات التانيه يعنى لو راكب اكسنت هاتعمل معدل كثر من كده وفى نفس الوقت 1500 cc

                      Comment


                      • #12
                        المشاركة الأصلية كتبت بواسطة michael rafik مشاهدة المشاركة
                        شكرا على الرد بس معنى كلامك ان qq بتاكل بنزين بالنسبه للعربيات التانيه يعنى لو راكب اكسنت هاتعمل معدل كثر من كده وفى نفس الوقت 1500 cc
                        أنا كان معايا نوبيرا مسقطلها موتور إستيراد ممتاز ممتاز لأبعد الحدود لدرجة إن الشكمان كان بيعرق مية وبعد محاولات وتظبيطات كتير كان المعدل هو بين 130 و 140 كيلو ف الصفيحة وطبعا موتورها 1600 سى سى ... وكان معايا ابيزا خربت بيتي وبعتها وكانت بتعمل 120 كيلو ف الصفيحة .. وبرضو جربت الماروتي وكانت حالة الزيرووووو وكانت بتعمل نفس معدل الـ qq .... من وجهة نظري شايف إن المعدل الحالي معدل ممتاز جدا خصوصا إن طريقي شبه مشلول يوميااااا ... يعني أنا متأكد إن لو طريقي سريع هتعمل ف الصفيحة 260 كيلو بالمرتاااااااح

                        Comment


                        • #13
                          ربنا يباركلك فيهم ويديك خيرهم ويكفيك شرهم...
                          وانا معاك في ان العربية دي ممتازه وحلال عليها كل قرش يتدفع فيها

                          تحياتي
                          don't judge a car unless you have driven it

                          hm414 سابقا

                          Comment

                          Working...
                          X