مقارنة بين شيرى A11 و اسبرانزا A516

[douha_wise]

مقارنة بين شيرى A11 و اسبرانزا A516

السلام عليكم جميعا اخوتى و احبائى
لقد اتيحت لى الفرصة لقيادة السيارة الإسبرانزا A516 لمدة 6 ساعات او اكثر متواصلة تقريبا و على فكرة هى سيارة اخى لكن لم اقدها قبل ذلك الا دقائق و لهذا لم اكون عنها فكرة حقيقية
طبعا معروف ان السيارتين صنعتهم نفس الشركة و هى شركة شيرى الصينية

ندخل فى المقارنة

* السيارة الاسبرانزا من الداخل كمالياتها افضل بشكل واضح و طبعا شكلها فخم اكثر منA11 و الصالون تقريبا من الداخل نفس الاتساع A11
شنطة A11 اوسع من الاسبرانزا الى حد ما

* عندما بدأت اقود الاسبرانزا وجدت ان سحبها فى الغيار الأول و الثانى اقل بشكل ملحوظ جدا عن A11 يعنى التسارع فى الاسبرانز اقل ربما لأن الاسبرانزا 16 صمام و الموتور 2 كامة
لكن بداية من الغيار الثالث يكون التسارع جيد و لاحظت ايضا ان الغيار يتم فى الاسبرانزا على عدد لفات عالية للموتور تصل الى اكثر من 4000 لفة بينما فى الشيرى A11 بالكتير 3500 لفة

* صوت المحرك فى A11 اعلى نسبيا من الاسبرانزا

* كلا السيارتين فى سحبهما فى السرعات العالية جيد جدا
و الثبات فى كلا السيارتين واحد تقريبا و هو جيد جدا

* العفشة فى اسبرانزا ناشفة بشكل واضح مع المطبات و غيرها لكن فى A11 انعم كثيرا

* الغيارات فى A11 انعم من اسبرانزا

* فرامل الاسبرانزا افضل من A11 نسبيا

* البور فى A11 افضل بشكل واضح عن الاسبرانزا

* استهلاك البنزين فى A11 افضل يعنى مثلا انا فى سفرى لاسكندرية عملت فى الصفيحة اى 20 لتر حوالى 300 كيلو على سرعة 95 كيلو و كنت شغلت التكييف لمدة نصف ساعة كمان
لكن الاسبرانزا بتعمل حوالى 280 على الاكثر بنفس المعدل و طريقة القيادة و بدون فتح تكييف

* التكييف فى A11 ممتاز جدا يعنى انا لا استطيع ان اتحمل اكثر من ثالث درجة و لكنى اشغلة اكثر الوقت على درجتين لكن فى الاسبرانزا لم نشغل التكييف لذلك لا اعلم

و اخيرا ارجو ان تنال هذة المقارنة اعجابكم

[eng / AhmeD]

الف شكر علي المقارنة
بس عمليا
ال a11 ليها ميزة مهمة انها مستوردة مش تقفيل مصري لذا مفيهاش عيوب التقفيل بتاعت الاسبيرانزا
و ان ال a 11 وقف انتاجها بره خلاص

و شكرا علي المقارنة

[douha_wise]

الف شكر علي المقارنة
بس عمليا
ال a11 ليها ميزة مهمة انها مستوردة مش تقفيل مصري لذا مفيهاش عيوب التقفيل بتاعت الاسبيرانزا
و ان ال a 11 وقف انتاجها بره خلاص

و شكرا علي المقارنة

كلامك مظبوط جدا لكن لسة فية A15 و هى امتداد ل A11 لكن التابلوة اشيك و الشكل الخارجى مختلف اما الباقى فنفس الشئ يعنى ممكن تعتبر المقارنة دى بين اسبرانزا و A15 برضة التى يتم انتاجها حتى الآن

[eng / AhmeD]

مظبوط
بس هل ال a15 2008 هيتغير شكلها ولا زي ما هي
اصلها عربية جميلة جدا و انا جربتها كذا مرة

[eng_mkhalaf]

الله ينور يا باشا والله وحشتنى عربيتى الشيرى - زمنها مركونة حزينة لوحدها :)

[AMOR]

شكرا على المقارنة
أنا عندى السيارة A11 وهى فعلا ممتازة بس من وجهة نظرى أن مشاكلها تتلخص فى :
- صوت الموتور عالى .
- قطع غيارها غير موجودة غير فى التوكيل خاصة الإكسسوارات وحاليا قام التوكيل برفع أسعارها بشكل كبير فمثلا الكشاف الأمامى بــ 550 جنيه.
- بالرغم أن السيارة بشكل عام جيدة جدا وشبيهة السيارة سيات توليدو إلا أنها صعبة فى إعادة بيعها . لذا فهى سيارة تصلح للإقتناء وسوف تخسر كثيييير إذا فكرت فى إعادة بيعها مهما كانت حالتها.

[ahmed2801]

حد يفيدنى ياجماعة عاوز شبكة سقف للشيرى A11
سألت ف شارع دمشق وقالو مفيش حاجة تركب عليها علشان مالهاش عتب ف البيبان

[AMOR]

التوكيل (على طريق مصر الإسماعلية)يوجد به مثل تلك الشبكات

[ahmed2801]

والله يا أخ Amor انا روحت التوكيل ولا يوجد عندهم.
وشكرا على الرد على أى حال

[CryptonX]

حد يفيدنى ياجماعة عاوز شبكة سقف للشيرى A11
سألت ف شارع دمشق وقالو مفيش حاجة تركب عليها علشان مالهاش عتب ف البيبان

ممكن تدور علي شبكة لسيات توليدو 94-95 او جيتا من نفس السنة بس معرفش فين بصراحة .

---

شكرا علي الموضوع الجميل .

و بالنسبة لل A15 مازالت في خطوط الانتاج و حتظل لحد 2009 .
ياريت يا جماعة تجمعوا شكاوي التوكيل او نقص قطع الغيار وتبعتوها لشيري .