مشكلة في شيري a11 لونج

[مصطفي يسري]

السلام عليكم ورحمة اللة وبركاتة
اصدقائي الاعزاء الخبراء
ارجوكم ساعدونى انا عندي كذا مشكلة
الاولي : استهلاك البنزين عالي جدا يعنى اللتر بيعمل تقريبا 4 كيلو ومش عارف اعمل اية ارجوكم دلونى لانى مش عارف اعمل اية خصوصا انى نظفت الرشاشات وغيرت البيجهات وبردة نفس الموضوع
الثانية : العربية كذا مرة مترداش تدور اروح اجيب ميكانيكي واجي اسمعة الصوت عشان يفهم في اية العربية تدور واحد قالي دى ممكن تكون مشكلة حساس كرنك او طرمبة البنزين بس مش هاعرف احدد الا لما اشوف المشكلة بنفسي ومش عارف اعمل اية.
سورى عندي مشكلة كمان وهي المياة بتنقص باستمرار ومش عارف لية الميكانيكي شافة قالي مافيش مشكلة اغسل الريادتير بالمياة والهواء وهتتظبط بس مش مقتنع.
كمان العربية بتحك في المطبات دة عادي ولا العفشة ممكن تكون مش مظبوطة

انا اسف طولت عليكم بس ماليش غيركم بقي والعربية لسة معايا بس بقالها شهر ارجو نفيدونى

[saddam]

بالنسبة لنقصان المياه فأول حاجة تعملها تغير غطاء الراديتر ولما بيبقه الغطا جديد حيكون شديد الإحكام وحط مياه خضرة أصلية مش أي كلام والأفضل غسيل الراديتر بمنظف الراديتر الفلاش والجهاز وأول مرة حط مياه خضراء أي كلام عشان لو فيه خرم أو مكان ضعيف في دورة المياه حيبان معاك وتعملو أما لإستهلاك البنزين فالموضوع مش تنظيف الرشاشات بالجهاز الموضوع إنك تغير الرشاش أصلا لأن الإبره بتاعتو مكانها وسع فبتسيل بنزين زيادة وأنا زمان كان عندي 3 عربيات من عربيتك مشغلهم تكسي في سوريا والصحيح إن العربية بتعمل 9 كيلومتر في اللتر وإنت عربيتك أقل واجب حتعمل 8 كيلو في اللتر متنساش تغير الفلتر بتاع البنزين والبوجيهات والسلوك بتاعتها كمان مش بس السلوك وكمان غير الفلتر بتاع طرمبة البنزين غالبا حتلاقيه مسدود أما موضوع العغشة بتحك فده طبيعي لأن العربية كل جلبها داست فتطلع على أول عفشجي وتقول ليه متلكلكش معايه في الكلام وعليلي العربية 4 زمبة لأربع فرد ومتسمعش منو أي نصيحة وبعدين إظبط زوايا وإخلص وإعمل الحاجات دي وعربيتك حيتصلح حالها ودمتم

[مصطفي يسري]

الف الف شكر علي شرعة الرد

[مصطفي يسري]

اقول للعفشجي اربعة زومبة انا اول مرة اسمع الومبة دي يعنى هو هايفهم
وتقصد غطاء الريادتير ولا غطاء الاربة
واخيرا اشكرك جدا علي ردك

[saddam]

اقول للعفشجي اربعة زومبة انا اول مرة اسمع الومبة دي يعنى هو هايفهم
وتقصد غطاء الريادتير ولا غطاء الاربة
واخيرا اشكرك جدا علي ردك

4 زومبة دي علايات بيبقه مقاسها بالزمبة فإنت تقول ليه عليلي العربية 4 زمبة أمامي وخلفي حيقلك كتير ومش كتير قولو ملكش فيه والعلايات دي حاجات بسيطة الأربعة مش حتعمل 30 جنيه بس الباقي أجور عمل العفشجي بتاع من 70 ل 120 جنيه حسب العفشجي أما غطاء الراديتر ففي من عربيتك نوعين فيه الغطا بتاع الراديتر راكب على القربة وفيه في نفس الراديتر من فوق زي العادي بس غالبا اللي عندك زي بتاعتي عالقربة فده تغيرو بتاع إسبرانزا عادي من التوفيقية ب 5 أو 7 جنيه بس خد أكتر من واحد لأن عن تجربة ده بيرجع ينفس كل 3 أو 4 شهور وربنا يوفقك

[ahmedebian77]

السلام عليكم الاخ مصطفى انا كان عندى نفس المشكلة فى نقصان المياة و بعد ما لفيت كتير لقيت الريدادتير بيسرب مياة على خفيف من الجناب و لقبت علبه صدا و ده ظهر بعد ان فكيت الريدادتير كمان كان غطاء القربة مش حاكم قوى لان المياة كانت بتفور و بتطلع من الفايز فانت حاول بعد ما تمشى شوية و العربية تسخن افتح الكبوت و بص على القربة و مسار المياة و الريدادتير و ان شاء الله حتوصل لحل و حاول تخلى الصنايعى يتاكد ان مسار المياة شغال مش مسدود بمعنى انه يوجد بوز صغير متركب فيه خرطوم جاى من القربة احيانا يكون مسدود و الله الموفق

[مصطفي يسري]

الف الف شكر يارجالة