تهييس في الكهرباء

[arwah]

السلام عليكم احبابنا اعضاء المنتدى ..لدي مشكله كهربائيه ...لما افتح نور العربيه (الصالون او العالي) منغير ما ادور العربيه او افتح كونتاك وبعدين ادي اشاره يفتح كونتاك لوحده منغير ما العربيه تدور ولو ما فتحتش النور واديت اشاره يمين او شمال عادي مفيش حاجه بتحصل ...كل المشكله مع النور بس لما افتح النور لوحده منغير ما استخدم مفتاح الطبله عادي ما يفتحش كونتاك فقط مع الاشاره يفتح كونتاك ولو حبيت ابطل العربيه والنور والاشاره شغاله ما تبطلش من المفتاح لازم اقفل النور.... حذرو فزرو دي تبقى ايه......يارب الاقي الحل عندكم حتى من باب المعرفه قبل ما اروح للكهربائي وشكرا

[ahmed2801]

السلام عليكم احبابنا اعضاء المنتدى ..لدي مشكله كهربائيه ...لما افتح نور العربيه (الصالون او العالي) منغير ما ادور العربيه او افتح كونتاك وبعدين ادي اشاره يفتح كونتاك لوحده منغير ما العربيه تدور ولو ما فتحتش النور واديت اشاره يمين او شمال عادي مفيش حاجه بتحصل ...كل المشكله مع النور بس لما افتح النور لوحده منغير ما استخدم مفتاح الطبله عادي ما يفتحش كونتاك فقط مع الاشاره يفتح كونتاك ولو حبيت ابطل العربيه والنور والاشاره شغاله ما تبطلش من المفتاح لازم اقفل النور.... حذرو فزرو دي تبقى ايه......يارب الاقي الحل عندكم حتى من باب المعرفه قبل ما اروح للكهربائي وشكرا

السلام عليكم
شوف يا شيخ سيد.... كل الاسلاك للنور والاشارات والكونتاكت ماشية فى العلبة اللى فيها عمود الدركسيون انت عندك سلك عريان وملمس بعضه وهوه ده اللى عامل معاك التهييس ده وممكن يعمل اكتر من كده ربنا يستر.
الحل:
ح تفك العلبه بتاعة عمود الدركسيون(بلاستيك) مسمارين صليبه من تحت هى نصفين علوى سفلى ح يبان مفتاح الكونتاكت واسلاكه لو شوفت الاسلاك الملمسه كان بها ولو ما لقيتهاش.
حتفك الايرباج بمفتاح الن كيه 6 مم من خلف الدركسيون وتشيله بالراحة وتفصل الفيشة بتاعته.
لقمة 24 وحتفك صامولة الدركسيون وتخبط بايديك الاثنين من تحت لفوق ومن الجانبين على ناحيتك ح تطلع الطارة ف ايدك.
ح تحل مسمارين صليبة صغيرين ماسكين مفتاح النور والاشارات والمساحات وح تفك الفيش وحدة ف مفتاح النور وواحدة ف مفتاح المساحات وتطلع المفتاحين برة.
حتشوف امامك الدفيرة والاسلاك وح يبان الاسلاك الملمسة.
ح تفك بالرحة وبحكمة لان اللى ح تفكه حتركبه تانى بنفس الترتيب آخر حاجه فكيتها اول حاجة ح تركبها.
وابقى طمنى عملت ايه.
ولو ما عندكش قلب تعمل كده ح تشوف كهربائى كويس و عنده ضمير هو اللى ح يعمل الشغله دى ويعزل الاسلاك العريانة اللى ملمسه بعضها.

[arwah]

القلب الكبير

السلام عليكم يا استاذ احمد/ بجد بجد واحشني وانتظرتك في الاجازه زي ما قولتلي بس ما حصلش ولعل المانع خير بجد بحس فيك بالرحمه وابشرك بان الراحمون يرحمهم الرحمن وانا ممتن منك جدا على ردك التفصيلي لمشكلتي جزاك الله خيرا...تمام انا شاكك زي ما انت ما قولت خاصة ان الطاره كانت مقلوبه والكهربائي مرضاش يعدلها للاسف زي ما انت ما قولت ازمة ضمير عايزين يشتغلوا شغل كبير خاصة لما يعرفوا الكنافه اللي عندي عند الدواسات بتاعةالكهرباء واني بصدد شراء كنترول بتاعها( لان اللي فيها بتاعت ماتريكس) وضفيرة موتور المهم حدفني على حداد العفشه اللي وافق يعملها بعد تردد كبيرلانه كان خايف من الايرباج اللي اكتشفنا انه مفصول اصلا.. ووقفت جنبه وحلها بشويش تمام زي ما قولت وعدلها وانا مروح اليوم ده اكتشفت ان الاشارات مش شغاله والانتظار بيدي صوت الانذار(سرينه) وشوية لخبطه قلت ما بدهاش وفكيت الغطاء وشيلت الاربع فيش المهم فشلت اني الاقي العيب او القفله رحت مصلح كلكس لان كان عندي واحد بس اللي كان شغال ودي الحاجه الوحيده اللي عرفت اعملها لكن ما وصلتش لفك الطاره نفسها وكنت ناوي اكتفي بكده لحد ما اعمل شغل كبير في العربيه لكن بكلام حضرتك عن الخطوره اللي ممكن تحصل من التلامس والقفله انا حضطر اعمل زي ما قولتلي بالظبط وكتر خيرك على الوصف التفصيلي الدقيق لطريقة الحل كانك فاهمني تمام....!! وساوافيك بالرد على ما تم عمله وجزاك الله خيرا

[ahmed2801]

رسالة شكر

السلام عليكم
الحقيقة انا روحت اسكندرية ف اجازة نصف العام وكانت رحلة قصيرة لم أتمكن من عمل كل ما أردت عمله لضيق الوقت ومنها مقابله حضرتك وانا شاكر جدا على رد حضرتك الرقيق وقد حاولت مساعدتك على قدر استطاعتى لانك تعرف انى احبك ف الله واحب هذه السيارة,
وان شاء الله نتقابل الرحلة القادمة.