سؤال بسيط

[ahmedebian77]

السلام عليكم الاخوة الافاضل
اريد غسيل موتور سيارتى لان يوجد بواقى كتيرة للمياة الخضراء لانى كان عندى مشكلة فى القرية و المياة كانت بتفور منها و تخرج من الفايز علشان كده عايز اعرف رايكم اغسلها بالمياة عادى فى محطة بنزين
شكرا

[hossamalsadik]

ممكن عادى
بس غسيل الكار كير ممتاز الكيماوى والبخار هيخلى الماتور بالحوض زيروووو بس أختار مركز جيد زى فورميلاا 1 كده وعن تجربه

[tarekjwal]

اغسل ومايهمكش بس خلي بالك من الكنترول بتاع العربية ممكن تغطية بأكياس نايلون كويس ودة هاتلاقية تحت الطوربيدو جنب موتور المساحات
شكرا
طارق أسيوط

[ahmed2801]

لو مصر تغسلة اعمل زى ما قال الاستاذ طارق وانا شخصيا لا احبذ موضوع الغسيل دة الموتور كله كهربا ومعظم المشاكل بتيجى من المياة و ح يلخبط العربية وعربيتى ما غسلتش موتورها من يوم ما اشترتها لحد دلوقت ده رأيى الشخصى وانت حر ف عربيتك

[hossamalsadik]

يا أساتذه انا بغسل الماتور وعربيتى ابيزا والحوض مليان حساسات وكمبيوتر تحت التربيدو وكله تمام
بس بعد ماتغسل تنطر الماء بالهوا من على البوجيهات بس كده
واخيرا أختار مركز محترم

[Chery_fulwin]

لا تغسلش الماتور انا مرة غسلتة وباض المارش من المية

[firstknight_eg]

اغسل الماتور كيماوي عشان ما تشغلش بالك بالماية والحساسات والكمبيوتر والكلام ده كله، وعموما هو مش غالي تقريبا 25 جنيه

[akmm]

إستخدم الفووم

[ahmed2801]

كل الكلام ده وكل الردود دى وصاحب الموضوع الاصلى وقع مننا.

[mesaharaty]

ممكن الفوم وبرضه للإطمئنان خليك بعيد وانت بترش عن الاجزاء الكهربائية

[akmm]

الفووم ليس له اى اضرار . إلا عدم استخدامه والندم على عدم استخدامه من قبل .

[ahmedebian77]

شكرا ياجماعة على الردود معلش يا استاذ احمد اصل انا كنت مشغول جدا و لسه داخل المنتدى النهارده