طنابيير --- تيل --- علبة دريكسون

[dreammate]

السلام عليكم
اولا انا عربيتى شيرى a11 موديل 2006
كنت عاوز اعرف لو حد غير الطنابير الامامية قبل كدا هل يركب لها الجولف 2 أو 3
بدون اى تعديل ولا لا
وفين اضمن وارخص مكان ممكن اجيبه منهم
التوفيقية ولا الحرفيين ولا شارع دمشق
واجيب الجديد ولا الاستيراد احسن لانى زهقت من الصينى خلاص

وبالنسبة لعلبة الدريكسيون هل يركبلها بردو بتاعت الجولف 2 أو 3 ولا لازم الصينى؟؟
واعرف منين اذا كانت البارات كمان باظت مع العلبة ولا العلبة لوحدها اللى باظت وكدا

وشكرا

[ahmed2801]

السلام عليكم
اولا انا عربيتى شيرى a11 موديل 2006
كنت عاوز اعرف لو حد غير الطنابير الامامية قبل كدا هل يركب لها الجولف 2 أو 3
بدون اى تعديل ولا لا
وفين اضمن وارخص مكان ممكن اجيبه منهم
التوفيقية ولا الحرفيين ولا شارع دمشق
واجيب الجديد ولا الاستيراد احسن لانى زهقت من الصينى خلاص

وبالنسبة لعلبة الدريكسيون هل يركبلها بردو بتاعت الجولف 2 أو 3 ولا لازم الصينى؟؟
واعرف منين اذا كانت البارات كمان باظت مع العلبة ولا العلبة لوحدها اللى باظت وكدا

وشكرا

السلام عليكم
طنابيرها الاصلية باظت بعد سنتين من شرائها جديدة زيرو وريجت بسبب التيل الصينى والمصرى الفاسد التيل بيسيب الحديد ويقع ويبقى حديد على حديد والطنابير اتدهولت!!! , غيرت الطنابير ... يركب عليها جولف2 و3 من شارع دمشق صناعة ايطالى بـ 320 جنية من 3 سنين الجوز... وغيرت الدشم (الكليبرات) الاماميه جولف2 (بردو) من الحرفيين استيراد بـ 120 جنية الجوز و ركبوا من غير اى تعديل... والاخ ممدوح معانا هنا ف المنتدى غيرهم من وكاله البلح بسعر ارخص ... وشغالين زى الفل من ساعتها والحمدلله دلوقت انا بشترى تيل جولف من فتح الباب بشارع دمشق المانى اصلى وتنساه خالص.
علبة الدركسيون ما لعبتش فيها وما عنديش فكرة ولكن الاخ طارق من اسيوط قال ان جولف 2 تركب من غير تعديل ممكن حضرته يأكد المعلومه دى لو صح.
وأى خدمة ف الشيرى يا باشا على قد ما نعرف.
انا بحب العربية دى.

[bassem.naguib]

أنا عاتب عليك يا أحمد بيه .. وأنت عارف ليه .. وشكراً على الإفادة .

[ahmed2801]

أنا عاتب عليك يا أحمد بيه .. وأنت عارف ليه .. وشكراً على الإفادة .

لالا يا استاذ باسم انا ما اقدرش ازعلك فكرنى اى موضوع.
اذا كان موضوع المقابلة كانت ف يوم عيد الام وقت وحش وولادى كانو عندى... وما اقدرش اسيبهم وأنزل.
واذا كان موضوع تنظيف بوابة الانجكشن لسة ما اشتريتش الكربون رموفر وح اضطر اعمله بالـ wd40.
دا احنا قاعدين ف المنتدى بنفسك معانا.
والله الموفق.

[bassem.naguib]

أيوة يا كومندا .. علشان المقابلة .. بس هي اتأجلت للخميس اللي بعد عيد الأم (الخميس اللي فات) بس أنت مكنتش متابع معانا .. تتعوض المرات القادمة إن شاء الله .

وفي انتظار المواضيع الجامدة في قسم شيري بفضل مجهوداتك أنت والزملاء ... خااااالص تحياتي .

[ahmed2801]

أيوة يا كومندا .. علشان المقابلة .. بس هي اتأجلت للخميس اللي بعد عيد الأم (الخميس اللي فات) بس أنت مكنتش متابع معانا .. تتعوض المرات القادمة إن شاء الله .

وفي انتظار المواضيع الجامدة في قسم شيري بفضل مجهوداتك أنت والزملاء ... خااااالص تحياتي .

انا فعلا متابعتش.... كنت مشغول مع أخو مراتى ف المستشفى طوال الاسبوع والذى توفى يوم الخميس الماضى والدفن والعزاء بالاسماعيلية مسقط رأسه ورجعت الجمعة..... فحتى لو تابعت ما كنتش ح أقدر احضر نظرا للظروف
وتتعوض ان شاء الله المرة القادمة وربنا ما يجيبش حاجة وحشه.