سربنتينة تكييف الشيرى من التوكيل

[ahmed2801]

بعد ما لفيت تلات ايام على بتوع قطع غيار الصينى صقر وغيره وغيره وبكين لقيت عنده واحدة واخده خبطة ومعووجه وعاوز يديهالى ب 650 جنيه خوفت منها.
اليوم روحت وبرجليه مضطر الـ cig السعودى جروب توكيل الشيرى a11
اشتريت سربنتينة التكييف بـ 1000 جنيه غير الضرايب ودسك واسطوانه والبليه 850 جنيه بدون الضرايب يعنى 1850 +185 ضرايب = 2035 جنيه على الصبح وعلى الريق.
السربنتينه كانت ب 400 جنيه من 6 اشهر وقولت اشتريها على الصيف بقت ب 1000 جنية وسألت ليه قالى الدولار غلى قولت ده استوك قديم قالى ملناش دعوة الدولار غلى ولا لأ.
حسبنا الله ونعم الوكيل.

[akmm]

المشكله الجنيه ... فى الضياع وحسبى الله ونعم الوكيل فى اللى كان السبب فى ارتفاع الأسعار كده .

[ahmed2801]

الحمدلله تم تركيب السربنتينه وشحن التكييف وساوافيكم بالنتايج بعد التجربه ان شاء الله.

[ahmedebian77]

ازيك يا استاذ احمد لو سمحت تولقى ايه هى اعراض تلف السربنتينة علشان لمل روحت اشحن التكيف الصيف الى فات الراجل قالى السربنتينة فيها مشكلة
شكرا

[ahmed2801]

ازيك يا استاذ احمد لو سمحت تولقى ايه هى اعراض تلف السربنتينة علشان لمل روحت اشحن التكيف الصيف الى فات الراجل قالى السربنتينة فيها مشكلة
شكرا

الحمدلله... ح تسمع ولا ح تجرى زى المرة اللى فاتت؟؟؟؟؟
علشان انت بعد ما تسأل السؤال والناس كلها ترد على سؤالك تغطس وما تبانش!!!!
المرة اللى فاتت سألت عن القواعد وعملتلك موضوع وصور وحفلة وهيصة ...... وما عرفتش انت عملت ايه؟؟؟؟ الحاجة التانيه السربنتينة غاليه قوى 1100 جنيه... ايه رأيك بقى؟؟؟

[ahmedebian77]

حاسمع معلش انا اصلى مش بدخل على النت كتير لانى شغال بنظام الورديات الليلية
بالنسبة لللقواعد انا سألت عليها فى الزقازيق و لسه مستنى الراجل يجبهالى و غالبا حاغير الامامية فقط لان الميكانيكى قالى انها ضعيفة والجلد مش مقطوع
و بالنسبة لغسيل الموتور انا خلاصت صرفت نظر عنه
ممكن حضرتك تقولى ايه اخبار السربنتينة

[ahmed2801]

حاسمع معلش انا اصلى مش بدخل على النت كتير لانى شغال بنظام الورديات الليلية
بالنسبة لللقواعد انا سألت عليها فى الزقازيق و لسه مستنى الراجل يجبهالى و غالبا حاغير الامامية فقط لان الميكانيكى قالى انها ضعيفة والجلد مش مقطوع
و بالنسبة لغسيل الموتور انا خلاصت صرفت نظر عنه
ممكن حضرتك تقولى ايه اخبار السربنتينة

ماشى يا معلم براءه تنزل المره دى لكن المره الجايه لامنكن ابدا.....هههههههه
بالنسبة للقواعد مش محتاجة توصية قاعدة جولف3 من عند بتوع الالمانى وهى الامامية اللى بتتلف زى ما شرحت لحضرتك.
السربنتينة جبتها من التوكيل بـ 1000 جنية +10% ضريبة مبيعات تبقى 1100 جنية وانا اللى ركبتها وشحنت التكييف ويعمل بكفائه والحمدلله.
بالنسبة لغسيل الموتور احسن حاجة عملتها انك صرفت نظر علشان فيه عربيات لما تنضفها تتبرجل والعربية دى من النوع ده.
ما تنضفش حاجة غير حساس السلانسيه وبوابة الانجكشن ولما العربية تلخبط او تبطل لوحدها او يعلى الـ rpm لوحده فوق الـ 1000 لفة

[ahmedebian77]

الف شكر يا استاذ احمد و لما اروح ان شاء الله اكشف على السربنتينة حقول حضرتك على الاخبار

[ahmed2801]

الف شكر يا استاذ احمد و لما اروح ان شاء الله اكشف على السربنتينة حقول حضرتك على الاخبار

غريبه اوى انك ما سألتنيش اكشف عليها ازاى؟؟؟؟.
بس انا برضو غصب عنك ح اقولك.
املاء الدايرة هواء... واخلع الشبكة الامامية السربنتينة وراها على طول... الشبكة ليها مسمارين سن صاج من فوق و3 كلبسات بلاستيك بتوعها(منها فيها) من تحت اتنين تحت الفوانيس وواحد فى النصف وكلبسين تركيب تحت الفوانيس الكبيرة ف أخر الشنب اخلعهم بالراحة علشان لو اتكسر الواحد بعشرة جنية !!!!!! واكشف برغاوى الصابون وما تشغلش الكومبريسور.... والعربية واقفة ومبطله.

[ahmedebian77]

السلام عليكم
دلوقتى يا استاذ احمد انا روحت للمراكبى الى فى جسر السويس و قالى ان السرنتينة مملحة وده سر ضعف التكييف فايه راى حضرتك
كمان ان مش فاهم ياعنى ايه املائها هواء وياريت حضرتك تفهمنى واحدة واحدة
شكرا

[ahmed2801]

السلام عليكم
دلوقتى يا استاذ احمد انا روحت للمراكبى الى فى جسر السويس و قالى ان السرنتينة مملحة وده سر ضعف التكييف فايه راى حضرتك
كمان ان مش فاهم ياعنى ايه املائها هواء وياريت حضرتك تفهمنى واحدة واحدة
شكرا

انا مش فاهم يعنى ايه مملحة .... يعنى سليمة وما بتعملش تبادل حرارى ولا مخرومة وبتسرب الفريون.
اذا كانت سليمة ومملحة تبقى بسيطة وسهلة اغسلها من الخارج !!!!!.
واذ كانت مملحة ومخرومه يبقى لازم تتغير.
ما فيش حاجة اسمها ضعيفه لانها مملحة ... [overline]يا شغاله يا مش شغاله؟؟؟[/overline]

[ahmedebian77]

شكرا على الكلام ده عموما انا حروح لواحد تانى و اوافى سيادتك بالاخبار

[Chery_fulwin]

شكرا يا باشا على نقل تجربتك