حد عنده معلومات عن شيري a15

[robien_hood]

بص بقى انا ركبت العربيتين و معايا كمان شيرى a11
أولا العربيه الأسبيرانزا دى شكل فقط عفشه ذى الزفت ... سحب العربيه ضعيف جدا الموتور ضعيف .... لكن الميزة الوحيده شكلها الخارجى و الصالون الداخلى
ثانيا : شيرى a 15 عربيه كويسه الموتور 94 حصان تكنولوجيا فورد
ABS فولوكس فاجن ألمانى و التكييف يابانى و قوى سحب العربيه هايل لا يضاهيها الا العربيه الفيرنا الشنطه واسعه جدا نفس الكماليات بتاعة الأسبيرانزا
غير ان شكلها كويس .... الناس شايفه ان عدم فتح التنك و الشنطه من الداخل عيب لكن صعب فتح الشنطه من الداخل لأنها باب الشنطه تقيل جدا جدا اصل الصاج بتاعها تقيل
عامة انا شايف انها احسن من كل من : الفيرنا و الأسبرانزا و الانوس عن تجربة لأنى ركبت كل هذه السيارات
العيب الوحيد : ان قطع الغيار غير متوفره خارج التوكيل و لا يوجد منه مستعمل
و اسعار قطع الغيار مش غاليه قوى

[robien_hood]

نسيت اقوللك انها اكثر هذه السيارات ثباتا على الطريق
a15 : جيبت بيها 195
الفيرنا : 145 و عامت العربيه
الانوس: 140
اما الأسبيرانزا فأنا كرهتها من الأول و مرضيتش اذود فى السرعه

[douha_wise]

ايوة ياباشا انا لسه عامل2500 كيلو بس لكن العربية كويسة على الطريق السريع ليه تهلك بنزين جو البلد ؟المشكلة دى حصلت معاك؟على فكرة اتا امون بنزين 92

اولا يا اخى العزيز انت لم تكمل بها 5000 كيلو كما قال لك اخونا امام و ستشعر باستهلاكها المناسب بعد ذلك بإذن الله
ثانيا داخل البلد استهلاك البنزين يختلف من شخص لآخر حتى فى نفس نوع السيارة فطريقة القيادة و الطرق التى تستخدمها يتوقف عليها الاستهلاك
فمثلا لو قيادتك عصبية و تستخدم الفرامل كثيرا فهذة من الاشياء التى تجعل السيارة تستهلك بنزين عالى
و ايضا لو كنت تسير بطرق مزدحمة جدا و تكثر من التوقف و السير
و على فكرة انا عندى A11 و ارى استهلاكها مناسب مقارنة بسيارات اخرى فى نفس فئته داخل البلد

[samsomato]

السلام عليكم انا عايز اسأل عن لمبة الاضاءة الخاصة بالأبواب و هى موجودة فى تابلوة a15 هلى تنطفئ بمجرد غلق الابواب حتى و لو كانت الابواب غير مغلقة جيدا يعنى الباب قفل نصف قفلة وهل الفواتيس الامامية فى حالة النور العالى جميع اللمبات بها لا تضئ بمعنى يوجد لمبة خاصة بالتور الواطى و لمبة خاصة بالنور العالى

[emam]

لمبة التابلوة تنطفى بمجرد غلق الباب لكن لمبة الصالون تظل مضاءة 30 ثانية تقريبا وتنظفى بعد كدة - اما الفوانيس الامامية يوجد بها نور واطى واخر عالى مستقل وفى حالة الرعاش يضاء الاثنين معا وعلى فكرة العربية فعلا نورها عالى اوى وبيضايق الى ادامك عن تجربة عشان كدة انا محاولتش اركب زينون .

[samsomato]

السلام عليكم انا ركبت مصفجة للموتور فى التوكيل بس عند فحص السيارة فى المرور لما نحب نأخذ رقم الوتورهل لازم افك المصفحة اولا
ثانيا لو عايز افك طاسة العجل عند تغيره افك الطاسة ازاى انا حاولت اشدها بس ما عرفنش اخلعها افكها الزاى؟

[emam]

السلام عليكم انا ركبت مصفجة للموتور فى التوكيل بس عند فحص السيارة فى المرور لما نحب نأخذ رقم الوتورهل لازم افك المصفحة اولا
ثانيا لو عايز افك طاسة العجل عند تغيره افك الطاسة ازاى انا حاولت اشدها بس ما عرفنش اخلعها افكها الزاى؟

ياترا ركبتها بكم وبتا خذ وقت فى التركيب واية رايك فيها بعد مركبتها بالنسبة لموضوع الطاسات مش هقدر افيد حضرتك فيه عشان انا عندى جنوط .

[samsomato]

ايوه يا عم امام المصفحة مهمة لانها تحمى الموتور من اسفل و على فكرة دى مصفحة على الموتور فقط وليس كل العربية من اسفل بمعنى انها لاتوجد اسفل الفتيس و لكنها تحمى الموتور فقط من صدمات المطبات وهى بـ250 جنيه فى التوكيل و حوالى 60 مصاريف تركيب
لو حد عنده اى رسومات توضيحية لموتور السيارة a15 يريت يبعتها
كمان فى حاجة عايز اسأل عليها مؤشمر الRPM ارتفع فجأة لوحده وعدى 1000 رغم ان العادى بتاعه 850 و استمر على ذلك فترة و طبعا استهلكت بنزين كثير ثم عاد بعد فترة لوحده الى 850 حد عنده تفسير و ياترى اروح التوكيل علشان كدة و لالا

[emadfahmy]

بخصوص ارتفاع عداد الrbm دة مؤشر علي ان حساس البنزين يحتاج الي تنظيف ولازم تروح التوكيل وتفهمهم انك مش هتغير الحساس لكن تنظيفة فقط . انا عندي السيارة وعمل بها 55000 كيلو وكل ما قيل عنها سابقا مضبوط

[samsomato]

يا جماعة انا اعرف ان السيارة a15 لايوجد بها حساس بنزين يا ترى الكلام دة صحيح؟ و هل تقصد حساس الاكسجين و لا ده غيره

[samsomato]

لو حد عنده emial الخاص بشركة chery ياريت يرسله و شكرا

[samsomato]

لو حد عنده email الشركة chery يا ريت يرسله

[TheInfernal]

أنا شفت الفيديو ده على يوتيوب.

http://www.youtube.com/watch?v=f7rrk3ZjN-I

بصراحة أنا شايف ان العربية ورق.

دول حتى حطوها وسط أسوأ 10 crash tests ever:

http://www.youtube.com/watch?v=irTqF0wPKso

[douha_wise]

أنا شفت الفيديو ده على يوتيوب.

http://www.youtube.com/watch?v=f7rrk3ZjN-I

بصراحة أنا شايف ان العربية ورق.

دول حتى حطوها وسط أسوأ 10 crash tests ever:
http://www.youtube.com/watch?v=irTqF0wPKso

نشكرك اخى الحبيب على حسن تعاونك معنا و لكننا لا نلتفت الى تلك الفيديوهات لأننا جربنا السيارة بشكل عملى و لمدة سنين و الآف الكيلومترات و لم نعد نحتاج لمن يثبت لنا إن كانت سيئة او جيدة فمعظمنا إن لم يكن كلنا نحن مالكى السيارة نراها جيدة الى جيدة جدا و لديها المقدرة على تحمل الخبطات و بتجارب شخصية و ليس بالكلام او بالفيديوهات و ربنا يحفظنا جميعا
اخيرا اشكر و جزاك الله خيرا

[emam]

نشكرك اخى الحبيب على حسن تعاونك معنا و لكننا لا نلتفت الى تلك الفيديوهات لأننا جربنا السيارة بشكل عملى و لمدة سنين و الآف الكيلومترات و لم نعد نحتاج لمن يثبت لنا إن كانت سيئة او جيدة فمعظمنا إن لم يكن كلنا نحن مالكى السيارة نراها جيدة الى جيدة جدا و لديها المقدرة على تحمل الخبطات و بتجارب شخصية و ليس بالكلام او بالفيديوهات و ربنا يحفظنا جميعا
اخيرا اشكر و جزاك الله خيرا

:k32: فعلا مثلما قال اخى أ. ممدوح نحن جميعا مالكى السيارة نراها جيدة جدا والحمد لله - ويكفى ان اقول لك انها قليلة المشاكل بالنسبة لى وكذلك بسؤالى لجميع مالكيها بالتوكيل بالمقارنة بسيارات فى نفس الفئة السعرية لها