عمرة لموتور شيري a11

[ahmed2801]

لا هو مافيش اي تاثير لا علي السحب ولا استهلاك البنزين المشكله في دخنة بتظهر في اول الدوارة وبعدين تختفي ودي ظهرت زي ما قلت لحضرتك بعد ما عملت الوش وتغيير الصبابات بعد قطع سير الكاتينة وقبل قطع سير الكاتينة كانت العربية فوق الممتازة وما اشتكتش منها في اي حاجة

شوووووفت !!!! المشاكل بتبدأ بعد فك الموتور زى ما قولت لحضرتك ,وحصل بالفعل ما فيش ميكانيكى بيعرف يظبط الصبابات مع الهيدروليك فتر مع الكاوتش ارجع للى قفلها غالبا عمل حاجة غلط فى تقفيل وش السلندر.
واهوه بعد كده ح يكلفك عمرة تتكلف الشئ الفلانى ولسه الشنبر بحالته ومش محتاج تغيير.
أحمد ربنا.... قول الحمدلله... على اللى حصل ولمّ الدور وما تخليش حد يلعب ف العربية احسن مش ح تعرف تلمها لو مشيت ورا الميكانيكية.
قد ماتقدر ما تحلش فيها كتير الا عند الضرورة القصوى علشان اللى بيتحل مش بيرجع زى ما كان بل اسواء وبكتييييير.

[ahmed2801]

طيب كان في موضوع لحضرتك عن تغيير سربنتينة التكييف
انا التكييف بتاعي كان في مشكلة انه بيفصل بعد ما تشتغل العربية بفترة قليلة
وبعد لف علي بتوع التكيفات وكله يقولي الدورة والتكييف تمام اكتشفت ان السبب ان ريلاي السرعة العالية كان بيعلق
غيرته الكييف بقي يقعد فترة علي ما يفصل بس بيرجع ويفصل تاني انا بقي لقيت انه لما بيفصل بيجيب هوا سخن
والبكرة بتاعة السخن كانت محطوطه علي البارد
رحت لاغي مواسير المياه السخنة اللي داخلة للعربية
والتكييف بقي تلااااااجة
بس مع القرص علي العربية بلاقيه بيفصل تاني
حضرتك عندك فكرة هو ليه بيفصل؟
معلش ملاحظة انا لمبة الشيك انجن الصفرا منورة وساعات بتفصل بعد موضوع الدخنة ده فده عادي؟

الواضح ان مشكلة المراوح ما أتحلتش علشان تكييفك بيشتغل شوية ويعمل High Pressure ويفصل من ارتفاع حرارة الفريون , ويجيب هواء سخن وبعد شوية يشتغل يجيب هواء بارد وبعد شوية يفصل ويجيب هواء ساخن تانى وهكذا .... او السربنتينة مش نظيفة اغسلها بالمية وانفخها با الهواء المضغوط من الخارج جرب دى الاول وقولى.
مشكلة اللمبة الصفرا لازم العربية تتحط على كومبيوتر وتتكنسل.

[ashraf4280]

اوك انا هسمع كلامك ومش هفك الموتور تاني الا لو الحالة سائت
انشاء الله هنضفها وهقولك

[ashraf4280]

هو فعلا الكتاوت بتاع السرعة العالية انا غيرته اكتر من مرة وبلاقي الجديد بيعلق
الكتاوت اللي مكتوب علية 100 في علبة الفيوزات احترت اجيب واحد نضيف منين؟

[ahmed2801]

هو فعلا الكتاوت بتاع السرعة العالية انا غيرته اكتر من مرة وبلاقي الجديد بيعلق
الكتاوت اللي مكتوب علية 100 في علبة الفيوزات احترت اجيب واحد نضيف منين؟

من عند بتوع الجولف او الاودى او الابيزا او اى حاجه المانى!!!!.
وخد القديم معاك علشان تطّابق الرسمه اللى ف الجنب على بعض.

[ashraf4280]

اوك انشاء الله هغيرة وبالمرة هعمل كبس موتور عشان اتاكد اكتر من الشمبر