استفسار بخصوص شيرى a11 - أرجو الإفادة

[Hesham]

أرجو من خبراء قسم شيرى افادتى فى الموضوع الآتى:
أنا اشتريت مؤخرا شيرى a11 موديل 2005 مانوال. فى الحقيقة أنا ماكنتش ناوى أشترى مانوال خالص لانى عامة بافضل الأوتوماتيك بس حالة العربية عجبتنى. فسؤالى لو حبيت أحول العربية أوتوماتيك إيه الأجزاء اللى هحتاج أغيرها. أنا من خبرتى البسيطة أعرف إننا هنغير غير طبعا الفتيس بعصايته بالبدلات هانغير كمان الردياتير وأسمع لكن مش متأكد اننا بنغير الكبالن. يا ترى الكلام ده صحيح وهل فيه أجزاء تانية محتاجة تتغير ؟ ويا ترى التكلفة هتكون فى حدود كام؟ وإيه أفضل فتيس ممكن يركب مباشرة بدون تعديلات؟ سؤال أخير هل فى الحالة دى محتاج أغير كونترول العربية ولا هو كنترول واحد بينزل فى المانوال والأتوماتيك؟
أعتذر عن الإطالة وأسئلتى الكتيرة وارجو من السادة الأعضاء يفيدونى ولم جزيل الشكر

[hamza mahmoud]

انا اعرف ان تغير العربية من حالة المانيول الى اوتو مش سهل وهتغير حاجات كتير احسن لك اركب الشيرى المانوال شوية وخد خيرها وابقى بعها واشترى اتو وريح دماغك

[besso33]

بداية هتغير الفتيس والكنترول والرادياتير وحاجات في دايرة الكهربا وخللي بالك ان الكنترول بتاع الاتوماتيك لوحده جديد بيعدي 4000 جنيه علشان كده قدامك خيارين اما انك تبيع العربية بحالتها النضيفة زي ما بتقول وتبقي مخسرتش فيها وتشتري عربية شيري اتوماتيك بنفس السعر او تخلي العربية معاك فترة تاخد خيرها وتبيعها علي حسب سعر السوق وقتها

[Hesham]

متشكر جدا يا جماعة على الردود السريعة وعلى النصيحة. أنا الحقيقة كنت هاركب العربية زى ما هى لكن فى حالة لو مرتحتش كنت هابدأ أفكر فى موضوع تحويلها اوتوماتيك. أرجو إذا كان حد من السادة الأفاضل الأعضاء عنده معلومات أكتر ميبخلش علينا بيها وخصوصا موضوع الكنترول وهل فعلا لازم يتغير ولا لا. شكرا جزيلا مرة تانية وفى انتظار المزيد من الردود

[ahmed2801]

متشكر جدا يا جماعة على الردود السريعة وعلى النصيحة. أنا الحقيقة كنت هاركب العربية زى ما هى لكن فى حالة لو مرتحتش كنت هابدأ أفكر فى موضوع تحويلها اوتوماتيك. أرجو إذا كان حد من السادة الأفاضل الأعضاء عنده معلومات أكتر ميبخلش علينا بيها وخصوصا موضوع الكنترول وهل فعلا لازم يتغير ولا لا. شكرا جزيلا مرة تانية وفى انتظار المزيد من الردود

عزيزى الاستاذ هشام شوف اللينك ده وقولى رايك.

http://www.nilemotors.net/Nile/254253-a.html

[Hesham]

أستاذ أحمد أنا متشكر جدا على اللينك والشرح وافى وممتاز ومشجع فى نفس الوقت. لكن انا لاحظت ان البوست تاريخه قديم شوية من 2011 فياترى الأسعار هاتكون لسه مقاربة؟ حاجة تانية الأستاذ طارق مذكرش حاجة خالص عن الكنترول فهل فعلا الكنترول الحالى فى العربية المانوال يتنفع يفضل بدون تغيير؟ متشكر مرة تانية على اللينك المفيد ده ولو عند حضرتك أجابة على أسئلتى أكون شاكر ليك جدا

[ahmed2801]

أستاذ أحمد أنا متشكر جدا على اللينك والشرح وافى وممتاز ومشجع فى نفس الوقت. لكن انا لاحظت ان البوست تاريخه قديم شوية من 2011 فياترى الأسعار هاتكون لسه مقاربة؟ حاجة تانية الأستاذ طارق مذكرش حاجة خالص عن الكنترول فهل فعلا الكنترول الحالى فى العربية المانوال يتنفع يفضل بدون تغيير؟ متشكر مرة تانية على اللينك المفيد ده ولو عند حضرتك أجابة على أسئلتى أكون شاكر ليك جدا

ايوة التاريخ قديم اصل انا كنت عاوز اقلبها اتوماتك ولقيت الموضوع ح يوسع ومش ح يبقى كويس.
وفضلت انى اركبها على ما هية علية(وهو دا رأيى ف الموضوع ده) استمتع بيها وهى مانيوال وح تتعود عليها مع الوقت دا الفتيس بتاعها جولف محترم امال لو ركبت البيد وشوفت فتيسها كنت عملت اية.
لو اخدت بالك الفتيس اللى ح يركب عادة مش كهرباء يعنى مش ح تلعب ف كهربة العربية.
وبالنسبة للاسعار الحقيقة ما أعرفش الاسعار دلوقت ممكن حضرتك تنزل الحرفيين وتسأل بنفسك وتعمل دراسة ميدانية وعلشان تعرف مين اللى ح ياخد منك الفتيس المانيوال إذا كنت ناوى فعلا.

[Hesham]

والله يا أستاذ أحمد بما إن حضرتك فتحت موضوع الفتيس للأسف العربية عندى فتيسها تقيل والحارات مش مظبوطة خالص. صاحب العربية اللى اشتريت منه لما سألته قاللى انه كان مغير ديسك واسطوانة معرفش إيه علاقة ده بتقل الفتيس وعدم ظبط الحارات. أنا لسه هاوديها لميكانيكى علشان يظبطها لأنى كنت مشغول وكمان الجو كان سئ جدا اليومين اللى فاتوا. لكن الوضع الحالى إن حارات الفتيس مش مظبوطة خالص وتقيل جدا. بالنسبة للأسعار أنا الحقيقة من اسكندرية مش من القاهرة فممكن لما أنزل مرة القاهرة أبقى أعدى على الحرفيين وأستفسر عن الأسعار. وبالمناسبة يا أستاذ أحمد إيه أكتر حاجة خلتك تقرر إنك تخليها على حالها ومتحولهاش أوتوماتيك؟ أكتر حاجة كنت قلقان منها إيه؟ مرة تانية متشكر جدا على سرعة الرد والمعلومات المفيدة

[ahmed2801]

والله يا أستاذ أحمد بما إن حضرتك فتحت موضوع الفتيس للأسف العربية عندى فتيسها تقيل والحارات مش مظبوطة خالص. صاحب العربية اللى اشتريت منه لما سألته قاللى انه كان مغير ديسك واسطوانة معرفش إيه علاقة ده بتقل الفتيس وعدم ظبط الحارات. أنا لسه هاوديها لميكانيكى علشان يظبطها لأنى كنت مشغول وكمان الجو كان سئ جدا اليومين اللى فاتوا. لكن الوضع الحالى إن حارات الفتيس مش مظبوطة خالص وتقيل جدا. بالنسبة للأسعار أنا الحقيقة من اسكندرية مش من القاهرة فممكن لما أنزل مرة القاهرة أبقى أعدى على الحرفيين وأستفسر عن الأسعار. وبالمناسبة يا أستاذ أحمد إيه أكتر حاجة خلتك تقرر إنك تخليها على حالها ومتحولهاش أوتوماتيك؟ أكتر حاجة كنت قلقان منها إيه؟ مرة تانية متشكر جدا على سرعة الرد والمعلومات المفيدة

والله يا استاذ هشام احنا حناخد الموضوع جزء جزء.
بالنسبة لتقل النقلات وعلاقته بالدبرياج فهى علاقة وثيقة فالو كان الدبرياج محمل يعنى الديسك ما بيفصلش للاخر ح تبقى النقلات تقيلة فا انت محتاج رجلاش على الدبرياج كامرحلة اولى.
ثانيا موضوع الغيارات والحارات فالغيارات اللى لفوق زى الاول والثالث والخامس غير لو كان اللى بيعصلج الغيار الثانى مثلا.
بالنسبة للغيارات اللى فوق فية كاوتشة فى اللافية المناول بتتقطع فا الغيار ما بيدخلش مكانه وعندى ليها صورة ح احاول ارفعهالك او اكتبلك المشاركة اللى كنت منزلها فيها.
الغيار التانى... جوه داخل الكابينة فى العصاية نفسها من تحت ح تشيل الغطا بالراحة ح تلاقى ف الفتحة على شمال العصاية قطعة بلاستك بيضا بتحدد مكان الغيار التانى دى بتتكسر و بتتغير بـ 3 جنية.
اخر حاجة بقى غير زيت الفتيس وحط شل واللى خلانى ما اغيرش الفتيس مريحنى واتعودت علية وكمان المكنة الاتوماتيك بيكون فيها ربط الفتيس بالكارتة الرئيسية كارتة الشيرى بتعمل حجتين بس التحكم فى اطلاق الشرارة وتوقيتها ومقدار رشة البنزين فقط

[ahmed2801]

هو ده الرابط اللى فيه الصور كويس انى افتكرته

http://www.nilemotors.net/Nile/302779-a11-4.html

[Hesham]

متشكر جدا يا أستاذ أحمد على المعلومات المفيدة والصور التوضيحية. أنا وديت العربية للميكانيكى النهاردة وإن شاء الله يزبطها كويس. وأنا طبيعى كنت هامشى بالعربية الأول وهيا مانوال وماكنتش هاغيرها إلا لو مريحتنيش فبعد ظبط الفتيس إن شاء الله هاقرر. مرة تانية ألف شكر على المساعدة وأنا بما إنى لسه جايب العربية جديد فأكيد هايكون ليا استفسارات كتير فأرجو ماتضيقوش من كتر استفساراتى

[ahmed2801]

متشكر جدا يا أستاذ أحمد على المعلومات المفيدة والصور التوضيحية. أنا وديت العربية للميكانيكى النهاردة وإن شاء الله يزبطها كويس. وأنا طبيعى كنت هامشى بالعربية الأول وهيا مانوال وماكنتش هاغيرها إلا لو مريحتنيش فبعد ظبط الفتيس إن شاء الله هاقرر. مرة تانية ألف شكر على المساعدة وأنا بما إنى لسه جايب العربية جديد فأكيد هايكون ليا استفسارات كتير فأرجو ماتضيقوش من كتر استفساراتى

لالالالالالالالا ماتقولش كده مافيش مضايقة ولا حاجة اسأل ما شئت على الرحب والسعة.
هو الغرض من المنتدى الجميل ده افادة الناس قدر المستطاع وتبادل المعلومات,,, بس اناعايز منك حاجة ؟؟؟ ياريت وانت فاضى ف اوقات الفراغ تقرا جميع مشاركات الشيرى ح تلاقى اجابات كتير على اسئلة ربما تدور ف ذهنك مستقبلا.
وتقبل تحياتى.