بالنسبه لى مقاطع لمحلات الاستيراد لقطع غيار الصينى

[douha_wise]

يا جماعه هو يصح تكون اسعار قطع الغيار الصينى الجديده او الاستيراد اغلى من اليابانى و الالمانى
يعنى ماستر الفرامل العمومى جديد ب 300 جنيه صينى و برضه المانى ب 300 و الأغرب الماستر بالسيرفو عند بتوع الاستيراد الالمانى ب 225 و عند بتوع الاستيراد الصينى الماستر لوحده من 250 الى 300 طيب انا مبفهمش حد يفهمنى
و الأغرب انهم بيتنكوا علينا و انا أول مرة اتعامل معهم و ان شاء الله اخر مره ما لم اكون مضطر غاية غاية الاضطرار
انا قررت انه ليس هناك تعامل معهم نهائيا و مقاطعه الا فى حالات الاضطرار القصوى كما قلت
اولا اسعار مبالغ فيها جدا غير العجرفه و التعالى فى المعامله
ثانيا استغلال لجهل بعض الناس لما يتوافق فى عربياتهم من انواع السيارات الأخرى
ثالثا جشع غريب فى مكسبهم يعنى انت بتشترى حاجتك بكام ومنين ده انت بتشتريها من الصين يعنى اكتر بلد فيها غش تجارى لو كانت من المصنع اللى انتج السيارة يمكن نطمئن لكن ده انتوا بتشتروا من تحت بير السلم و بتيجى تبيعها بسعر جولف مكسب اضعاف بتوع الجولف و كمان منتج ردئ و مفيش رقابه
انصح الجميع بالبحث عن البدائل المتوافقه لسيارتكم
سؤال للحاج احمد حبيبى
انا عايز اشترى ماستر فرامل عمومى جديد جولف لكنه باربع فتحات و اللى عندى فتحتين فقط و بيوزع لجهاز abs فلو طببت فتحتين من فتحات الماستر الجديد و اشتغلت على الاتنين التانيين هل يسبب ضعف فى اداء الفرامل أو أى مشكلة

[ahmed2801]

عزيزى الاخ / ممدوح
السلام عليكم
الجولف 2 & 3 باربع فتحات فعلا شوف جولف 4 بفتحتين لكن انا ماجربتش موضوع طب الفتحات الزيادة.
انت ح تغير الماستر العمومى ليه ؟؟؟ ده بتاعها الاصلى ممتاز.
انا عارف انك غيرت التيل الخلفى والطنابير و لو العربية فراملها ضعيفة افصل فيشة الــ abs
انا مريت بالتجربة دى وشكيت فعلا ف الماستر العمومى وفكيته ولفيت على بتوع الالمانى وطلع سليم و الـ abs هو اللى بيأخر استجابة الفرامل . ولما فصلت الـ abs اشتغلت الفرامل كويس (احسن من الاول والاستجابة اسرع) بس بينور لمبة صفرة للـ abs ولمبة حمرة لفرامل اليد ف التابلوه . بس دون اى اضرار.
جرب كده وقولى عملت ايه. متنساش تغير الزيت بالزيت الالمانى العلبة الزرقة دوت 4.

[douha_wise]

عزيزى الاخ / ممدوح
السلام عليكم
الجولف 2 & 3 باربع فتحات فعلا شوف جولف 4 بفتحتين لكن انا ماجربتش موضوع طب الفتحات الزيادة.
انت ح تغير الماستر العمومى ليه ؟؟؟ ده بتاعها الاصلى ممتاز.
انا عارف انك غيرت التيل الخلفى والطنابير و لو العربية فراملها ضعيفة افصل فيشة الــ abs
انا مريت بالتجربة دى وشكيت فعلا ف الماستر العمومى وفكيته ولفيت على بتوع الالمانى وطلع سليم و الـ abs هو اللى بيأخر استجابة الفرامل . ولما فصلت الـ abs اشتغلت الفرامل كويس (احسن من الاول والاستجابة اسرع) بس بينور لمبة صفرة للـ abs ولمبة حمرة لفرامل اليد ف التابلوه . بس دون اى اضرار.
جرب كده وقولى عملت ايه. متنساش تغير الزيت بالزيت الالمانى العلبة الزرقة دوت 4.

و عليكم السلام و رحمة الله و بركاته
انا فعلا كنت فاصل الفيشه اكثر من عام و لكن بعد ما غيرت حاجات الفرامل اللى قلت لكم عليها وجدت الفرامل برضه مش مظبوطه فوصلت الفيشه بتاعت الجهاز و برضه مفيش فايده و الزيت بستخدم زيت بندكس اللى فى علبه صاج و هو برضه كويس مش بطال و الماستر اللى فيها الآن انا شاكك انه الأصلى لأن اللى اشتريت منه السياره قالى انه مغيره و أظن اشتراه من أى حد تعبان و مش الأصلى طبعا لأنى من ساعة ما اشتريتها منه و الفرامل تعبانه عموما انا برضه سأحاول بمشيئة الله السؤال عن الموضوع ده عند اكثر من ميكانيكى

[ahmed2801]

معلش سؤال لو سمحت .
هى الفرامل ناشفة تحت رجلك والعربية ما بتقفش ولا الدواسة بتنزل للاخر وبرضو ما بتقفش.

[douha_wise]

معلش سؤال لو سمحت .
هى الفرامل ناشفة تحت رجلك والعربية ما بتقفش ولا الدواسة بتنزل للاخر وبرضو ما بتقفش.

مش ناشفه بالعكس دا انا بدوس و الدواسه بتنزل لتحت و بتمسك بالعافيه

[ahmed2801]

مش ناشفه بالعكس دا انا بدوس و الدواسه بتنزل لتحت و بتمسك بالعافيه

كده الدايرة فيها هواء كتيييير او الماستر بايظ.!!!.. ياريتك تبداء بالحل السهل قبل ما نصرف .
نغير زيت الدايرة كلها sl الالمانى العلبة الزرقة العلبة نص كيلو وناخد الهواء كويس ونشوف.
اسمحلى اشرحلك الطريقة التقليدية والعربية واقفة عدلة ومبطلة.
ح نجيب سرنجة ونسحب الزيت اللى ف الماستر الرئيسى ونفك مسامير الهواء ف العجل الخلفى ونحط خرطوم صغير على كوباية او برطمان مربى نظيف او اى حاجة نستقبل فيها الزيت اللى ح ينزل.
نملا الخزنة زيت وننتظر لما الزيت النضيف ييجى من الخراطيم الخلفية ونقفل.
ونملا الخزنة كل ما يقل الزيت فيها.
ح ندور العربية وناخد الهوا من المساتر الخلفية والامامية بالطريقة العادية (يعنى حد يكارك وحد يفتح ويقفل).
وح نعمل رجلاش على الفرامل الخلفية من بين الكراسى الامامية خلى فرامل اليد 3 تكات بس.
معلش استحملنى لو طولت عليك ف الشرح اللى ممكن تكون انت عارفة فعلا بس انا مستحرم تغير الماستر لو لسة فية نفّس يشتغل.

[bassem.naguib]

مشكلة قطع الغيار الألماني أنها مضروبة مش أصلي علشان كدة سعرها قليل إلى حد ما ..

[douha_wise]

مشكلة قطع الغيار الألماني أنها مضروبة مش أصلي علشان كدة سعرها قليل إلى حد ما ..

انا معاك لكن هل قطع الغيار عند بتوع غيار الصينى اصلى من المصنع المنتج للسياره انا متأكد و من خلال تجاربى معهم انها مضروبه و معدومة العافيه كمان
الواحد بجد زهق من السوق المصرى اغلى الأسعار مقابل اقل الخامات و اسوأها

[hmpaca]

كلامك صح انا كان عندى مشكلة باردو فى الفرامل تخيل اشتريت حاجات للاسف سألت عليها بعد كدة عند بتوع الالمانى والفلوكس واجن طلعت بنصف الثمن زى خرطوم الفرامل مثلا 45 جنية صينى عند الشركة الصينية على ادة رحت سألت واحد بتاع قطع غيار فلوكس كان عندة 25 جنية ماركة محترمة تشيكى بتاع سكودا فليشيا a4 بس كانت الشفة العلوية للخرطوم كبيرة متخشش فى الخوصة تحت الكارتيرة واقترح علية فتح الخوصة وتشغيلة عادى طلاما انة نفس السن الناعم ونفس الطول لكن للاسف جبت الصينى وسألت علية عند صقر فى المعادى كان ب 60 جنية ومصرى مش اوى ففعلا الاسعار مش طبعية بنسبة للحاجات المعروف عنها انها غالية علشان اصلية وماركة

[hmpaca]

على فكرة لقيت تيل فرامل امامى بتاع الفيرنا والميكانيكى هيعمل فية تعديل بسيط على الجالخ وهاركبو انشاء اللة والكم اية الاخبار نفس المقاس ونفس الحجم التيل من غير سوستة النوع التانى

[arwah]

النفع العام افضل من الخاص

كده الدايرة فيها هواء كتيييير او الماستر بايظ.!!!.. ياريتك تبداء بالحل السهل قبل ما نصرف .
نغير زيت الدايرة كلها sl الالمانى العلبة الزرقة العلبة نص كيلو وناخد الهواء كويس ونشوف.
اسمحلى اشرحلك الطريقة التقليدية والعربية واقفة عدلة ومبطلة.
ح نجيب سرنجة ونسحب الزيت اللى ف الماستر الرئيسى ونفك مسامير الهواء ف العجل الخلفى ونحط خرطوم صغير على كوباية او برطمان مربى نظيف او اى حاجة نستقبل فيها الزيت اللى ح ينزل.
نملا الخزنة زيت وننتظر لما الزيت النضيف ييجى من الخراطيم الخلفية ونقفل.
ونملا الخزنة كل ما يقل الزيت فيها.
ح ندور العربية وناخد الهوا من المساتر الخلفية والامامية بالطريقة العادية (يعنى حد يكارك وحد يفتح ويقفل).
وح نعمل رجلاش على الفرامل الخلفية من بين الكراسى الامامية خلى فرامل اليد 3 تكات بس.
معلش استحملنى لو طولت عليك ف الشرح اللى ممكن تكون انت عارفة فعلا بس انا مستحرم تغير الماستر لو لسة فية نفّس يشتغل.

استاذنا الحبيب احمد...احمد ممكن الاستاذ ممدوح بيكون فاهم اللي حضرتك بتشرحه بس فيه ناس كتير بتقرا المكتوب ومتكونش جربت الموضوع ده قبل كده وتبقى كده اتعلمت حاجه تنفعها ويبقى كده النفع متعدي لاكتر من واحد.....وجزاكم الله خير ...

[hazoom2006]

استاذ ممدوح لو سمحت انا عايز اعرف السيرفو الالمانى ده بتاع اية
انا عندى الفرامل محجرة وصوت تنفيس من عند الدواسة

[douha_wise]

استاذ ممدوح لو سمحت انا عايز اعرف السيرفو الالمانى ده بتاع اية
انا عندى الفرامل محجرة وصوت تنفيس من عند الدواسة

للأسف يا اخی الحبيب لم اغيره من قبل لكن اظنه بنسبه كبيره هو جولف فممكن تفكه و تبحث عند بتوع الجولف و انا ان شاء الله مسافر الآن و بعد ما ارجع ربنا يذكرنی احاول اعرفلك اخباره و لعل و عسی احد الاخوة يكون غيره و يفيدنا

[hazoom2006]

ترجع بالسلامة ياا باشا
ومستنى حد يكون غيره او عنده فكره عنه