الفيشة دى بتاعه ايه

[hazoom2006]

انا عندى فيشة ف العربيه معرفش بتاعه اية هيه طالعه من ضفيره الكهربا بتاعه الرشاشات ونازله تحت ومعرفش بتاعه اية



ياريت حد يعرف بتاعه اية او كانت راكبة فى اية

[exact]

والله اعلم مجرد تخمين....ساعات بيبقى فيه اجهزة فحص بتركب قدام اثناء الصيانة فقد تكون واحده من فيشهم... وخصوصا انها مقفوله... ما تشغلش بالك

[hazoom2006]

شكرا على ردك استاذ exact الفكره ان الميكانيكى بيقولى ده بتاع حساس الشكمان وعايز يفتح علشان يغير الوصله ويركب حساس الشكمان
منتظر رد الاستاذ احمد او الاستاذ ممدوح او حد عنده فكره دى بتاعه اية

[douha_wise]

للأسف انا شفت الموضوع امس و اليوم ايضا بس انا فى الشغل مش كل الصور بتظهر عندى يعنى لو ممكن ترفعها على موقع تانى يمكن تظهر عندى و احاول اساعدك

[hazoom2006]

انا رفعت الصور على موقع تانى يارب تظهر

[douha_wise]

ارسلت لك رساله على الخاص

[arwah]

الاستاذ ممدوح ....ليه ترسل على الخاص في موضوع عام كلنا عايزين نتعلم نستفيد وانا بفتح المنتدى بصفه شبه يوميه واقرا كل ما استجد فيه وساعات كتير بلاقي اجابات وردود شافيه لحاجات عايز اعرفها منغير ما اسأل فيها...برجاء كما عودتنا باجاباتك الحكيمه اللي بتتعدي اجابة السؤال انت والاستاذ الفاضل احمد شحاته والمهندس طارق ..فلا تبخلوا علينا

[hazoom2006]

توضيح للاستاذ arwah
الاستاذ ممدوح الصور ماظهرتش عنده بععتلى رساله على الخاص فيها الميل الشخصى بتاعه علشان ابعتله الصور عليه
ولو فى استفاده اكيد ماحدش هيبخل على الاعضاء بيها


عموما مازال البحث جاى عن ماهيه الفيشة

[douha_wise]

الاستاذ ممدوح ....ليه ترسل على الخاص في موضوع عام كلنا عايزين نتعلم نستفيد وانا بفتح المنتدى بصفه شبه يوميه واقرا كل ما استجد فيه وساعات كتير بلاقي اجابات وردود شافيه لحاجات عايز اعرفها منغير ما اسأل فيها...برجاء كما عودتنا باجاباتك الحكيمه اللي بتتعدي اجابة السؤال انت والاستاذ الفاضل احمد شحاته والمهندس طارق ..فلا تبخلوا علينا

اخى الحبيب ثق تماما ان لو عندى معلومه فلن ابخل بها لا عليك و لا على أى احد من احبابى بالمنتدى أو غيره و كما قال لك اخى حازم لأن الصور لم تظهر عندى فى العمل و لحرصى على المساعده فقد ارسلت له ايميل العمل عندى و كان لا يجب نشره على المنتدى لأنه كما قلت خاص بالعمل فقط لذلك ارسلت له على الخاص و ياريتنى عرفت ما هى هذه الفيشه و هذا هو كل الموضوع بس انا لى عندك حق عرب كما يقولون مع انى معرفش ما هو حق العرب هذا لكن اللى اعرفه انى لى عندك عزومة سمك ترضيه عن سوء الظن بى لما اجى اسكندريه و مش لى لوحدى لأ لى و للأسره كلها يعنى انا و زوجتى و اولادى الثلاثه ههههههههههه عشان تحرم

و بالنسبه للأخ حازم انا بحثت عندى فى العربيه و لم اجد مثل هذه الفيشه مع ان موتور سيارتى مثل موتور سيارتك فأنا اشك فى انها كانت موجوده فى العربيه من الأول و ربما كانت كتاوت تقويه او ما شابه

[ahmed2801]

يا استاذ حازم انا اسف انا شوفت مشاركة حضرتك بس انا ف الاسكندرية والعربية مع ابنى مش ح ينفع ارد من الذاكرة لانى مش فاكر انى أخدت بالى من الفيشة دى ادينى فرصة الى يوم الجمعة ان شاء الله وح اشوفها واقولك.

[hazoom2006]

ربنا يكرمك يا استاذ احمد
وانا فى انتظار الرد

[ashraf4280]

دي فعلا فيشة حساس الشكمان لو مش راكبه هتلاقي لمبه التشيك الصفرا منوره علي طول

[hazoom2006]

تمام عندى لمبة التشك انجن منورة على طول
بس مكانها فين فى الشكمان لانى دورت عليها من اول الشكمان وعلبه البيئة والفرن مش لاقيلها مكان ياريت لو صوره لمكانها وجزاك الله خيرا

[hmpaca]

فيشة حساس الشكمان وهى مع نفس الضفيرة الى فيها حساس النوك ودىة شوفتها عند الميكانيكى قى عربية شايل وش السلندر وكانت مفكوكة وسألتة عليها

[hazoom2006]

تمام طلعت فعلا حساس الشكمان
بس مش لاقيلها مكان خالص
المفروض ان ده مكان الحساس


انا عندى مفيش الاتنين ملحومين فى بعض مباشره غالبا ملغيه انا عايز ارجعها هغير اية وهعمل اية