جيلى ckولا شيرى a11

[khaledabdelhay]

السلام عليكم كل سنه وحضراتكم طيبين
محتاج رايكم فى الاختيار ما بين جيلى ckولا شيرى a11

مع العلم انى معنديش اى خبرة نهائى فى العربيات

ودول شوفتهم باسعار متقاربه جدا على النت

يلي Ck ck للبيع القاهرة

31,500 جنيه
الجيلى ck شفت اعلان لسيارة بتتباع ب 31 الف

نوافذ كهربائيه اماميه وخلفيه وتكييف وباور ونظام الفرامل المانع للنغلاق ودى صورتها


وسائل الراحة :

• مرايات كهرباء
• المكيف
• ريموت كنترول
• باور

نوافذ :

• نوافذ كهربائية امامية
• نوافذ كهربائية خلفية

نظام الصوت :

• راديو كاسيت

وسائل الامان :

• نظام الفرامل المانع للانغلاق-ABS
• كشافات ضباب

- See more at: Ck جيلي ck القاهرة فضي 248893 - سيارات مستعملة للبيع


والسيار التانيه شيرى a11 نفس المواصفات تقريبا بسعر 33 الف 2006

[shiko85]

وعليكم السلام ورحمة الله وبركاته
و كل سنه و حضرتك طيب
انا كان عندى جيلى فروته و اقدر اقول لحضرتك انها عربيه محترمه جدا غير ما يقال عليها و على باقى الموديلات
بخصوص الـ ck فهى عربيه كويسه جدا و اعتقد انها افضل من الشيرى
العربيات الجيلى بمختلف انواعها و كا رأى شخصى هى افضل صينى (وده اللى ظاهر فكل معارض السيارات لانها بتنافس اليابانى و الكورى) لكن عيبها الوحيد فمصر التوكيل و لو كان ابو الفتوح هو الوكيل بتاعها فالوقت ده اعتقد كانت هتحقق انتشار اكتر بكتير من اللى حققته
بخصوص قطع الغيار فالأسعار معقوله و قطع غيار الـ ck كنت بشوفها كتير جدا فمحلات الصينى سواء فالتوفقيه او القصر العينى و باقى المحلات
حضرتك من المنصوره - هل فيه محلات قطع غيار صينى هناك ؟ ولا لو حصل حاجه لا قدر الله او فالصيانه العاديه هتبقى محتاج تنزل القاهره ؟
ده رد مبدائى و اكيد طبعا ملاك العربيه نفسها هيقدروا يفيدوا حضرتك اكتر منى

[khaledabdelhay]

وعليكم السلام ورحمة الله وبركاته
و كل سنه و حضرتك طيب
انا كان عندى جيلى فروته و اقدر اقول لحضرتك انها عربيه محترمه جدا غير ما يقال عليها و على باقى الموديلات
بخصوص الـ ck فهى عربيه كويسه جدا و اعتقد انها افضل من الشيرى
العربيات الجيلى بمختلف انواعها و كا رأى شخصى هى افضل صينى (وده اللى ظاهر فكل معارض السيارات لانها بتنافس اليابانى و الكورى) لكن عيبها الوحيد فمصر التوكيل و لو كان ابو الفتوح هو الوكيل بتاعها فالوقت ده اعتقد كانت هتحقق انتشار اكتر بكتير من اللى حققته
بخصوص قطع الغيار فالأسعار معقوله و قطع غيار الـ ck كنت بشوفها كتير جدا فمحلات الصينى سواء فالتوفقيه او القصر العينى و باقى المحلات
حضرتك من المنصوره - هل فيه محلات قطع غيار صينى هناك ؟ ولا لو حصل حاجه لا قدر الله او فالصيانه العاديه هتبقى محتاج تنزل القاهره ؟
ده رد مبدائى و اكيد طبعا ملاك العربيه نفسها هيقدروا يفيدوا حضرتك اكتر منى

بشكر حضرتك اوى لاهتمامك
انا فعلا من المنصورة وبخصوص محلات قطع الغيار هنا معنديش اى فكرة خالص موجودة ولالا واذا كان على مشوار للقاهرة بخصوص قطع الغيار سهله اما الصيانه دة هيبقى صعب بخصوص الصينىومش عارف موضوع الصيانه بردة هيبقى فى ناس هنا بتفهم فيها ولالا

[shiko85]

بشكر حضرتك اوى لاهتمامك
العفو يا باشا الشكر لله وحده
انا فعلا من المنصورة وبخصوص محلات قطع الغيار هنا معنديش اى فكرة خالص موجودة ولا لا واذا كان على مشوار للقاهرة بخصوص قطع الغيار سهله
لازم تعرف اذا كان فيه ولا لأ لان نفرض احتاجتك سير مثلا ولا حاجه بسيطه هل هتعطل نفسك و تستنى لحد ما تنزل القاهره !!!!!!! على الأقل يبقى فيه حاجات تعرف تمشى نفسك لحد ما تنزل صح ؟
معظم قطع الغيار (ماتور و عفشه) ليها بدائل من عربيات تانيه بس الموضوع محتاج معرفه كويسه عن العربيه او ميكانيكى فاهم و شاطر
اما الصيانه ده هيبقى صعب بخصوص الصينى ومش عارف موضوع الصيانه بردة هيبقى فى ناس هنا بتفهم فيها ولالا
العربيه مش معقده يعنى سهل لو حد بيفهم يتعامل معاها بسهوله بس لو فيه حد شغال فالصينى هيكون احسن طبعا
او لو تقدر على مشوار للقاهره او الجيزه كل معاد صيانه يبقى انا ممكن اوصفلك مكان ميكانيكى كويس جدا و كان شغال فالتوكيل بتاع جيلى كنت بروحله بالعربيه القديمه على الأقل تعمل اول صيانه اللى هى بعد ما تشترى العربيه علطول علشان تأمن نفسك لحد ما تلاقى ميكانيكى كويس فالمنصوره و ممكن تتفق معاه يكشف على العربيه قبل الشراء
عموما فكر كويس و حط كل الأحتمالات قدامك و بعد كده قرر

[khaledabdelhay]

يعنى فى رايك العربيه ck كويسه وسعرها كدةي بقى كويس

[shiko85]

يعنى فى رايك العربيه ck كويسه وسعرها كدةي بقى كويس

ان شاء الله لكن الأفضل تتأكد من حد معاه العربيه لانه اكيد هيبقى عارف العربيه احسن منى و عارف عيوبها و مميزاتها بالتفصيل علشان تبقى مطمن اكتر

[hazoom2006]

انا ركبت ck 2 كذا مرة عربيه خفيفه وناعمه بس ضيقة اوى اوى من جوة واوكر الباب بتتكسر بسرعه جداا والبلاستيك فى التابلوه معجبنيش الباور بتاعها ناعم جدا جدا جدااااا قطع غيارها معرفش حسب المكان اللى انت موجود فيه

الشيرى معايا عربيه واسعه ثابته على الطريق ما شاء الله بس صوتها عالى وانا مابحبش العربيه اللى صوتها عالى صاجها حلو وقطع غيارها موجوده عندنا فى الزقازيق ومنتشره عن ck 2

اكشف على العربيه كويس جداا واتاكد ان لمبة تشيك انجن من منورة وال abs مياكنيكى بيفهم وحط تحتها مليون خط تاخده معاك وتجرب العربيه

نصيحة ماتستهونش بمشوار القاهره ممكن تتزنق على حاجة تافهه وماتلاقيهاش الا فى القاهره

[khaledabdelhay]

انا ركبت ck 2 كذا مرة عربيه خفيفه وناعمه بس ضيقة اوى اوى من جوة واوكر الباب بتتكسر بسرعه جداا والبلاستيك فى التابلوه معجبنيش الباور بتاعها ناعم جدا جدا جدااااا قطع غيارها معرفش حسب المكان اللى انت موجود فيه

الشيرى معايا عربيه واسعه ثابته على الطريق ما شاء الله بس صوتها عالى وانا مابحبش العربيه اللى صوتها عالى صاجها حلو وقطع غيارها موجوده عندنا فى الزقازيق ومنتشره عن ck 2

اكشف على العربيه كويس جداا واتاكد ان لمبة تشيك انجن من منورة وال abs مياكنيكى بيفهم وحط تحتها مليون خط تاخده معاك وتجرب العربيه

نصيحة ماتستهونش بمشوار القاهره ممكن تتزنق على حاجة تافهه وماتلاقيهاش الا فى القاهره

شكرا لردك طيب بخصوص مشاكل العربيتين من ناحيه الصيانه انهى فيهم الاقل فى الاعطال والارخص فى قطع الغيا ر

[hazoom2006]

معرفش عن ck 2 غير اللى قولته بس هيه عربيه شكلها شيك من جوه احلى من الشيرى بس خامات ضعيفه اوى وضيقه
واسال على قطع غيارها فى المنصورة عندك متوفره ولا لا

اهم حاجة حاله العربيه وتاخد معاك واحد يعرف يفرز العربيه كويس اوى

[douha_wise]

بالنسبه لى لا اعرف شئ عن ال ck لكن من رؤيتى لها بحس انها ضعيفه و بتتهان بسرعه يعنى لو فى طرق مكسره و مع كام خبطه ممكن تلاقيها لا تتحمل كما تتحمل الشيرى a11 أو a15 و ايضا عفشة الشيرى المانى غير انك لما تجرى بالشيرى فى طريق سفر تلاقى العربيه لازقه فى الأرض و من الداخل و حتى الشنطه واسعه و فى استهلاك البنزين رائعه حتى مع التكييف و لو عايز شكل تابلوه و صالون اشيك ابحث عن a15 لأنها معدله فى الشكل فقط
قطع غيارها كما قلنا فى العفشه جولف و فى الموتور فورد سكورت 1600 كاربراتير

[shiko85]

يعنى معقوله مفيش حد فالمنتدى كله عنده او كان عنده ck ؟؟؟!!!

[shiko85]

يا باشا حاول تعمل موضوع فالقسم بتاع الجيلى اعتقد هتقدر توصل لموعلومات اكتر
دى شويه مواضيع عن العربيه هتفعك هتلاقى فيها بعض العيوب و المميزات

http://www.nilemotors.net/Nile/376687-ck.html

http://www.nilemotors.net/Nile/159493-ck-2006-a.html

http://www.nilemotors.net/Nile/36995-ck-11-a.html

http://www.nilemotors.net/Nile/190953-ck-2005-a.html

http://www.nilemotors.net/Nile/346693-ck-2006-a.html

http://www.nilemotors.net/Nile/32724-mk2-ck-2-2008-a.html

http://www.nilemotors.net/Nile/87763-c-k-2-a.html

http://www.nilemotors.net/Nile/35823-ck-11-a.html