استفسار بسيط

[ahmedebian77]

السلام عليكم وكل سنة وانتم طيبين
عندى استفسار بسيط العربية بتاعتى شيرى a15 اسنهلاك البنزين عالى بالرغم من انى قمت بتنظيف الحساس الى متركب فى الانجكشن و الحساس الى راكب فى البوابة
يا ترى فى حساس تانى ممكن انظفه ولا اعمل ايه
شكرا

[hazoom2006]

بتعمل معاك كام كيلو ؟؟
وبما ان حضرتك من الزقازيق فى حد بيكشف على العربية بالكمبيوتر غير مؤسسة خالد

[ahmedebian77]

انا لم احسبها بدقة لاني مشيت جوة البلد كتير و الايام ديه كل الطرق زحمة بس علي العموم رائحة العادم مش زي ما انا عارفها و الشكمان مش بيجيب مياه زي الاول فا ايه راي اصحاب الخبرة

[ahmedebian77]

السلام عليكم ايه يا جماعة ما حدش عايز يرد علي ليه هو ده من الصيام علي العمموم كل سنة و انتم طيبين و اريت حد من عباقرة الشيري يرد علي زي المهندس أحمد او الاستاذ ممدوح و شكرا

[douha_wise]

نأسف اخى على عدم الرد و التأخير
موضوع البنزين ده بيكون سببه اكثر من حاجه
ممكن تكون الرشاشات محتاجه تتنظف بجهاز الالتراسونيك مش بمنظف عادى
ممكن يكون حساس من الحساسات ادائه بدا يقل
ممكن يكون البنزينه اللى بتتعامل معها بتغش فى البنزين
ممكن يكون احد مساطر العجل قافش و بيسبب زيادة الاستهلاك فشوف العجل بيسخن بعد المشى بالسياره ام لا
طبعا طريقة القياده و الزحمه بتفرق كتير برضه
موضوع انك بتجد رائحة العادم ظاهره معناه ان الحرق مش مظبوط و ده سبب تانى لزيادة الاستهلاك و كده انت ممكن تكون محتاج تغيير حساس الشكمان و هو بيفرق فى الاستهلاك ايضا
و بالمره راجع على الفلاتر كلها
تحياتى لك و كل عام و الجميع بخير

[ahmedebian77]

شكرا يا استاذ ممدوح علي الرد الوافي بس عايز اسألك هل حساس الشكمان بيتنظف و لا اغيره علي طول و بعدين اكشف علي الرشاشات فين في القاهرة اصل انا من الزقازيق شكرا

[douha_wise]

شكرا يا استاذ ممدوح علي الرد الوافي بس عايز اسألك هل حساس الشكمان بيتنظف و لا اغيره علي طول و بعدين اكشف علي الرشاشات فين في القاهرة اصل انا من الزقازيق شكرا

بصراحه موضوع تنظيف حساس الشكمان انا مجربتوش و ان شاء الله احاول اعرفلك لو ينفع
بخصوص تنظيف الرشاشات فيه واحد فی المعادی بينظف بجهاز الالتراسونيك و فيه واحد فی شارع السودان بالمهندسين قريب من ميدان لبنان شوف ايهما اقرب لك و انا ممكن ابعتلك عنوانه و تليفونه

[ahmedebian77]

الف شكر علي العموم انا حجرب انظفه و قولك علي النتيجة و يريت لو تبعتلي عنولن بتاع المعادي و ياتري حضرتك جربته
شكرا

[douha_wise]

الف شكر علي العموم انا حجرب انظفه و قولك علي النتيجة و يريت لو تبعتلي عنولن بتاع المعادي و ياتري حضرتك جربته
شكرا

ان شاء الله ابعتلك عنوانه و تليفونه و انا عرفته من خلال المنتدی و اكثر من واحد جربه و منهم صديق شخصی لی و عجبه بس لازم قبل ما تنزله تتصل به و تنسق معاه
و منتظر منك نتيجة تجربة تنظيف الرشاشات

[ahmedebian77]

ان شاء الله بس الاول انا عندي فحص و تجديد رخصة اخلصهم بعد العيد ان شاءالله و بعدين اكلمه و عموما الف شكر لتعبك معايا و كل عام وانت بخير

[ahmedebian77]

هو حساس الشكمان تحت الفرن متوصل بيه فيشة

[ahmedebian77]

معلش هو حساس الشكمان هو الي تحت الغطاء المغطي الفرن و وواصل فيه سلك جاي من فيشة بيضاء

[ahmedebian77]

انا جيت افك العلبة المغطية الفرن مش عارف لدرجة ان المفتاح ال بفك بيه اتعوج و بتهيألي حساس الشكمان تحت العلبة ديه و بعدين برضه مش عارف افك الفيشة بتاعته فيرت لو حضرتك تعرف قولي

[hazoom2006]

حساس الشكمان مابيتنضفش
ولازم تحط العربيه على الكمبيوتر علشان تعرف بايظ ولا لا
مكانه تحت مسطره الرشاشات عند سوسته الشكمان بالظبط
الفيشة بتاعته هتلاقيها طالعه من ضفيره فيش الرشاشات

[ahmedebian77]

فين مسطرة الرشاشات