عطل فى جهاز رفع الزجاج

[ahmed2801]

منذ ايام توقف زجاج الكهرباء للشباك الشمال امام عن العمل رغم ان الثلاثة شبابيك الاخرى تعمل بحالة جيدة تم حل تجليد الباب الشمال امام وفصل فيشة موتور الزجاج ووصلتله كهرباء مباشر من البطارية واشتغل نزول ورفع يبقى الموتور سليم والعيب قبل كده فكيت مفاتيح الرفع وركبت مفتاح اخر مكان المفتاح الشمال امام وكانت فكرة الصديق ممدوح.. ومازال العيب موجود... نزلت الدواير من النت ومشيت وراها خطوة خطوة من اول الفيوز رقم 18 ف العلبة تحت الدركسيون 30 امبير للشبابيك والسنتر لوك الى الريلاى وراء علبة الطابلوه الى المفاتيح الى المواتير...على مدى خمسة ايام كل يوم شوية على قدى... والحمدلله وصلت لاصل المشكلة وطلع العيب فى جهاز الرفع.... ف الفيشة بتاعته 2 بن مكربن وفاصلين ... ففصلت جهاز الرفع نهائى وشيلته من الدايرة وشغلتها على اصلها والحمدلله اشتغلت كل الشبابيك كهربة وسنتر لوك وبحالة جيدة والحمدلله.
حبيت انقل لكم تجربتى للافادة العامة.

[mr.moustafa]

مشكوووووور والله يعطيك الف عافيه

[douha_wise]

ما شاء الله عليك يا حاج احمد ربنا يباركلك قوة فی الاداء مع تميز و خبره

[hazoom2006]

تمام تسلم ايدك
جهاز الرفع ده اللى هوه وحده الرفع مركبها بره مش جاية ف العربيه طبعا ولا تقصد جهاز تانى

[ahmed2801]

تمام تسلم ايدك
جهاز الرفع ده اللى هوه وحده الرفع مركبها بره مش جاية ف العربيه طبعا ولا تقصد جهاز تانى

صح هى دى وحدة الرفع اللى انا مركبها اول ما اشتريت العربية من 8 سنين... كويس كفاية عليها كده ... اللى بتاع العربية الاصلى السنتر لوك ولما لعبت فى دائرة زراير الشبابيك بحثا عن العطل عملت قفلة من غير ما اخد بالى ... السنتر لوك فصل.. واكتشفت ان الزجاج والسنترلوك على فيوز واحد (اللى ضرب) رقم 18 فى علبة الفيوزات تحت الدركسيون زى ما وضحت لحضراتكم ف الموضوع.