خنقه فى العربيه

[hazoom2006]

عندى خنقه فى العربية والتجميع بطئ جدااا بدوس على البنزين احس ان العربيه بتمشى لحد مالاربى ام يوصل 1.5 ونص كده وبعدين تروح سحبه مره واحده ولو شلت رجلى ودوست بنزين تانى احس ان انا بدوس فرامل وبعدين تسحب وسحب مش طبيعى برده بطئ

عندى نتشة على الغيار الاول ومش دايما بتحصل فى التانى

فى حاجة تانية ان لما بكون على 100 مثلا الا ار بى ام بيكون حولى 3300 لفه هل ده طبيعى
برغم ان فى عربيه واحد صحبى بيكون على 2500 لفه (اوبترا اتوماتيك )

بوجيهات وفلتر بنزين وفلتر هوا مغيرهم من حوالى 3000 كيلو
حساس الشكمان ملغى

[askarfeps84]

بص هي الاعراض حصلت معايا وكان تصرفي كالاتي
غيرنا البيجوهات وفلتر البنزين وفلتر الهوا وتنظيف البوابة بقت زي الفل
لكن حضرتك بتقول ان مغير الكلام ده
انا كمان اما غيرتهم كانت زي الفل وبدأت تعمل معايا شغل زمان رغم انى مكلتش 6 الاف كيلو وللاسف اتكلفت الاسبوع الى فات نفس الفيلم تاني وغيرت ونظفت البوابة وبقت العربية تمام

المشكلة ان كدا هاغير الحاجات دي وانظف فى عدد كيلوات قليلة ... تكلفة بصراحة
دي تجربتي

[hazoom2006]

انا ركزت النهارده فى اللى بيحصل
بدوس بنزين تتكتم كده لو شيلت رجلى ودوست تانى تسحب كويس
انا شاكك فى طرمبة البنزين
عموما انا هنضف البوابة وفلتر الهواء وتشوف هتعمل اية

متشكر جدا على الرد

[hazoom2006]

لقيت الخرطوم اللى راكب فى مساره الرشاشات بيسرب بنزين قصيت الجزء غالبا فى قطع صغير مش باين وركبت الخرطوم الحمد لله الخنق راحت

[ahmed2801]

لقيت الخرطوم اللى راكب فى مساره الرشاشات بيسرب بنزين قصيت الجزء غالبا فى قطع صغير مش باين وركبت الخرطوم الحمد لله الخنق راحت

الحمد لله انك لقيت العيب وصلحته... وبالنسبة لسؤالك الاول عن السرعة وال rpm فهو مناسب جدا وهى عندى كده فعلا... وبالنسبة للمقارنة بعربيات اخرى ما ينفعش لان مقاسات التروس مش زى بعضها فكل جيربوكس مختلف عن التانى فى مقاسات التروس والقوة والعزم ليتناسب مع عزم الموتور بتاعه.
عربيتنا تقيلة وثباتها عالى لازم تعمل لفات عالية على سرعة قليلة نوعا ما لزيادة العزم ... ما تقلقش!!!.

[hazoom2006]

للاسف الخنقه رجعت تانى بس اقل شوية خصوصا لما ادوس مرة واحده
انا لقيت خرطوم طالع من تحت البوابة طالع منها خرطوم وراكب فى زى بلف كده وطالع منه خرطوم ماشى تحت فلتر الهوا لحد علبه كده عند الكلاكسات
280142300 Vacuum Control Valve


بعد البحث على النت لقيت انه مخصص للتسارع المفاجى او لو دوس بنزين مره واحده فيدخل هوا اكتر ولا انا فاهم غلط

[hazoom2006]

بعد البحث والتدوير والفتح ده مخصص انه يرجع بخار البنزين من تنك البنزين للبوابه لاعاده حريقة
حاجة شبه egr فى اللانوس تقريبا نفس الفكره على مااتذكر

الخنقه اللى فى العربيه طلعت من كراسى الموتور غيرتها لقيت الكرسي اللى تحت البوابه مقطوع عباره عن قطعتين وغيرت اللى قدام بالمرة

الاحساس مختلف العزم جميل جدا ماشاء الله نقلات الفتيس بقت اسهل كتييييير والتجميع او التسارع بقى حاجة جامده جدا الحمد لله برغم انى بحط بنزين 80 كمان والحمد لله
المراوح فى موضوع منفصل

[Abo_Mazen]

عندى خنقه فى العربية والتجميع بطئ جدااا بدوس على البنزين احس ان العربيه بتمشى لحد مالاربى ام يوصل 1.5 ونص كده وبعدين تروح سحبه مره واحده ولو شلت رجلى ودوست بنزين تانى احس ان انا بدوس فرامل وبعدين تسحب وسحب مش طبيعى برده بطئ

عندى نتشة على الغيار الاول ومش دايما بتحصل فى التانى

فى حاجة تانية ان لما بكون على 100 مثلا الا ار بى ام بيكون حولى 3300 لفه هل ده طبيعى
برغم ان فى عربيه واحد صحبى بيكون على 2500 لفه (اوبترا اتوماتيك )

بوجيهات وفلتر بنزين وفلتر هوا مغيرهم من حوالى 3000 كيلو
حساس الشكمان ملغى

سؤال إستنكاري ..هو حضرتك لاغي حساس الشكمان ليه ؟؟؟؟

[hazoom2006]

لا انا مش لاغى حساس الشكمان انا جايب العربيه كده

[Abo_Mazen]

لا انا مش لاغى حساس الشكمان انا جايب العربيه كده

طيب ما هو السؤال ما زال قائم ..حضرتك أبقيت على حساس الشكمان ملغي ليه ..يعني ليه حضرتك ما وصلتوش ..حضرتك عارف إن ممكن يكون سبب المشكله اللي بتروح وترجع تاني دي من عدم وجود حساس الشكمان..حضرتك عارف إن حساس الشكمان ده في واحد كان معاه سيينا لغاه ..العربيه قلبت منه مصنع طوب من كتر الدخان الإسود اللي كان طالع منها عمال على بطال ..

[hazoom2006]

برغم ان الحساس ملغى مفيش اى دخان طالع واستهلاك البنزين معقول الى حد ما

[khaled rehim]

السلام عليكم رجاء الأفادة فى أسرع وقت لآنى مسافر بالعربية أسوان

المشكلة فى الفتيس الأتوماتيك فى العربية الشيرى a11موديل 2005 لما أجاى أدور الصبح أو فى أى وقت أجيب على d عربية متتحركش من مكانها أرجع أجيب على الـ n وأدوس بنزين وأنا دايس بنزين أجيب الـ d تتحرك العربية مش عارف أه هى المشكلة المكانيكية أجمعوا على تغيير الفتيس لكن أنا مش موافق باقى السرعات جميلة ورغم ذلك غيرت زيت الفتيس كذا مرة أرجو المساعدة بسرعة[/size]