حساس الكرنك

[askarfeps84]

فى البداية احب اشكر كاتب الموضوع التالي وكمان الردود وخاصة استاذ ممدوح لأنهم سبب اكتشاف العيب بعيد عن تاليف الميكانيكية

https://www.nilemotors.net/Nile/430560-a.html

من تجربتي
فى حالة لو العربية فجاءة مش بتدور وترجعلها بعد نص ساعة تلاقيها بتدور أو لو انت سبتها فى الشمس فترة ورجعت تدورها ومدرتش وبعد فترة ومحاولات تدور ... او لو انت فى مشوار ونزلت تجيب حاجة 5 دقايق ورجعت وملقتهاش بتدور الا بعد محاولات .... او لو فصلت منك ومدرتش تاني الا بعد محاولات وبعد 5 دقايق ...... فكر كتير فى حساس الكرنك قبل اما يجي الميكانيكي ويالف ويجود من عنده ويقولك طرمبة ونغير بيجوهات وفلتر بنزين ... طب ننظف البوابة والتاليف الكبير بتاع الكفتجية دول


العربية حلفت امبارح انها متدورش ولو دارت تفصل بعد نص متر بعد قراتي للموضوع فكيت حساس الكرنك وغيرته ودارت العربية وهقولكم لو الموضوع محصلش فيه جديد وكله كان تمام ..... العيب انى حاسس انى اتنصب عليا فى سعره لأني اشتريته ب 185 وكان فى نوع ب 165 على الرغم انه صيني واستاذ ممدوح قال انه اشتراه ب 90 بس !!!
انا بشتري القطع من اسماعلية وبكون متقبل انه يزود 10 او 15 جنيه عن اسعار القاهرة لكن الفارق ده كبير اوي؟!!!!

[douha_wise]

فى البداية احب اشكر كاتب الموضوع التالي وكمان الردود وخاصة استاذ ممدوح لأنهم سبب اكتشاف العيب بعيد عن تاليف الميكانيكية

https://www.nilemotors.net/nile/430560-a.html

من تجربتي
فى حالة لو العربية فجاءة مش بتدور وترجعلها بعد نص ساعة تلاقيها بتدور أو لو انت سبتها فى الشمس فترة ورجعت تدورها ومدرتش وبعد فترة ومحاولات تدور ... او لو انت فى مشوار ونزلت تجيب حاجة 5 دقايق ورجعت وملقتهاش بتدور الا بعد محاولات .... او لو فصلت منك ومدرتش تاني الا بعد محاولات وبعد 5 دقايق ...... فكر كتير فى حساس الكرنك قبل اما يجي الميكانيكي ويالف ويجود من عنده ويقولك طرمبة ونغير بيجوهات وفلتر بنزين ... طب ننظف البوابة والتاليف الكبير بتاع الكفتجية دول


العربية حلفت امبارح انها متدورش ولو دارت تفصل بعد نص متر بعد قراتي للموضوع فكيت حساس الكرنك وغيرته ودارت العربية وهقولكم لو الموضوع محصلش فيه جديد وكله كان تمام ..... العيب انى حاسس انى اتنصب عليا فى سعره لأني اشتريته ب 185 وكان فى نوع ب 165 على الرغم انه صيني واستاذ ممدوح قال انه اشتراه ب 90 بس !!!
انا بشتري القطع من اسماعلية وبكون متقبل انه يزود 10 او 15 جنيه عن اسعار القاهرة لكن الفارق ده كبير اوي؟!!!!

يااااااه فكرتنى بتجربتى مع هذا الحساس و كم اتعبنى موضوعه و مكنتش عايز اروح لصنايعى يفتى و يفتح فى مواضيع و عشان كده ربنا اكرمنى ببحثى عن مشاكل مشابهه و استقريت على ان العيب غالبا حساس الكرنك و قلت هجيبه رخيص شويه و لو طلع هو السبب ابقى اغيره فيما بعد و اترك الصينى احتياطى و لو طلع مش هو المشكله فبرضه موجود معايا لحين الاحتياج له و الحمدلله طلع هو السبب
الظريف ان المشكله بدأت بعد تغيير البطاريه فكنت بشك فيها و كل شويه اروح للشركه اللى اشتريتها منها و الرجل يقيس الشحن و يقولى العيب مش من البطاريه لحد ما شكيت و قلت لو كانت البطاريه السبب مكنش المارش يشتغل و عايز يقوم العربيه لكنها تأبى و ترفض ( حلوة تأبى و ترفض دى عشان تعرفوا اننا حلوين فى العربى برضه ههههه ) و الانوار ايضا شغاله كويس المهم الحمدلله ان مشكلتك اتحلت و نشكرك على طرحك لها
بخصوص السعر فأنا لما سألت عليه عند بتوع الالمانى وجدت الالمانى ب 180 على ما اتذكر بس مشفتش خامته لكن لو اللى انت اشتريته صينى يبقى سعره كده عالى حتى لو خامته افضل من الصينى اللى انا اشتريته اللى خامته سيئه فالزياده فى السعر اظنها لا تتعدى 20 الى 30 جنيه و الله اعلم

[atwany2]

انا في اسوان حساس الكرنك برضه عطل والكهربائي فك واحد من مكنه عنده وكان عايز يدهولي ب 225 جنيه وقالي اسال عليه الاول حتلقيه اغلي من كده وربنا نجدني كان فيه حساس في الفتيس القديم بتاعي وركبته والمضحك ان الكهربائي ساب الحساس معايا بعد مااخد البايظ بتاعي معاه ومن ساعتها مشفتش وشه تاني

[hazoom2006]

حساس الكرنك عندى راكب بتاع النوبيرا وشغال عادى بس عايز اغيره
مستمر ممدوح حساس الكرنك الصينى عامل مععاك اية

[douha_wise]

حساس الكرنك عندى راكب بتاع النوبيرا وشغال عادى بس عايز اغيره
مستر ممدوح حساس الكرنك الصينى عامل معاك اية

و الله شغال لحد دلوقتی كويس بس انا برضه ان شاء الله اشتری واحد نفس خامة القديم و اركبه بدل الصينی و اخلی الصينی احتياطی بس ربنا يفرجها و بعد ما اخلص شوية حاجات العربيه محتاجاها