إستشارة سريعة يا خبراء الشيري

[look4love2010]

محتاج أغير طقم الدبرياج بتاع عربيتي a11
وفيه ناس كتير بتقول لي أجيب طقم الجولف لإنه ألماني
والسؤال :
هل ينفع أجيب طقم دبرياج غير بتاع الشيري يكون بنفس المواصفات ويتركب عادي ؟
ولو فيه
أجيب طقم دبرياج بتاع عربية إيه وموديل سنة كام ؟ وسعره في حدود كام وألاقيه فين ؟ وياريت لو في مدينة نصر
وشكراً
ملحوظة :
أنا لسه مغير الطقم ده من شهرين وكان بتاع الشيري وطلع مضروب
فمش عاوز أكرر التجربة تاني الله يخليكم

[hazoom2006]

اللى اعرفه ان يركب عليها سيات انكا
معرفش بتاع الجولف يركب ولا لا

[look4love2010]

أين ردود الخبراء :)
أفيدوني ده النهارده الجمعة والفرصة في إني أنزل أشتري متاحة :(

[look4love2010]

مشكور يا صديقي العزيز hazoom2006
يعني إنت سمعت فقط ؟ ولا قمت بالشراء فعلاً ؟

[look4love2010]

كل عام وأنت بخير حضرتك أنا شوفت ليك بوست من فترة بخصوص أنك كنت بتسأل عن العتب الداخلي
يا ترى لقيته ولا لأ ؟
ولقيت الشماسة ولا لأ ؟
وياريت لو تعرف أجيب الجلد اللي ماشي مع الأبواب والشنطة منين ؟؟؟ قصدي الكاوتش اللي بيفصل الباب عن العربية

[hazoom2006]

كان الاستاذ طارق قالى كده والطقم على بعضة ب1000 جنيه سيات انكا على حسب كلام
لسة ماجبتش الشماسة ولا العتب الداخلى

[hmpaca]

الديسك بتاع السيت انكا مختلف عن الديسك a11 مختلف في اخرام التثبيت فكنت هاجيبه من بتاع قطع غيار الالمانى وخت معاية القديم لقيت الاخرام مختلفة لازم تروح لخراط يعمل اخرام جديدة بس ممكن تضعفة فالراجل قالى هات بتاعها وخد أسطوانة كويسة طلعت أسطوانة دايو لانوس بتركب عادى (20) وكان سعر الديسك 800 جنية بتاع السيات انكا على فكرة

[douha_wise]

الديسك بتاع السيت انكا مختلف عن الديسك a11 مختلف في اخرام التثبيت فكنت هاجيبه من بتاع قطع غيار الالمانى وخت معاية القديم لقيت الاخرام مختلفة لازم تروح لخراط يعمل اخرام جديدة بس ممكن تضعفة فالراجل قالى هات بتاعها وخد أسطوانة كويسة طلعت أسطوانة دايو لانوس بتركب عادى (20) وكان سعر الديسك 800 جنية بتاع السيات انكا على فكرة

اولا مشكور اخى الحبيب على مشاركتك القيمه هذه لكن معذرة عشان عايز افهم الجزء الأخير اكثر
انت تقصد ان اسطوانة اللانوس بتركب على عربيتنا بدون أى تعديلات
لو كان هذا صحيح فهل هناك موديل معين او رقم مكتوب على العلبه عشان نشترى مثله
و سعرها كام و صناعتها ايه
اكرر اعتذارى و جزاك الله خيرا

[hmpaca]

انا سالت الميكانيكى عن أسطوانة اللانوس قالى الأسطوانة ال 20 وبتتباع ب 80 جنية وبتركب بدون تعديل على الديسك بتاع الشيرى

[hmpaca]

صناعة كورى

[douha_wise]

جزاك الله خيرا اخى الحبيب
لكن سعر الاسطوانة كورى ب80 جنيه سعر غريب شويه و قليل على ما اظن و الا انت ايه رأيك