اسعار بعض قطع الغيار

[hazoom2006]

باختصار ..
نزلت الحرفين .. روحت لصقر .. جبت من عنده الاتى
سير دينامو الاصلى 50 جنيه
حساس كرنك 90 جنيه
حساس شكمان بوش (مكتوب على العلبه) 225 جنيه
فبره الفتيس المارشدير 15 جنيه
الاريال اللى فوق السقف 15 جنيه
طقم فلاتر هوا وزيت وبنزين 60 جنيه عامل عليهم عرض
ملاحظات :
الاستقبال كويس جدا حتى من قبل مايعرفو ان انا جاى من نايل موتورز وجروب اسبرانزا فور اول ودوشتهم تليفونات علشان كنت تايه ومعرفش الحرفين فين اصلا
كنت محتاج سيرفو ضرورى واحد اسمة محمد نزل معايا للشيخ محسن استيراد عايز يبيعلى السيرفو بالماستر ب 600 جنيه شوية واحمد عادلى نزل وجابلى السيرفو بتاعها جديد ب 350 جنيه من واحد تبع الشيخ محسن وانا كنت معاه

ملاحظات اهم من المللاحظات اللى فوق :
فى واحد اسمة الشيخ طه ده محدش يشترى منه حاجة خالص تقريبا بيبع الحاجة باغلى سعر فى العالم بس لقيت عنده نص كامل شيرى a15

صقر على خصم 10 % لماعرف ان انا جاى من نايل موتورز واسبرانزا فور اول

[douha_wise]

ملاحظات اهم من المللاحظات اللى فوق :
فى واحد اسمة الشيخ طه ده محدش يشترى منه حاجة خالص تقريبا بيبع الحاجة باغلى سعر فى العالم بس لقيت عنده نص كامل شيرى a15

ههههههه اللی بيقولوا عليه الشيخ طه اقسم بالله ما شفت حد بيشكر فيه لا فی المنتدی و لا خارجه و انا عملت موضوع مخصوص بسبب بتوع الاستيراد الصينی و كان بسببه اكثر واحد ربنا يهديهم جميعا و بتوع الجديد برضه بصراحة اغلی سعر و اسواء خامات فی التاريخ لسه شاری حساس حرارة مشتغلش يومين و باظ و ريداتير داخل فی 400 جنيه وزنه ميزيدش عن ربع كيلو تشيلو بصباعين خامه مش سيئة لا اسوأ من السيئ و باظ بعد كام يوم و اكصدامين اماميين واحد اتكسر بعد اقل من اسبوع بعد ما موتوسيكل ريح عليه برغم انی مشتريه من صقر و قالی فيه قصائد شعر و اغلی من سعر السوق و فی الآخر اشتريت بتاع توليدو 97 استيراد لا بارك الله لهم بجد منهم لله علی الفلوس اللی بتضيع علينا عشان يضاعفوا مكاسبهم بالحرام و النصب و استغلال جهل الناس

[askarfeps84]

باختصار ..
نزلت الحرفين .. روحت لصقر .. جبت من عنده الاتى
سير دينامو الاصلى 50 جنيه
حساس كرنك 90 جنيه
ح

سير الدينمو ب 50 وحساس الكرنك ب 90 وأنا شريهم من اسماعيلية الاول ب 165 والتاني ب 185 .... قلبي الصغير لا يتحمل .... العربية دي زي الزمالك بالظبط " الفريق الى انا بشجعه" هاتجبلي ضغط وسكر وقلب بقطع غيارها ومشكلاتها ونصب تجار القطع الغيار بتاعتها

[hazoom2006]

انا من الشرقيه حساس الكرنك عندنا ب 180 جنيه
ممكن تتصل بمحلات القاهره وتشوف الاسعار عندهم كام وهتلاقى فرق وتنزل تجيب طلباتها
العربيه جميله وسحبها حلو ماشاء الله احسن حاجة فى الفئة السعريه دى
افضل من الاكسيل والاكسنت واللانوس فى الثبات وعدد الاحصنة وان شاء الله هظبط شوية مواضيع تعمل فيها تعديلات لذيذه لقيتها على مواقع روسية

[hon81]

هو فعﻻ صقر الحرفيين يعتبر أفضل محل ممكن تتعامل معه واﻻسعار بقيت مظبوطه بس فى حاجات الخامة مس كويسه مع انه بيقول انها اﻻصلى بتاعها.

اما محل الشيخ طه ... وانا عن نفسى مش عارف ازى شيخ والتعامل كده اغلى واحد فى الدنيا وكان الى عنده مش موجود في حته تانى انا سالته على الشورت بلوك كان عايز يبيعه واحد حالته متوسطه على كﻻمه 7 اﻻف جنيه والكويس 9 اﻻف ... انا مش عارف بيجيب اﻻسعار ده من فين ... وﻻ انصح احد بشراء اى حاجه منه لو غلبت اوى روح التوكيل ارخص واضمن

[douha_wise]

انا من الشرقيه حساس الكرنك عندنا ب 180 جنيه
ممكن تتصل بمحلات القاهره وتشوف الاسعار عندهم كام وهتلاقى فرق وتنزل تجيب طلباتها
العربيه جميله وسحبها حلو ماشاء الله احسن حاجة فى الفئة السعريه دى
افضل من الاكسيل والاكسنت واللانوس فى الثبات وعدد الاحصنة وان شاء الله هظبط شوية مواضيع تعمل فيها تعديلات لذيذه لقيتها على مواقع روسية

منتظرين بكل شوق و لهفة هذه التعديلات و ياريت تتحفنا حتى و لو بموضوع منهم بسرعة

[kesho2009]

بصراحه الشيخ طه ده قعدت معاه وحسيت انه ايه اخدت منه شويت حاجات ولا كملت في العربيه بصراحه مش عارف اقول ايه وغالي جدا اكنه هو اللي مصنع العربيه ومحدش بيفهم فيها ولا عنده قطع غيارها غيره

[aboeamd55]

تحية مميزة لكل أعضاء المنتدي وبصراحة شئ جميل منكم هذا التواصل جزاكم الله خيرا