كيف يتم توصيل هذا الجهاز

[عماد تامر]

حد يعرف فين الفيشة اللي في العربية علشان اوصل فيها هذا الجهاز
وياريت لوحد جربه او جرب جهاز مشابه يقولنا رأيه هل هو مفيد شرائه
يعني لو رحت بيه للميكانيكي ووصلته بالعربية هايحدد العطل وبكده ابقى سهلت على الميكانيكي ويغير قطعة الغيار على طول بدل ما يجرب
الجهاز سعره رخيص بالمقارنه باجهزه تانيه ايه الفرق هل الاجهزه الغاليه فيها امكانيات اكتر مع العلم ان الجهاز كما هو معلن عنه بيكشف انواع كثيره من العربيات
ولو الموضوع كده ليه مش موجود عند كل الميكانيكية

https://www.youtube.com/watch?v=OXrZc7RdLno

[shiko85]

نوع العربيه و الموديل (سنه الصنع) ؟؟

[Mecha]

المفروض فيه فيشه 16 pin تحت التابلوه ناحيه عمود الدركسيون تركبه فيها
اشتريت واحد من تلت سنين نفس الشركة C-reader اسمه اياميها, بس ممكن يقرا عربيه وعربيه لا,فاتاكد من موديلاته,وبيشتغل مع OBD-2 بس
برغم الاجهزة دي مازالت الخبره والمعرفة هي العامل المؤثر

[عماد تامر]

شيري A11 2007
الشركة قالتلي ينفع يشتغل عليها
لكن مالقيتش الفيشة 16 Pin تحت التابلوه

[Mecha]

شوف في حوض المتور بلجه بغطا مكتوب عليه diagnosis,ممكن تحت التبلوه يمين
او افتح الكتالوج

[douha_wise]

للاسف انا مش عارف اشوف الفيديو عشان شغال علی باقة ما شاء الله عليها خايف احسدها فتقع اكتر ما هی واقعه
عموما لو الجهاز ده هو كمبيوتر كشف الاعطال فالفيشه بتاعته موجوده فی الشيری a11 فی حوض السيارة ناحية اليمين ما بين قربة المياة و الانجكشن و هی نوعين واحدة موجودة فی الشيری الاتوماتيك و فيشتها عريضه و فی المانيوال رفيعة و المفروض سواء بتاعة الاتوماتيك او المانيوال يكونوا عليهم غطاء بلاستيك حماية لهم