مشاكل في شيري a11 برجاء الرد

[aboeamd55]

بارك الله في عمرك أخي m.gharib ومشكور علي الرد الكريم
ولكني لم أستوعب ما تعنيه من كلامك هذا ( لكن في غلط عندك يا أ/aboeamd55 لانك بتحرق على الغيار التالت وتجيب عليه 70كم يعني بتوصل 3500 لفة/دقيقة, شوف اعرف قاعدة معينة: لو انك بتحط بنزين 80 يبقى تنقل على 3000لفه /الدقيقة مش أكتر ولو 92 يريح الموتور وتقدر تنقل من 2500 لفة/دقيقه انما تكون طبيعة نقلك فوق ال 3000 يبقى هنا الغلط والهلك الي مالوش مبرر... )
لم أفهم ماذا تقصد بتحرق علي الغيار الثالث يعني المفروض أنقل علي الغيار الرابع قبل ال70 أم ماذا تقصد أرجوا منك التكرم بمزيد من الشرح المفصل

[m.gharib]

وبالنسبة للأخ الي بيقول العربية مشاكلها كتير ... مع احترامي ليك طبعا وعدم احترامي لرأيك ... العربية دي تقيلة جدا وعمليه وعفشة جبارة وثبات غير عادي وموتور محترم يمكن الحاجة الوحيدة الي مش قد كده هي خامات الصالون أما العربية ككل فهي ممتازة وبعدين هاتلي عربية زيها بالسعر ده ... ماتعرفش تجيب بتمنها سوزوكي ماروتي .

وآسف لو دخلت دخلة جامده بس ده لأني بحترم العربية دي أوي مع اني كنت جايبها عشان الهري واقضي بيها مشاوير الهلك وأحافظ على العربية التانية بس اتفاجئت جدا بيها.

[aboeamd55]

ربنا يبارك فيك وأنا في إنتظار ردك الكريم

[m.gharib]

بارك الله في عمرك أخي m.gharib ومشكور علي الرد الكريم
ولكني لم أستوعب ما تعنيه من كلامك هذا ( لكن في غلط عندك يا أ/aboeamd55 لانك بتحرق على الغيار التالت وتجيب عليه 70كم يعني بتوصل 3500 لفة/دقيقة, شوف اعرف قاعدة معينة: لو انك بتحط بنزين 80 يبقى تنقل على 3000لفه /الدقيقة مش أكتر ولو 92 يريح الموتور وتقدر تنقل من 2500 لفة/دقيقه انما تكون طبيعة نقلك فوق ال 3000 يبقى هنا الغلط والهلك الي مالوش مبرر... )
لم أفهم ماذا تقصد بتحرق علي الغيار الثالث يعني المفروض أنقل علي الغيار الرابع قبل ال70 أم ماذا تقصد أرجوا منك التكرم بمزيد من الشرح المفصل

أخي الفاضل aboeamd55 بقول لحضرتك
1- المفروض تنقل عالرابع من ال 60 أو قبلها شويه كمان وصولا الى ال80 كم تجيب الخامس علطول كده بداية الرابع ونهايته.
لكن في حالة الغيار التالت لما توصل بيه لل 70 بيكون ال RPM وصل ل 3500 لفه في الدقيقة وده غلط في حالة الاستمرارية يعني غلط في ال (LONG TERM) المدى البعيد.
لو كان طبيعة مشيك كل مره وكل نقله بالطريقة دي يعني ... الطريقة دي بنقول عليها الحرق كمصطلح دارج لكنك ممكن تحرق على الغيار بالطريقة دي وأكتر من كده كمان في الضروريات .... وليكن أنت ماشي على مطلع كوبري مثلا يبقى لازم نحرق شويه أو في طريق فردة واحدة وبتخطي الي قدامك ومحتاج سرعة فبتكون مضطر انك تشبع الغيار وتوصل انشالله 4000 لفه على التالت أو أيا كان الغيار تالت ولا رابع (وكله بالعقل) وبرده حسب الحاله الي انت فيها واحتياجك لتجميع السرعة... لكن تكون الطريقة دي(الحرق) هي طبيعة قيادتك للعربية وفي كل نقله بتحرق!!!
فهو ده الي بيهلك الموتور ويستهلك بنزين أكتر ويسخن الموتور أكتر وكده كأنك بتستخدم كل قوة الموتور في مشيك العادي !!!!

2-ولو البنزين 92 تقدر تريح الموتور في الغيار التاني والتالت بالذات وتنقل على 2500 RPM والرابع يبقى بين ال 2500 و ال3000 يعني الأول يزقك التاني أقل من 40 كم التالت أقل من 60 الرابع يبقى 80كم,ده الصح كده تحافظ على الموتور جدا
عارف حضرتك أنا شاري العربيه الي معايا ماشية 131000 كم ولكن حالة موتورها 85% لأن صاحبها كان بياخد باله من القصة دي
وحاول ترمي عينك على ال RPM شويه قدر المستطاع في النقلات لغاية ما تتبرمج لوحدك.

ونعتذر على الاستطراد في الموضوع ولكن ده نظرا لأهميته.

[aboeamd55]

أشكرك علي الشرح الجميل بارك الله في عمرك وأرجوا ألا أكون أكثرت عليك في الطلب شرح حضرتك هو بالضبط ما كنت أريده شكر لك ويا ريت تسمحلي أتواصل معاك لو أحتجت شئ
طيب أخي بارك الله فيك أنا لو حبيت أني أفصل الabs أفصله من فيوز معين ولا من الفيشه اللي موجوده علي الوحده نفسها
وأيضا أنا عندي لمبة الأير باك بتنور كثيرا ومش عارف حاجة عن النظام ده ولا حتى عندي كتالوج السيارة فيا ريت لو عندك معلومات عنه ولو عندك صورة من الكتالوج pdf أستأذنك فيها

[aboeamd55]

يا جماعة يا ريت حد يعرفني كيفية فك الكاسيت

[novo]

السلام عليكم ورحمة الله
أعضاء المنتدي الكرام بارك الله فيكم عندي مشاكل في السيارة وهي جديدة معي وللأسف ليس عندنا في المحافظة فنيين جديدين
أولا حساس الكيلو متر كان تالف وغيرته بعد تركيبه جرب السيارة وحاولت الوصول بها لسرعة ال100 بصعوبه وأحس أن الموتور صوته عالي جدا دست بنزين كتير والسرعة ترتفع ببطء مع وجود رعشه وصوت عالي فالبنسبة لحساس السرعة السرعة لا أعرف هل ما يعطيه من سرعة صحيح ولا لا ثم مشكله الصوت العالي
ثانيا التكييف حاولت تشغيله الهوايات تمام ووصلت لمبه 12 علي السوكت الموجود علي الطلمبه وشغلت مفتاح ac لم تضيئ اللمبه فهل تجربتي سليمة صاحب السيارة قال التكييف محتاج لشحن لأنه غير خرطوم ولم يشحنها فكيف أختبر التكييف قبل الشحن
ثالثا كابل حساس الفرامل للعجله الشمال أمام مقطوع ولم أصل لأصله في الضفيره فهل من توضيح لمكان خروجه وهل يمكن الحصول عليه لتشغيل النظام
بارك الله فيكم أرجوا المعذره فخبرتي قليله وجزاكم الله خيرا

و رقم الكهربائي و الميكانيكي 0127154516
اسمه محمد زاوية...كان شغال فى التوكيل...كهربائي ممتاز