برجاء المساعده مشكله في a11

[vecevector]

رجاله الشري بالاخص a11

برجاء التكرم في حل مشكله اهتزاز مع رعشه في الدريكسيون السياره من الداخل في الكبينه علي السلنسيه مع العلم لا يوجد اصوات خارج السياره و الاربي ام علي 8 ومحتاج تغير الاتي
طقم كاتينه
اكره باب داخلي
جميع الفلاتر و السيور
طلمبه بور
اصلاح كراسي السواق
السياره موديل 2006 عداد 118 الف انا شاري العربيه من اسبوع 30000 جنيه
ممكن مكانيكي في عين شمس او المرج يكون بيكشف كمبيوتر

[Abo_Mazen]

طيب المكنه بتتهز ..يعني فيه إهتزاز في المكنه وهي شغاله كده على الهادي ؟؟؟

[vecevector]

بالنسبه للمكنه تحس برعشه لما تكون ايدك علي الماتور لاكن بالنظر عاددي ميبنش

[Abo_Mazen]

بالنسبه للمكنه تحس برعشه لما تكون ايدك علي الماتور لاكن بالنظر عاددي ميبنش

العربية دي لو ليها تاكيهات ضبطها ..هتفرق معاك

[vecevector]

العربيه ملهاش تكيهات و ختلف الرئ بين الميكانيكي و بتاع الشكمان المكانيكي قال عيب شكمان و بتاع الشكمان قال عيب قواعد ماتور وانا محتار ومش عايز اصرف فلوس و خلاص محتاج مساعده من الخبراء

[superplanner]

قواعد ماااااااااااااااااااااااااتووووووووووووووووووووووو ر
اكشف عليها هتلاقيها متقطعه

[Abo_Mazen]

طيب ما تكشف فعلا على قواعد المكنه ..هتلاقيها أكيد شقيانه برضه

[hazoom2006]

رعشة على السلانسية ولما تزود سنه بنزين الرعشة بتروح
رعشه ورجه فى الطلعه
قواعد موتور وحاول تجيب بتاعه الجولف انا جايب الصينى مكملتش كام شهر وبدات تشقق

[kesho2009]

قواعد ماتور ياباشا عن تجربه
والميكانيكي اسمه كرم في شارع الحريه عرب الجسر

[vecevector]

اولا شكرا ليكو جميعا
يعني الخلاصه قواعد ماتور بالنسبه لقطع الغيار عند مين وميكانيكي الحريه عندو جهاز كشف ولا ميكانيكي عادي
لاني كلمت مركز المتحده و مبيشتغلوش في الشيري