إعـــــــلان

Collapse

.

,
See more
See less

هل الشيري تكون خيار افضل كأول عربية ليا ؟

Collapse
X
 
  • Filter
  • الوقت
  • Show
Clear All
new posts

  • هل الشيري تكون خيار افضل كأول عربية ليا ؟

    السلام عليكم

    لو سمحتو ايه رأيكم في الشيري كأول عربية ليا وطبعا لسه هتعلم السواقة فيها وهخبط فيها

    الميزانية حططها ٢٥٠٠٠ بحثت كتير في المنتدى لقيت الميزانية هتجيب فيات وحاجات قديمة

    ورسيت ان الماروتي او الشيري حاو ماتيز بالسعر دا ممكن تجيب حاجة كويسة وخصوصا ان شكلها مقبول عن الفيات وشاكلتها

    بس في ناس بتقولي ابعد عنها موتورها صغير مينفعش وحجمها صغير قوي


    استفساري لاهل الخبرة

    هل الشيري ينفع اروح بيها مشوار رايح جاي توتال( ٥٠ كيلو) ؟ في الاسبوع

    هل اعطالها كتير ؟ تخللي الواحد يكره العربيات ؟

    بالنسبة لعدد الاسرة ٤ انا والمدام وطفلين بعمر سنتين وسنة يعني اسرة صغيرة

    ملحوظة طولي ١٩٠ سم هل هكون مرتاح في السواقة ؟


    وهل العربية ممكن ابيعها بسهولة بعد كده ؟


    انتظر ردودكم

  • #2
    لأ طبعا الشيري مش خيار أفضل كأول عربيه ليك ..أول عربيه يعني لازم تكون إعتماديه ..منتشره ..عشان ما تخليكش تكره العربيات واليوم اللي فكرت تركب فيه عربيات ..رأيي ..شوف حاجه إعتماديه أكتر من كده ..
    [SIGPIC][/SIGPIC]--------

    m_m_sh_a سابقا

    Comment


    • #3
      متشكر جدا على الرد

      لكن يعني ايه عربية اعتمادية ؟

      انا بفكر في الشيري عشا تقريبا فيها كل حاجة موجودة بأي عربية حديثة بسعر رخيص

      Comment


      • #4
        عربيه إعتماديه يعني قطع غيارها معمره ..أو على الأقل سهل التعامل معها من خلال الميكانيكية ..ده على ا لأقل
        [SIGPIC][/SIGPIC]--------

        m_m_sh_a سابقا

        Comment


        • #5
          مممم

          وجهة نظر تحترم برضه

          فعلا دي اقل حاجة لازم تتوفر في اول عربية

          طيب حضرتك ترجحلي ايه الماروتي ؟ و ٢٥٠٠٠ يجيبو موديل سنة كام فيها ؟

          انا بصراحة محتار جدا في الماروتي وكيا برايد والماتيز عشان انا مهتم بالهاتشباك

          معلش تعبت حضرتك من كتر اسئلتي

          جزاكم الله خيرا

          Comment


          • #6
            أولا إستبعد الماتيز ..ثانيا ..تشوف الماروتي أو تشوف الكيا برايد اللي بيسموها العصفوره ..دي بقى حاجه بتاعتك ..كده إنت فعلا بتدور على عربيه إعتماديه
            [SIGPIC][/SIGPIC]--------

            m_m_sh_a سابقا

            Comment


            • #7
              الف شكر ليك

              Comment


              • #8
                المشاركة الأصلية كتبت بواسطة abadahenno مشاهدة المشاركة
                السلام عليكم

                لو سمحتو ايه رأيكم في الشيري كأول عربية ليا وطبعا لسه هتعلم السواقة فيها وهخبط فيها

                الميزانية حططها ٢٥٠٠٠ بحثت كتير في المنتدى لقيت الميزانية هتجيب فيات وحاجات قديمة

                ورسيت ان الماروتي او الشيري حاو ماتيز بالسعر دا ممكن تجيب حاجة كويسة وخصوصا ان شكلها مقبول عن الفيات وشاكلتها

                بس في ناس بتقولي ابعد عنها موتورها صغير مينفعش وحجمها صغير قوي


                استفساري لاهل الخبرة

                هل الشيري ينفع اروح بيها مشوار رايح جاي توتال( ٥٠ كيلو) ؟ في الاسبوع

                هل اعطالها كتير ؟ تخللي الواحد يكره العربيات ؟

                بالنسبة لعدد الاسرة ٤ انا والمدام وطفلين بعمر سنتين وسنة يعني اسرة صغيرة

                ملحوظة طولي ١٩٠ سم هل هكون مرتاح في السواقة ؟


                وهل العربية ممكن ابيعها بسهولة بعد كده ؟


                انتظر ردودكم
                اولا العربيه معايا شيري a11 من سنة تقريبا
                انا ها ارد على استفسارات خطوه خطوة
                ينفع تروح بيها مشوار رايح جاي توتال( 500 كيلو مش بس 50 كيلو) ؟ في الاسبوع

                لو العربية حالتها كويسة وبتحافظ عليها الاعطال حتكون زيها زي اي عربية

                حتى لو اسرة كبيره مفيش مشكلة صالون العربية واسع ويركب 5 افراد بالغين مرتاح والموتور 1600 سي سي يعني مفيش مشكلة من ناحية المساحة والعزم

                العربية كراسيها واطية شوية يعني هاتكون ميزة بالنسبة لك

                المهم في الموضوع انا كان كلامي على اساس عربية حالتها كويسة واعتقد انك مش هاتلاقي عربية شيري حالتها كويسة بسعر اقل من 35000 جنيه

                مفيش حاجة ماتتبعش لكن كل عربية سعرها على حسب حالتها وزي مانت اشتريت غيرك هايشتري
                ملحوظة لو كنت من القاهرة سوف يكون الامر افضل بكثر عن لو انك بعيد عن القاهرة لانه قد تجد صعوبة في توفر بعض قطع الغيار خارج القاهرة

                Comment


                • #9
                  هو غالبا يقصد الشيرى qq اللى هيه كتكوته كل اللى اعرفه عنها انها على شاسية الدايو ماتيز وقطع غيار دايو ماتيز وممكن تسقط مكنتها كمان
                  الa11 قصة تانية ((قصة حب ))
                  [CENTER][SIZE="3"]I Need A Job[/SIZE][/CENTER]

                  Comment

                  Working...
                  X