تكيف الشيري a11 مبيفصلش ...

[كريم عادل]

سلام عليكم ...
سؤال ف تكييف الشيري a11
هو الكمبريسور المفروض لما يوصل لدرجة الحرارة المطلوبه انه يفصل ولا بيفضل شغال ....
يعني هو فيه ترموستات ولا ؟؟؟
عشان الصنايعي جربه لقاه مبيفصلش ...سأل واحد شغال معاه قاله ده اتوماتك يعني علي مفهمت كدة انه تقريبا طبيعته كدة بس مستغرب ومش فاهم يعني اييه .... وشكرا.

[Abo_Mazen]

كل العربيات الحديثه فيها ثرموستات بيخلي التكييف يفصل ويشتغل ..كنت قريت مشاركة هنا لواحد الكمبورسور عنده إتحرق عشان مكانش بيفصل وهو مكانش عارف

[كريم عادل]

يعني كدة في مشكله ؟؟ وحوار انه اتوماتك ده ايييه ؟؟؟ انا مش فاهم معناه بس اظن قصده بيفصل بس بطريقة تانيه.... فلو حد عنده معلومه مؤكدة يا رييييت
وشكرا ليكم
وشكرا علي ردك .

[Abo_Mazen]

يعني كدة في مشكله ؟؟ وحوار انه اتوماتك ده ايييه ؟؟؟ انا مش فاهم معناه بس اظن قصده بيفصل بس بطريقة تانيه.... فلو حد عنده معلومه مؤكدة يا رييييت
وشكرا ليكم
وشكرا علي ردك .

ما هو أتوماتيك دي أي حد هيفهم منها إنه بيفصل لوحده لما درجة الحرارة توصل لمستوى معين داخل كبينة السيارة ...

[محمد دسوقى72]

السلام عليكم ورحمة الله وبركاته انا عندى شيرى 15 من الزيرو حتى الان التكيف بتاعها مش بيفصل لوحدة انتى اللى بتتحكم فى المستوى من 1234 لكن هو يفصل لوحدة لا لالا

[ahmed1981]

مين قال إن كل العربيات تكييفها بيفصل ؟
لآ

عربيات كتير التكييف لما بتشغله مبيفصلش نهائي
إنت بتظبط الحرارة من البكرة وكذلك سرعة المروحة
غير كده الكومبريسور شغال على طول
وبعضها بيفصل

في بعض السيارات الكومبريسور بيفصل مع السحب الجامد الكيك داون بس

الموضوع ده مش قاعدة
فيه وفيه

التكييف اللي بيركبوه في مصر في الغالب بيركبوله ثرموستات فصل

[كريم عادل]

طمنتوا قلبي يا شباااب شكرا ليكم ...... :) :) اصلي لسه جايب العربيه مستعمل ومعرفش فيها حاااجااات كتييير .... طب حد يعرف لو عاوز اشتري الفيبرة بتاعت زراير التكييف الااقيها فيين ؟؟ عشان فيها حته مكسوورة من وري مأثرة علي الهوااياات ...يعني معرفش اتحكم في اتجاه خروج الهواء ...مثلا عليا ولا رجلي بس ولا الزجاج الاماامي .. فظبط الويرااات بحيث تبقي عليا بس وقفلت باقي الهوااياات . اللي تحت واللي عند الزجاج الاماامي

[aboeamd55]

السلام عليكم ورحمة الله أخواني أنا عندي التكييف في سيارة شيري a11 بعد الشحن يشتغل لمدة شهر والفريون يقل الفنى قال لابد من تغيير الكباس لأن تغير السيلات غير مجدي فلو حد يعرف ثمن الكباس وأشتريه من فين أو حتى فنى كويس برجاء يدلنى عليه أنا من محافظة السويس بارك الله فيكم

[douha_wise]

السلام عليكم ورحمة الله أخواني أنا عندي التكييف في سيارة شيري a11 بعد الشحن يشتغل لمدة شهر والفريون يقل الفنى قال لابد من تغيير الكباس لأن تغير السيلات غير مجدي فلو حد يعرف ثمن الكباس وأشتريه من فين أو حتى فنى كويس برجاء يدلنى عليه أنا من محافظة السويس بارك الله فيكم

اخى العزيز الكومبريسور الأصلى للتكيف نوعه ساندن و هو نفس نوع الجولف فممكن تنزل به بعد ما تفكه للحرفيين على بتوع الجولف الاستيراد و تجيب مثله بالظبط على التجربه و يفضل لو ركبته هناك برضه عشان لو فيه حاجه ترجعه و قارن كويس بين القديم و الاستيراد عشان ممكن يكون فيه اكثر من موديل من نفس الماركه فيختلف في شيء و بالتوفيق

[aboeamd55]

أشكرك علي ردك الكريم أخي العزيز douha_wise ولكن بالنسبة لكلام الفني في أن العيب أو التسريب من الكباس ما هو مدي صحته وكيف أتأكد وهل في طريقة للتأكد عند الفنيين عندكم من أجهزة تستخدم لأنه شحن والتكييف أشتغل معايا شهر ثم فجأه ضعف خالص حتى وأنا مسافر يعنى سرعة الماكينه مناسبه فلو في مكان الإستيراد فنيين للتأكد من العيب أنا كبست الدائرة هواء عند الفني لمدة ربع ساعة ولم يتحرك مؤشر الضغط وأشكرك مرة أخري علي الرد

[douha_wise]

أشكرك علي ردك الكريم أخي العزيز douha_wise ولكن بالنسبة لكلام الفني في أن العيب أو التسريب من الكباس ما هو مدي صحته وكيف أتأكد وهل في طريقة للتأكد عند الفنيين عندكم من أجهزة تستخدم لأنه شحن والتكييف أشتغل معايا شهر ثم فجأه ضعف خالص حتى وأنا مسافر يعنى سرعة الماكينه مناسبه فلو في مكان الإستيراد فنيين للتأكد من العيب أنا كبست الدائرة هواء عند الفني لمدة ربع ساعة ولم يتحرك مؤشر الضغط وأشكرك مرة أخري علي الرد

و الله يا اخى العزيز تكييف السيارات هو اكثر المشاكل المزعجة اللى بتقابلنى فى السيارات خاصة ان فنى التكيف يقعد يفتى و يجرب و يشيل و يحط و يكلف صاحب السيارة و ممكن يطلع العيب فى الاخر تافة جدا يعن انا كنت كل سنة اشحن السايرة و على بدية الشتاء يكون التكييف ضعف و اجى قبل بداية الصيف اشحن تانى و برغم ان افنى بيكبس و يجرب و يقول مفيش تسريب لكن يرجع الموضوع بنفس الشكل فعمل بحث عن الاسباب اللى ممكن تؤدى لهذا فوجدت منها الابرة بتاعة الواطى و العالى فرحت لواحد و قلتله قبل ما تشحن اكبس هواء و جرب الابرة فطلعت فيها تنفيس بسييييط جدا فغيرها و شحنها و فعلا استمر التكييف لحد قرب اخر الشتاء الماضى و بعدين مفيييييييييييييش هواء ساقع قلت لا حول و لا قوة الا بالله فرحت تانى للفنى فبص وجد فيه فريون فقالى كده فيه مشكلة فى الكباس قلتله فجأة كده الكباس يبوظ و كمان فى الشتاء اللى مكنش بيشتغل فيه الا لتنشيط دورة الفريون فقعد يعمل شوية حركات و قالى غيه احتمال يكون الفريون فسد و فقد كفائته فقلتله ماهو ده الفريون اللى انت حطيته الصيف الماضى و بصراحة تركته و مشيت و كلمت واحد اعرفه بتاع ثلاجات و قلتله اجبلك الفريون و تشحنه لى فقالى هات برضه بلف و حاجة تانيه و شحنت و الى الآن تمام و ربنا يسترها و تعدى على خير لأن الواحد دفع كتير
طولت عليك لكن انت و غيرك و انا ممكن نستفيد من تجارب بعض و بالنسبة لموضوعك انا شايف انك لازم تسمع رأى حد تانى يمكن تلاقى حل افضل
و ربنا يوفقك

[aboeamd55]

جزاكم الله كل خير

[aboeamd55]

طيب اخي العزيز غرني كرمك فلي سؤال آخر وهو عيب جد البارحه وهو صعود بخار ماء من فتحات التهوية ونقص منسوب المياه فجاء في نفسي أنه ممكن أن يكون خط الماء الداخل تحت التابلوه اظنه للتدفأه فهل هذا صحيح وهل يمكن إلغاءه أو كيفيه حل المشكلة وهل يمكنى حله وإصلاحة أم لابد من فنى وما هو تخصصه
وهل تنصحنى علي المستوي الشخص بالذهاب للتوكيل لإصلاح كل الأعطال أم ماذا
آسف للإطالة وبرك الله فيك وفي كل اعضاء المنتدي المحترمين ولو سمحت لو عندك حساب علي الفيس أكون شاكر لك