مشاكل فى ايه 11

[shidoo79]

السلام عليكم
ارجو الافادة فى عربية شبرى ايه 11 و هى عاملة 105 000 ك
1-لمبة فرامل اليد و ايه بى اس شغالة و ساعات لأ
2-بحس زى نتشة فى العجل كأنك فرملت و دوست بنزين
3-عندى بوجيه دايما بيضرب بعد يومين و بلقى فيه زيت
4-الزيت عندى بينقص يعنى لسة مغير زيت و نزل حوالى نص لتر او اكتر شوية
انا حطيت شيل 1000
5-النهاردة جاى ادور تكتكة بس ببص على البطارية لقيتها علامة سمراء هى عندى بقالها سنتين و نص
زقينا العربية بس مش راضية تقوم خالص
ياريت لو حد يفيدنى من الاعضاء الاجلاء

[douha_wise]

السلام عليكم
ارجو الافادة فى عربية شبرى ايه 11 و هى عاملة 105 000 ك
1-لمبة فرامل اليد و ايه بى اس شغالة و ساعات لأ

كده عندك مشكلة في منظومة الفرامل و في جهاز الاى بى اس فيجب تراجعها و بعد ما تتظبط تفرغ كل زيت الباكم عندك و تضع زيت فرامل دوت 4 ممكن تشتريه من بنزينة توتال عبوتين أو قيه نوع المانى افضل بس اغلى و افضل هو علبة صاج لونها ازرق

2-بحس زى نتشة فى العجل كأنك فرملت و دوست بنزين

برضه ممكن يكون جهاز الاى بى اس بيمسك فرامل و بعدين يسيب و هكذا

3-عندى بوجيه دايما بيضرب بعد يومين و بلقى فيه زيت
4-الزيت عندى بينقص يعنى لسة مغير زيت و نزل حوالى نص لتر او اكتر شوية
انا حطيت شيل 1000

العيب 3 و 4 هو عيب واحد و هو ان موتورك محتاج عمرة سريعة و تكون عند ميكانيكى محترم ده طبعا لو موتورك مش خلصان خالص و لو كان خلصان يبقى عليك و على تسقيط موتور جولف 2 أو 3

5-النهاردة جاى ادور تكتكة بس ببص على البطارية لقيتها علامة سمراء هى عندى بقالها سنتين و نص
زقينا العربية بس مش راضية تقوم خالص

واضح طبعا ان البطارية انتهت تماما و مش هينفعلها زق و يجب شراء واحدة جديد
ياريت لو حد يفيدنى من الاعضاء الاجلاء

[shidoo79]

ربنا يجازيك كل خير
وان شاء الله هعمل بكل نصائح حضرتك
هو الموتور مش خلصان بس اليكانيكى مش عارف اذا كان اد الموضوع ده
بالنسبة للموتور التسقيط بيبقى في حدود اد ايه و حضرتك تنصحنى ببطارية نوعها ايه ؟

[douha_wise]

ربنا يجازيك كل خير
وان شاء الله هعمل بكل نصائح حضرتك
هو الموتور مش خلصان بس اليكانيكى مش عارف اذا كان اد الموضوع ده
بالنسبة للموتور التسقيط بيبقى في حدود اد ايه و حضرتك تنصحنى ببطارية نوعها ايه ؟

جزانا و اياك كل خير

بالنسبة للموتور لسه اثنين من معارفى مسقطين موتورين جولف لسيارتين و الحمدلله الاثنين مبسوطين جدا و الموضوع تكلف شامل المواتير كاملة بفتيسها و ضفيرتها و كبالن استيراد و اظن ريداتير و بمصنعية الكهربائى و الميكانيكى حوالى 7 الآف جنيه بس طبعا انت لو موتورك فيه الرمق شويه ممكن يتباع أجزاء و يجيبلك مبلغ من الف فما فوق حسب شطارتك و اللى بيشترى منك

و برضه حاول تبحث عن ميكانيكى شاطر يمكن الموضوع يكون طقم شمبر و خلاص و بالمرة تغير كاوتش صباب و حاول تشترى حاجاتك من بتوع الفورد خاصة الشركة الإسلامية أو بدروسيان متشتريش من بتوع الصينى

بالنسبة لاحسن بطارية من وجهة نظرى هي بوش و بتكون صناعة اما المانى او اتحاد اوروبى بس سعرها معرفوش بالظبط بكام الان بس بطارية ممتازة و معمرة

و بالتوفيق

[shidoo79]

ربنا يجازيك كل خير و يكتر من امثالك المحترمين
ان شاء الله هشوف ميكانيكى كويس و يارب تتطلع على اد حاجات مش كتير
وهسأل على بطارية بوش
هو كان الميكانيكى كان قالى على بوجيه 16 سن قصير او قصير مش فاكر ايه بلظبط قالى ده هيعيش شوية ومش هيجى عليه زيت مش عارف الموضوع ده صحيح

[douha_wise]

ربنا يجازيك كل خير و يكتر من امثالك المحترمين
ان شاء الله هشوف ميكانيكى كويس و يارب تتطلع على اد حاجات مش كتير
وهسأل على بطارية بوش
هو كان الميكانيكى كان قالى على بوجيه 16 سن قصير او قصير مش فاكر ايه بلظبط قالى ده هيعيش شوية ومش هيجى عليه زيت مش عارف الموضوع ده صحيح

عموما انت حتى لو ركبت بوجيه سن قصير و مشى معاك شوية فاعمل حسابك انك كل ما بتتأخر على الموتور المشاكل بتزيد وو بالتالى المصاريف لما تعمر هتزيد ان شاء الله فعجل بالعمرة افضلك

[shidoo79]

توكلنا على الله و جزاك الله كل خير و يجعله في ميزان حسناتك