مقالب الشيرى a11

[ahmed2801]

امبارح وانا فى مشوار لاحظت ان المية بتنقص واللمبة الحمرا بتنور وقفت وزودتها وبعد ما مشيت شوية نورت تانى وزودتها وفضلت على كده لحد ما خلصت مشوارى وروحت.
سيبتها تبرد ورفعتها وزودت المية لقيت المية بتنزل ما بين الفتيس والماكنة من عند الفولام كده.
النهاردة ح ننزل الفتيس علشان نشوف المية جاية منين.
والله المستعان.

[ahmed2801]

تم بحمد الله تسقيط الفتيس وبالكشف وجد الثقب فى طبة بجانب البلوك كما هو موضح بالصورة



وتم لحامها با الايبوكسى.. ووجدت الاسطوانة جابت اخرها والبرشام إتاكل حرفه كما هو موضح بالصورة.
وتم تغير الاسطوانة وكذلك اويل سيل عمود الدركت واويل سيل مناول الفتيس وكاوتشة كوبلنج يمين داخلى
نضافة بالمرة ما دام فكينا.






وتم التركيب واالتجربة والحمدلله الحالة جيدة.
حبيت انقل لكم تجربتى مدعمة بالصور يمكن حد يستفيد منها.
وتقبلوا تحياتى

[Abo_Mazen]

مكنش في حل غير لحام الإيبوكسي ..؟؟؟

[Mecha]

يا باشا دي فريز بلج ,ولحمتها ايبوكسي ليه ؟؟؟؟ الايبوكسي لحام بارد لكن مش مانع تسرب ,لا مؤاخذه شغل عفش .الجوب مكنش ليها لزمه م الاول كان ممكن تحط بلوك سيل وتجرب والحاجه اللي ممكن تجيب ميه في الحته دي فريز بلج ,المهم انفتحت يبا تتعمل صح اي فريز بلج في الحته دي تتنطر ويتحط جديد . والاسطوانة مش وحشه .وطالما فتح اوي كدا مغيرش اويل سيل كرنك ليه والهيد اخباره ايه .الجوب دي هتتفتح تاني

[ahmed2801]

يا باشا دي فريز بلج ,ولحمتها ايبوكسي ليه ؟؟؟؟ الايبوكسي لحام بارد لكن مش مانع تسرب ,لا مؤاخذه شغل عفش .الجوب مكنش ليها لزمه م الاول كان ممكن تحط بلوك سيل وتجرب والحاجه اللي ممكن تجيب ميه في الحته دي فريز بلج ,المهم انفتحت يبا تتعمل صح اي فريز بلج في الحته دي تتنطر ويتحط جديد . والاسطوانة مش وحشه .وطالما فتح اوي كدا مغيرش اويل سيل كرنك ليه والهيد اخباره ايه .الجوب دي هتتفتح تاني

ما انا عارف يا استاذ Mecha انها فريز بلج... ولحام الايبوكسى شغال وكنت بعمله فى ماكينات الديزل وبيقطع ومش شُغل عفش ولا حاجة !!! وح يقطع ان شاء الله الى ان نفك للعمرة و الاسطوانة التيل وصل للبرشام ح نستنى لامتى وعامل دايرة على البرشامة المتاكلة... وانا عارف ايه اللى بعمله والموضوع انا نزلته للعلم فقط مش لابداء الرأى.
وشكرا لمرور حضرتك.

[محمد دسوقى72]

السلام عليكم ورحمة الله وبركاتة زميلى فكرة اللحام دى مش كويسة الافضل تغير طبة الميا ه الميكانيكى بيفورها وتجيب طبة جديدة نفس المقاس بلملى او تعملها عند خراط كويس والميكانيكى بيشحطها فى الموتور بشوية بوية ده الكلام بقى البلدى اللى كل الناس تفهمة واهم شى تنظف وتسنفر مكان الطبة وماتنساش البوية وشكرا

[hazoom2006]

الاسطوانه بكام وصينى ولا جبت نوع تانى
مصنعيه كام
ربنا يباركلك فيها

[Mecha]

ما انا عارف يا استاذ mecha انها فريز بلج... ولحام الايبوكسى شغال وكنت بعمله فى ماكينات الديزل وبيقطع ومش شُغل عفش ولا حاجة !!! وح يقطع ان شاء الله الى ان نفك للعمرة و الاسطوانة التيل وصل للبرشام ح نستنى لامتى وعامل دايرة على البرشامة المتاكلة... وانا عارف ايه اللى بعمله والموضوع انا نزلته للعلم فقط مش لابداء الرأى.
وشكرا لمرور حضرتك.

حضرتك استعملت الايبوكسي في بالضبط في الديزل ,وشكرا

[ahmed2801]

الاسطوانه بكام وصينى ولا جبت نوع تانى
مصنعيه كام
ربنا يباركلك فيها

معلش يا استاذ حازم اتأخرت عليك فى الرد... عندى رجة ف الطلعة غالبا من القواعد ولسه ما عملتهاش ... انا كنت شارى الاسطوانة والديسك والبلية من التوكيل من حوالى 3 سنيين ومش فاكر التمن كان كام ... وما فيش مصنعية انا اللى سقط الفتيس وركبته بعد ما غيرت الاويل سيلات التالفة على ايدى وعندى الخبرة والعدة الازمة.
وشكرا لمرورك.
والله الموفق.