أفيدوني افادكم الله

[hon81]

اوﻻ السﻻم عليكم
ثانيا انا عندى مشكلة فى حساس اﻻيدال وجبت واحد تانى زى القديم بظبط بس تقريبا بتاع ﻻنوس او بى واى دى علشان اانا سمعته بيقول للمعاه كده المشكله انى لما بركبه بيتفتح خالص كانه باظ وغيررته بواحد تانى من البياع وبرده بعد التركيب يتفك من بعضه البياع بيقول العيب فى العربيه ..
السؤال بقى معلش هو ممكن اختﻻف ماركة العربيه هو المشكلة وله الحساسات بتاعه المحل ده بيظه مع العلم ان القديم مش بيعمل كده خالص وانا كان معى القديم وقارنه كويس
ثالثا انا الموتور بيخلص انا بفكر اركب موتور جولف استراد .. الميكانيكي بيقول ﻻ نعمل عمرة افضل ونشترى خامات كويسه تكون المانى او اى حاجه غير الصينى وانشالله يرجعه زيرو ايه اﻻفضل.
ارجوا اﻻفاده من حضرتكم واسف على اﻻطاله جزاكم الله خيرا

[ahmed2801]

غيرة بالجولف افضل.

[hmpaca]

حساس الايدل فى منة نوعين صباع طويل لشيرى المانول وصباع قصير للاوتوماتك لو ركب اليدل القصير فى المانول بيطلع من بعض فدور على حساس الايدل المانول وقارنة بالقديم

[hon81]

شكرا جدا على التوضيح ا hmpaca جزاك الله خيرا

ا احمد شكرا للتعاون بس ارجوا توضيح اﻻسباب

[ahmed2801]

شكرا جدا على التوضيح ا hmpaca جزاك الله خيرا

ا احمد شكرا للتعاون بس ارجوا توضيح اﻻسباب

حضرتك ممكن تعمل عمرة بس تشترى قطع الغيار بنفسك وتقف على ايد الميكانيكى وتكون فاهم هو بيعمل ايه والبلوك بالكامل من بساتم وشنابر وخلافه بلوك فورد اسكورت كاربوراتير 1999 ح تشترى حاجاته من عند بتوع الفورد بنفسك وما تكونش صينى لو ح تقدر ويكون عندك الوقت والخبرة ... اعمل عمرة.
لو ما تقدرش اشترى موتور جولف وريح دماغك.
هى دى الاسباب وانت صاحب الاختيار والقرار.

[hon81]

شكرا جدا ا احمد وانا فعلا ناوى اشترى الحاجات بنفسى وتكون المانى او اى حاجه غير الصينى وطبعا واقف معه وهو بيركب بس كنت عايز اتاكد انى لو عملت كده مش هكون بصرف على الفاضى علشان فى ناس بتقول الماتور مش ينفع معه عمرة رائ حضرتك ايه

[ahmed2801]

شكرا جدا ا احمد وانا فعلا ناوى اشترى الحاجات بنفسى وتكون المانى او اى حاجه غير الصينى وطبعا واقف معه وهو بيركب بس كنت عايز اتاكد انى لو عملت كده مش هكون بصرف على الفاضى علشان فى ناس بتقول الماتور مش ينفع معه عمرة رائ حضرتك ايه

والناس اللى قالت ما ينفعش معاه عمرة ما قالتش لييه .
انا اسف انا ما اقدرش افيدك انا ما عملتش عمرة للموتور ده قبل كده انا نقلت لك تجربة اللى عمل عمرة بس الناس اللى عملت عمرة هنا ف المنتدى معظم العيوب اللى عندها عيب ميكانيكى فى التقفيل علشان كدة بقولك تقف على ايده وتكون عارف هو بيعمل اية.
وياريت واحد من اللى عملوا عمرة يدخل ويقول رأية فى الموضوع ده.

[hon81]

اوﻻ شكرا ا احمد على اهتمامك والرد
ثانيا اللى بيقول مينفعش فيه عمره علشان موتور صينى والخامات الصينى اما بالنسبه للميكانيكى فباذن الله هيكون محمد الليثى بتاع الزاويه وده ناس كتير فى المنتدى بتشكر فيه وانا شخصيا عملت شويه حاجات بسيطه عنده بس شايف انه عارف العربيه كويس والبدائل
وانا حابب استشير كويس قبل ما اعمل حاجه علشان انامن 6 اشهر عملت طقم شنبر فى الحرفيين وبخامات من محل صقر وميكانيكى تبعه منهم لله بوظت العربيه خالص كانت افضل بكتير قبل الطقم ومصاريف على اﻻرض
واسف لﻻطاله