مشكلة مش عارف سببها

[emam]

اولا : كل سنه وكل احبائنا فى نايل موتورز بخير وبصحة جيده - واخص بالذكر اخى م. احمد وأ. ممدوح - وكل اخوتى فى منتدى الشيرى

المشكلة تتلخص فى ان العربية بتعمل حركة غريبة الا وهى انها بتاخذ وقت طويل عبال متدور وحركة المارش سريعة يعنى مش بطارية او مارش بتبقا عمله زى متكون بتحضر بنزين ولو حاولت ادورها اثناء النهار او مشيت بيها شوية وركنتها نصف ساعة مثلا وقبل متبرد دورتها متدورش علطول - لكن اقل من كدة بتدور من غير مشاكل وكمان الصبح بتدور علطول عادى من غير ما ادوس بنزين يعنى برده مش طرنبه بنزين , الكهربائى كشف عليها على الكمبيوتر مفيش مشكلة فى الحساسات مش عارف ايه المشكلة . بفكر اغير حساس الكرنك وحساس الكامة واشوف النتيجة بس خايف متطلعش المشكلة منهم مش عارف رايكم ايه ؟

[adhamnor]

طلمبه البنزين

[pepo2011]

شوف لو حساس الكرنك او الككامة كويسين شوف البوبينة

[emam]

لو طرنبة بنزين متهيالى كانت عملت كدة الصبح ولا الطرنبة لما بتسخن بتعمل كدة الثانية ؟ وموضوع البوبينة دة متهيالى معنديش بوبينة يا استاذ بيبو

[pepo2011]

اه تمام بس في جزء بيقوم بوظيفة البوبينة زي حساس او كنترول صغير وطرمبة البنزين اه تعمل كده ممكن تسخن تقطع

[mohamed sedaa]

الوقت اللي العربيه بتبقي صعبه ف الدواره فك بوجيه واحد ووصلوا ارضي و دور العربيه . لو في شراره يبقي الحساسات سليمه لان الكومبيوتر مش هيدي امر اشعال الا لو جايلو اشاره من الحساسات.

[emam]

الوقت اللي العربيه بتبقي صعبه ف الدواره فك بوجيه واحد ووصلوا ارضي و دور العربيه . لو في شراره يبقي الحساسات سليمه لان الكومبيوتر مش هيدي امر اشعال الا لو جايلو اشاره من الحساسات.

هعملها وربنا يسهل بس يا ترا اى بوجيه ولا رقم معين

[mohamed sedaa]

اي واحد .
استبعد طلمبة البنزين لأنها غاطسة في التنك مش هتسخن.

[douha_wise]

كل عام و الجميع بخير
اخى امام لو كانت بتاخد وقت فى الدوارة و لما تدور و تروح مشوار و بعد كده تيجى تدورها تغلبك تانى و هكذا يبقى الاحتمال الاكبر حساس كرنك فابتدى به هو الاول و رنا ييسرلك امرك

[emam]

اشكرك اخى ممدوح على مشاركتك . انا برده تفكيرى رايح على حساس الكرنك هغيره وربنا يسهل .

[hmpaca]

حساس كامة