استلمت الانفي 2017 الحمد لله

[pido132]

الحمد لله انهردا استلمت الانفي لونها دهبي
انا مش هزيد عن كلام الاعضاء الي شرحهم وافي جدا
مواصفات العربيه سريعا
سعه الموتور: 1.5 سي سي 108 حصان
الباور: كهرباء
الفرامل: abs+ebd
الجنط: R15
الكاوتش: R15-195-55 و نوعه GT
الكاسيت:CD+USB يوجد عدد اتنين سماعه
مفيش ايرباج ولا مالتي فانكشن
التكييف:جيد جدا
الزجاج الخلفي و الجانبي فاميه
الصالون ما شاء الله واسع و مريح في عقدته
نور العربيه ما شاء الله حلو
جكمي علي العربيه انها ما شاء الله حلوه دا راي المبدئي
وربنا يسترها معانا و معاكم

[رامي مصطفى]

الف الف مبروك .ربنا يرزقك خيرها ويكفيك شرها
سعرها وصل كام دلوأتي؟

[Mohamed Desoky]

انشاء الله اختيار موفق الشيرى سمعتها كويسه واكبر واحسن شركه صينيه الف مبروك

[S O P H O S]

الف مبروك يا باشا

[Mohamed Desoky]

ياريت تعمل لينا تقرير فى صيانة الالف الاولى عن التوكيل وخدماته والعربيه واحساسك بس بعد الالف كيلو و ياريت تعرفنا رحلتك فى شراء الانفى من اولها حتى الاستلام منتظرين موضوعك وربنا يبارك فى السياره وكل عام وانتى بخير

[pido132]

الف الف مبروك .ربنا يرزقك خيرها ويكفيك شرها
سعرها وصل كام دلوأتي؟

الله يبارك فحضرتك
سعرها وصل ل ٩٧٠٠٠ من المصريه

[pido132]

انشاء الله اختيار موفق الشيرى سمعتها كويسه واكبر واحسن شركه صينيه الف مبروك

الله يبارك فحضرتك
اتمني ان الاختيار دا يكون موفق
و انا شايف ان هي من الشركات الصيني الكويسه

[pido132]

الف مبروك يا باشا

الله يبارك فحضرتك

[pido132]

ياريت تعمل لينا تقرير فى صيانة الالف الاولى عن التوكيل وخدماته والعربيه واحساسك بس بعد الالف كيلو و ياريت تعرفنا رحلتك فى شراء الانفى من اولها حتى الاستلام منتظرين موضوعك وربنا يبارك فى السياره وكل عام وانتى بخير

الله يبارك فحضرتك
ان شاء هعمل تقرير بعد صيانه الألف علي طول و هحكي كل حاجه ان شاء الله

[ARKOON]

الف مبروك العربية يا فندم واهنيك على اختيار اللون الذهبي جميل جدا :)
تحياتي .

[pido132]

الف مبروك العربية يا فندم واهنيك على اختيار اللون الذهبي جميل جدا :)
تحياتي .

الله يبارك فحضرتك
هو بصراحه حلو جدا شوفته و انا رايح المعرض كانت فعربيه انفي لِسَّه جديده فعجبني جدا
و كمان انا بقيت اكره الألوان الغامقة لان كان معايا فيرنا نبيتي و كنت بعاني معاها بسبب التراب كان بيبقي شكلها وحش جدا

[ARKOON]

فعلا الالوان الغامقة مشكلة ومتعبة في تنضيفها .
احكيلنا تجربتك مع الانفي

ما السبب وراء اختيارك - لحظة دخولك للمعرض الى لحظة استلامك للسيارة - اول تجربة قيادة للسيارة .

وأي استفسار عن السيارة تفضل وانا في الخدمة .

[pido132]

فعلا الالوان الغامقة مشكلة ومتعبة في تنضيفها .
احكيلنا تجربتك مع الانفي

ما السبب وراء اختيارك - لحظة دخولك للمعرض الى لحظة استلامك للسيارة - اول تجربة قيادة للسيارة .

وأي استفسار عن السيارة تفضل وانا في الخدمة .

السبب وراء شرائي للسياره :
السعر مقابل مواصفات السياره الي هي مش اوفر اوي يعني انا كنت حاطط اللوجان و اللي وأي دي ال ٣ بس اول عربيه خرجت من الحسابات كانت اللوجان بسبب السعر و المواصفات بتاعتها و قطع غيارها الغاليه اوي
و آلبي واي دي مرتحتش ليها خالص مش عيب ف ألعربيه بس محتش بارتياح نهائي و الأنفي كانت مع واحد صاحبي و بيشكر فيها جدا و عمره ما اشتكي منها خالص فقررت أني اشتري الأنفي لانها الاحسن سعراً مقابل مواصفتها
لحظه استلامي للسياره :
انا مش عايز أقولك ان قلبي كان ف رجلي و حاسس اني اول مره أسوِّق كنت خايف جدا ليه معرفش كان نقس إحساسي و انا يستلم ألعربيه الي قبل دي (فيرنا) غير اني كنت فرحان جدا

تجربه القياده:
ألعربيه ناعمه و سلسه بس العفشه ناشفه شويه
العزل فيها جيدجدا التكييف رائع واسعه مريحه فقعدتها
لِسَّه بردوا مجرتش بيها عشان اشوف قوه الموتور و بردوا الفرامل لِسَّه مجربتهاش ف الطوارئ

بس انا عايز اسأل حضرتك سوْال هي فعلا بتاخد خمسه لتر زيت و ليه

[ARKOON]

فعلا العربية value 4 money وسعرها فيها
موضوع العفشة دا تصميمها كدا ومع الوقت هتتعود عليه ونظام التعليق المالتي لينك جميل جدا بس انا مش عاووز ادخلك في تفاصيل كتيرة دلوقتي ع الاقل وبالنسبة لقوة الماتور بعد ال 5000 كم هتبدا تحس بيها الفرامل في الاول لسة بتطبع على العربية وبردو مع مرور الالف كم هتبدا تتظبط وتعمل صيانة الالف خليهم يشيكوا على فرامل اليد ويتعمل رجلاش ليها عشان بتكون سايبه شوية وفرامل abs انتا هتحس بيها مع الوقت العربية فعلا فراملها جميلة جدا وتسعف في المواقف الطارئة .
اما بالنسبة للزيت مين قالك انها بتاخد 5 لتر ؟؟؟!!!!!
عاوز رأيي الشخصي للمعلومة فقط انا عارف ان العربية بتاخد 4 لتر بالفلتر بس مع التوكيل الجميل بيحاسبني على 5 وانا منفض الصراحة مش عاوز اصدع نفسي :) في فرق لما يضحك عليك وانتا عارف ومطنش بمزاجك وفرق لما حد يكون بيشتغلك :P بس نصيحتي خلك مع التوكيل دلوقتي لغاية ما تزهق منهم ومن حوارتهم وتبقى عاوز تتصرف بنفسك انا هقولك على كل الحلول والبدائل للعربية وطريقة الصيانة كمان لو حبيت .

[ARKOON]

بس انا عايز اسأل حضرتك سوْال هي فعلا بتاخد خمسه لتر زيت و ليه؟

الرد الرسمي : نعم خمسة لتر موبيل لزوجة 0w40
4.5 + 0.5 للفتر
السبب ان البيستم كبير .