مطلوب رؤية صورة عربية انفى 2017 نبيتى للأهمية

[engphp]

محتاج اشوف عربية انفى لونها نبيتى لانى مش عارف شكلها اية فى اللون دة

ممكن لو حد عنده اللون ده يرفع صورتة هنا ضروروى لانى عايز اشوف شكلها فى اللون دة

و اية احلى لون

عاجبنى الفيرانى

لكن مشفتش الذهبى و النبيتى

شكرا ليكم

[tasaka]

دى الصور اللى علىموقع شيرى مصر .. بس شكلها رسومات موش الوان طبيعيه
رابط الموقع
Chery Egypt

و ده ررابط تحميل البروشور

http://cheryegypt.com/files/Chery-Envy-Cat.pdf

مفيش غير اللونين دول على الموقع ( مفيش صور ذهبى )

[tasaka]

لو كل الحاجات المكتوبه فى البروشور موجوده .. تبقى حلوه لانكم بتقولوا سعرها اقل من 100 الف

[Mohamed Desoky]

لو كل الحاجات المكتوبه فى البروشور موجوده .. تبقى حلوه لانكم بتقولوا سعرها اقل من 100 الف

تسلم ايدك صور جميله فعلا وفى كمان اللون الفضى فى معرض غبور فى الشيخ زايد وفعلا غبور عامل عرض لو حجزة خلال شهر رمضان 99 الف انا سئلت المعرض بنفسى وانا راجع من الشغل والف شكر على الصور

[S O P H O S]

لو لون خليك فالفيراني شيك جدا
واحلي لون لقدام

[رامي مصطفى]

البرونزي اجمل لون
شفتها في غبور المنصوره جميله

[Mohamed Desoky]

موضوع لون السياره دى ازواق فى ناس بتحب الاسود وناس بتحب الفضى علشان سهل فى النضافه وانا بحب الفيرانى شكله بيعجبنى فى الاول والاخر دى ازواق وربنا يوفقك الجميع

[Mohamed Desoky]

اللون النبيتى شوفتها متحمله على الكونتر 4 تيجو نبيتى و4 انفى نبيتى يبقى اللون النبيتى بدء فى الانتشار وياريت الناس تشترى من غبور مباشر احسن من المعارض وتختار اللون اللى بتحبه ؟

[Mohamed Desoky]

النبيتى شوفتها اليوم عند جار جديد بصراحه اللون مش حلو الاسود جميل جدا والفضى ده مجرد راى ؟

[ARKOON]

الاسود جميل بس في مصر بيتبهدل بسرعة افضل لون الفضي او الجراي

[Mohamed Desoky]

الاسود جميل بس في مصر بيتبهدل بسرعة افضل لون الفضي او الجراي

ايه الجراى ده يااركون ممكن تعرفنى احسن حد يقول عليه مش فاهم فى الالوان وله الجراى ده حاجه جديده ؟؟؟؟؟؟؟؟؟؟

[ARKOON]

gray color
دا لون يا صديقي مش بيتبهدل بسرعة زي الاسود

[ARKOON]

مع العلم ان العربية متوفرة ب 10 الوان :) زاد لونين عن ابو الفتوح .
ويبقى الاسود ملك الالوان بس عاوز عناية خاصة وجراج عشان مش يتبهدل من التراب وعفرة العربيات وقطؤات الندى وقت الصبح وبعدين تلزيقت التراب على الندي ههههههه حاجة متعبة بصراحة اللون الاسود وايضا اللون الكحلي ممتاز وجميل في العربية .

[Mohamed Desoky]

gray color
دا لون يا صديقي مش بيتبهدل بسرعة زي الاسود

نورت المحكمه انا بسئل المدام ايه الجراى ده قلتلى زى اللحمه المشويه على الفحم قلتلها كتر خيرك روحى اسلقى بيض للسحور ؟افهم من كده انه اسود مطفى ؟قلى كلام بسيط علشان افهم احسن عقلى خارج الخدمه من مده كبيره ؟

[Mahmoudyoussef]

يا جماعه ممكن حد يفهمني ايه الفرق بين أنفي ٢٠١٦ و أنفي ٢٠١٧ من حيث الشكل والتجهيزات والكماليات وازاي افرق بينهم