شراء تيجو ٢٠١٧

[LinuxMan]

السلام عليكم ورحمة الله
بعد بحث طويل اخذت قرار لشراء سيارة تيجو ٢٠١٧ المفترض اني اروح اتفرج عليها في المعرض بشكل نهائي وادفع الفلوس قبل العيد ان شاء الله


ارجو مساعدتكم في الآتي:-
١- هل شراء سيارة تيجو بالسعر الجديد ١٥٦٥٠٠ جنيه ده قرار صائب ولا مجنون
٢- ان شاء الله ناوي اشتري من غبور اللي في الميرغني بالسعر الرسمي بس معنديش خبره في شراء السيارات الزيرو فهل في نصائح يعني مثلا هل بيكون في فصال في السعر او ممكن يوجب معايا في ايه؟
٣- هل ممكن احجز العربية بمبلغ بسيط واستلم بعد شهرين بنفس سعر السيارة وقت الحجز؟

[Mohamed Desoky]

السلام عليكم ورحمة الله وبركاته زميلى العزيز اولا التيجو سياره ناجحه جدا وليها سمعه طيبه فى السوق من سنين فاتت واهم حاجه حاصله على موافقة الاتحاد الاوربى فى اختبارات التصادم متقدمه على شركات كبيره واسماء سيارات مشهوره نفس الفئه دى جزء ؟اما موضوع الاسعار دى حاجه مش مضمونه حتى لو حجزة والسعر زاد كل التوكيلات بتحمل المشترى فرق السعر لا تتردد ولا تندم التيجو حلوه جدا وانا بحلم انى اجبها بس ربنا يسهل عربيه مناسبه لشوارعنا البايظه توكل على الله واستلم لان ممكن الاسعار تتحرك بعد رمضان وانتى عارف ان اللى بيغلى فى بلدنا عمره مابيرخص لا يمكن توكل على الله والتيجو الوكيل اكبر واحد فى البلد غبور يعنى اوعى تخاف لان الشيرى قادمه والهيوندا تموت تدريجيا وغبور منزل 2 موديل من الشيرى وباقى 22 موديل اشكال والوان اتوبيسات على ميكروباص على نقل وفئات كتير ملاكى ؟وربنا يوفقك

[LinuxMan]

شكرا جزيلا استاذ Mohamed Desoky الله المستعان

[abo_salah]

بالنسبه لسؤال حضرتك شراء سياره تيجو 2017 بالسعر الجديد 156.500 صائب او مجنون ..
هاسال حضرتك سؤال بسيط جدا ...
هو في عربيه تانيه محترمه بسعر اقل من كده d: ؟؟؟
اللوجان داخله علي ال 155
الصني ضربت فوق ال 155
السوزوكي سياز من شهرين كانت ب 154 ( اللي هي اصلا كانت نازله ب 120 تقريبا من كام شهر ) بس بعد الطلب الرهيب عليها سعرها نط 35 الف تقريبا في كام شهر
يبقي ليه سعر التيجو جنون d: ؟؟

عربيه عاليه ..
صاج ناشف جدا لو هاتقارنها بالصني او باللوجان او باي عربيه تانيه موجوده دلوقتي
اوبشن كتير جدا
صالون واسع
شنطه كبيره
موتور محترم 126 حصان اتوماتيك cvt
مثبت سرعه
فتحه سقف
توكيل محترم سواء غبور او ابو الفتوح
الصيانات بتاعتها اسعارها تعتبر عاديه بالنسبه لاسعار صيانات باقي العربيات
لو عايز تشتري قطع غيار من بره هاتلاقي ناس كتير جدا شغالين فيها
وممكن تركب لها قطع غيار rav4 الياباني
في ايه تاني d:
اشتريت ولا لسه p:

[ARKOON]

التيجو عربية محترمة تتفوق على الكريتا ام 228 الف
عربية احسن ب 157 ونفس الوكيل وناجحة في السوق وفيها كل الاوبشن الى انتا محتاجة .
وربنا يوفقك في اختيارك .

[ARKOON]

قارن بنفسك
هونداي كريتا 228 الف
وشيري تيجو 157 الف
التيجو تتفوق :)

[رامي مصطفى]

ربنا يوفقك للخير

[Mohamed Desoky]

قارن بنفسك
هونداي كريتا 228 الف
وشيري تيجو 157 الف
التيجو تتفوق :)

الهونداى كريتا دى بسمع ان فيها مشاكل كتير وطبعا كلها شغل مصنع الهند الغير محترم ودايما الصناعه الهندى فشله فى كل مجال عكس الصناعه فى الصين كل اللى انتى عايزه واكتر عايز عربيه فاخره موجود عايز عربيه لعبه برضه موجود العالم كله لايستغنى عن طبق صينى فى اى بيت فى الدنيا علشان كده التيجو تكسب وسط اسماء الكبار النيسان قشقاى والجوك وفضيحة الفيتيس المشهوره على مستوى العالم ؟؟؟؟؟؟؟؟؟؟؟ الاسماء الكبيره تتساقط واحد ورا واحد والتيجو مش علشان سعرها ارخص تبقى وحشه لا سياسة الصينى الانتشار السريع وبيع اكتر تكسب اكتر التيجو صفقه ناجحه للجميع ؟

[eljafari]

انا زيك ناوي اشتري الاسبوع الجاي العربية عجباني لكن خايف من انها صيني وسعرها عالي ممكن يجيب حاجات تانية بس صراحة شايف فيها مزايا كتيرة

[LinuxMan]

السلام عليكم
شكرا لكل الناس اللي ردت وبتشجعني اني اشتري التيجو :)
ان شاء الله ربنا يوفقني لسعر كويس وياريت الناس اللي اشتريت خلال الشهر ده تقولي اشترت بكام

انا زيك ناوي اشتري الاسبوع الجاي العربية عجباني لكن خايف من انها صيني وسعرها عالي ممكن يجيب حاجات تانية بس صراحة شايف فيها مزايا كتيرة

حضرتك متقلقش من الصيني في حاجات كتير صيني ومحترمة جدا .. كان معايا اخت التيجو الصغيرة a113 وكانت تحفة بعتها لصغر حجم الشنطة فقط

[salam100100]

[QUOTE=abo_salah;3876083148]
السوزوكي سياز من شهرين كانت ب 154 ( اللي هي اصلا كانت نازله ب 120 تقريبا من كام شهر ) بس بعد الطلب الرهيب عليها سعرها نط 35 الف تقريبا في كام شهر

السياز على كونتاكت كارز ب175000 جنيه
دا سعر وهمى- هيودى العربيه فداهيه- وهىيقلل مبيعاتها- ياريت يراجعوا اسعارهم

[Mohamed Desoky]

[QUOTE=salam100100;3876083681]

السوزوكي سياز من شهرين كانت ب 154 ( اللي هي اصلا كانت نازله ب 120 تقريبا من كام شهر ) بس بعد الطلب الرهيب عليها سعرها نط 35 الف تقريبا في كام شهر

السياز على كونتاكت كارز ب175000 جنيه
دا سعر وهمى- هيودى العربيه فداهيه- وهىيقلل مبيعاتها- ياريت يراجعوا اسعارهم

طيب ما السيزوكى بتصنع فى الهند وياريت محدش يقول صناعه يابانى لان اليابان بتصنع على ارضها الهوندا والسوبارو وليكزس وانفنتى وباقى العائله خارج اراضيها وكمان المنتجات دى بتصدر لاوربا والخليج والدرجه التانيه او البواقى لمصر انا شايف ان التيجو افضل من جميع النواحى سعر ووكيل قوى وقطع غيار متوفره داخل التوكيل وخارجه وسعر اعادة البيع كويس جدا مش بتخصر كتير مع ان المفروض اللى بيشترى اى عربيه زيرو مايفكرشى فى البيع غير بعد 5 سنوات لما ياخد خرها وبعدها يحلها ربنا مفيش حدضامن عمره لحظه مش 5 سنين ؟

[د.محمود صلاح]

بالسعر ده مافيش بديل ..
عيبها مافيهاش مرايات ضم ..
لكن كل حاجة فيها متوفرة

[dr_haitham79]

التيجو اختيار محترم اشجع حضرتك عليه
ورأيي وسط اسعار العربيات الحالية:
سعرها عادل

ممكن تجيبها ارخص من التوكيل حوالى الفين ونص
من معارض الملك للسيارات
عندهم ب154
اتأكد من المصاريف اللى حوالين البيع لايكونو بيعوضوها بحاجة تانية مثلا عشان معنديش فكرة.

[Mohamed Desoky]

التيجو اختيار محترم اشجع حضرتك عليه
ورأيي وسط اسعار العربيات الحالية:
سعرها عادل

ممكن تجيبها ارخص من التوكيل حوالى الفين ونص
من معارض الملك للسيارات
عندهم ب154
اتأكد من المصاريف اللى حوالين البيع لايكونو بيعوضوها بحاجة تانية مثلا عشان معنديش فكرة.

افضل اختيار التيجو