استلام تيجو ٢٠١٧ و التقييم المبدئي

[LinuxMan]

السلام عليكم
استلمت العربيه تيجو ٢٠١٧ نبيتي من معرض AMG.
تقييم العربية
الصاج محمل جدا
الخامات المستخدمة في التابلوه سيئة والتقفيل ردئ جدا
الزجاج من مصنع امان
صوت الموتور هادئ وناعم
السحب كويس
فعلا مش بتحس بنقلات بنقلات الجيربوكس CVT
السيارة ثابته ولكن هاكد علي النقطة دي تاني لاني متجاوزتش سرعة ١٠٠كم/س طبقا لتوصيات التوكيل
حجم الشنطة مناسب جدا لاسرة كبيره
حجم السيارة من الداخل اصغر من المتوقع عند رؤية السيارة من الخارج
الباور استيرنج تقيل نسبيا بالمقارنه بالكوري
باب الشنطة مش عملي يعني لو حد راكن وراك مش هتعرف تفتحه

انا عملت ٧٠٠ كيلو الي اليوم من يوم الاستلام وان شاء الله هعمل صيانة الالف كيلو في ابورواش الاسبوع القادم.

اي نصائح خصوصا فيما يتعلق بالزيت G-Energy اللي غبور بيستخدم؟
حد استلم دليل المستخدم الخاص بالسيارة؟ .. المعرض قالي التوكيل مسلمهوش

[د.محمود صلاح]

كنت هشتريها وتراجعت بسبب عدم وجود المرايات الضم ..

عاجبني فيها المكيف بشاشة ولوحة العدادات الجميلة و تاريخها الطويل في مصر يعطيها اعتمادية وثقة ..

السيارة منتشرة ايضا في الخليج

[Mohamed Desoky]

السلام عليكم ورحمة الله وبركاته الف مبروك وربنا يبارك ويستر طريقك ويديك خيرها ؟طبعا كلنا عارفين تاريخ التيجو من 2008 حتى اليوم مفيش حد من ملاك التيجو اشتكو من عيب كبير يعيب السياره كلها حجات بسيطه زى باب الشنطه تقريبا كل العربيات اللى الاستبن متعلق فى باب الشنطه ؟زى الباجيرو والتويوتا باترول وعربيات تانيه كتير المهم انتى افرح بلعربيه واستمتع بيها وحافظ عليها التيجو حلم بجد نفسى اجبها وكل عام وانتى بخير ؟

[رامي مصطفى]

الف الف مبروك
عايزين لفه او عزومه
وترد ماتعملش مش واخد بالك.ههههه

[ARKOON]

الف مبروك العربية وربنا يعطيك خيرها ويكفيك شرها :)
اي نصائح خصوصا فيما يتعلق بالزيت G-Energy اللي غبور بيستخدم؟
الزيت دا في مصلحة اكبر لغبور ..
لكن كفاءة كلها زيوت عادية شيل موبيل انرجي مش فارقة كتير اهم شئ لزوجة ومستوى الخدمة حسب كاتلوج السيرفس .

[LinuxMan]

بارك الله فيكم جميعا
وعنينا ليك ا/رامي شوف

[hugan]

الف مبروك ربنا يبارك لك فيها
انا بس معترض علي نقطه الخدمات السيئه
بالعكس جيده جدا افضل من الموديل السابق في التقفيل بمراحل
وماتنساش ان فئتها الكوري مش الياباني
ولا الاوروبي بتباع ب٣٠٠ الف جنيه

[S O P H O S]

مبروك عربية جميلة

[dr_haitham79]

الف مبروك على العربية وربنا يكرمك بيها
عربية محترمة وثابته نفسها فى مصر.

[ahmad--ezzat]

الموتور صناعه ايه ؟