اول مرة اشترى عربية (انفى 2017).. ايه الاجراءات؟؟

[Mfarouk40]

السلام عليكم يا شباب..

انا اول مرة اجيب عربية فى عايز اعرف اعمل ايه من نحية الاجراءات والترخيص وكده.. وكمان من الناحية الفنية اللى هو اسوق عادى ولا معديش ال100 ومشغلش التكييف لحد امتى ؟ ولا الكلام ده بقى قديم؟؟

ولو اى نصايح تانية اعمل ايه؟؟

كمان العربية اللى انا استقريت عليها هى الشيرى انفى 2017 ياريت برضه تقولولى رأيكم فيها طبعا مقارنة بسعرها..


شكرا لحضراتكم.

[ahmed.biso13]

اولا مبروك عليك
ثانيا زود الطلبات فى المعرض اللى هتجيب منه
زجاج فاميه للاربع ابوبا عشان التكييف والزجاج الخلفىوعشان تقدر تثبته على الرخصة لانه بعد ذلك لاينفع
ويبقى مخالفة و طقم زينون للكشافات الكبيرة والشبورة وذلك بمعرفة التكيل عشان ماتخرجش من الضمان
ثالثا فرش غطاء كسوة للكراسى عشان تحافظ عليها وفروة امامى وخلفى عشان الشمس متاكلش التابلوه الامامى والخلفى ومعطر عشان التكييف
رابعا رخص 3 سنوات بالضريبة والفحص عشا ن تريح دماغك لمدة 3 سنوات من موضوع التراخيص
خامسا التكيف يفضل استخدامه واتا على طريق سريع عشان ماتتعبش العربية بس لو معاك اطفال خليك مشغله
لان اولادك اهم
سادس اذبح عليها حاجة لله عشان العين وعشان ربنا يكيفك شرها

[theman]

السلام عليكم يا شباب..

انا اول مرة اجيب عربية فى عايز اعرف اعمل ايه من نحية الاجراءات والترخيص وكده.. وكمان من الناحية الفنية اللى هو اسوق عادى ولا معديش ال100 ومشغلش التكييف لحد امتى ؟ ولا الكلام ده بقى قديم؟؟

ولو اى نصايح تانية اعمل ايه؟؟

كمان العربية اللى انا استقريت عليها هى الشيرى انفى 2017 ياريت برضه تقولولى رأيكم فيها طبعا مقارنة بسعرها..


شكرا لحضراتكم.

الف مبروك بس عايز اعرف سعرها كام تسليم فوري وحضرتك هتجيبها من انهي معرض ؟

[Mohamed Desoky]

الف مبروك بس عايز اعرف سعرها كام تسليم فوري وحضرتك هتجيبها من انهي معرض ؟

فى معرض غبور الشيخ زايد موجوده والتسليم فورى انا ساكن جامب المعرض والعربيه سعرها 100 الف وربنا يستر ومتغلاش هيا كمان ؟

[Mohamed Desoky]

السلام عليكم يا شباب..

انا اول مرة اجيب عربية فى عايز اعرف اعمل ايه من نحية الاجراءات والترخيص وكده.. وكمان من الناحية الفنية اللى هو اسوق عادى ولا معديش ال100 ومشغلش التكييف لحد امتى ؟ ولا الكلام ده بقى قديم؟؟

ولو اى نصايح تانية اعمل ايه؟؟

كمان العربية اللى انا استقريت عليها هى الشيرى انفى 2017 ياريت برضه تقولولى رأيكم فيها طبعا مقارنة بسعرها..


شكرا لحضراتكم.

السلام عليكم ورحمة الله وبركاته الانفى اختيار جيد جدا نظرا لظروف السوق الحالى المتفلب والانفى احسن من الفيرنا والانوس لانهم نفس الفئه والانفى افضل من حيث القوة والمتانه وحاصله على موافقه الاتحاد الاوربى للتداول وحاصله على درجه متقدمه على الكورى فى اختبارات التصادم الاوربيه والفيديوهات موجوده على اليوتيوب ؟يعنى انتى جايب عربيه امان وشكل وفخامه ومحرك اسكورت 480 قوى جدا خصوصا فى الطرق المفتوحه والمسافات الطويله موفر جدا فى البنزين والصالون الداخلى فخم جدا وعربيه على اد اليد وكمان ضمان غبور وخلى بالك الانفى موجوده فى مصر من 2011وقطع غيارها متوفره خارج التوكيل ؟؟؟؟؟؟؟؟؟؟؟اما الترخيص مفيش اى مشاكل بتاخد ورق الافراج الجمركى وجواب التوكيل وعلى المرور وهناك هتعرف كل حاجه لانك جايب زيرو ولا فحص ولا مهندس ولا شاى كله زيرو مفيش كلام ؟وسوق على مهلك سوق انتى هتمشى الف كيلو الاولى وتروح على التوكيل تعمل صيانة الالف المجانيه وبعد كده براحتك وبعدين شغل التكييف عادى حتى لو لسه مستلمها من المعرض المحركات دلوقتى ؟دور الموتور وامشى وافرح بعربيتى واستمتع بريحة الزيرو المميزه واتفسح وسيبك من اى كلام افرح وحافظ على عربيتك تحافظ على جيبك ؟

[Sherif78]

عربية ممتازة فعلا بس لو ممكن شوية تفاصيل أكتر عن المحرك أستاذ دسوقى

[Mohamed Desoky]

عربية ممتازة فعلا بس لو ممكن شوية تفاصيل أكتر عن المحرك أستاذ دسوقى

على حسب معلوماتى انه محرك اسكورت 480 تكنولوجى شركة فورد 16صباب 115 حصان وقطع الغيار بعضها يركب عليها فورد اسكورت القديم موديل 99 بعضها مش كلها وكمان الموتور زى اللى عندى فى الشيرى a15 نفسه بظبط بس عندى 8صباب وفى الانفى 16 زى السيور والبلى والكاتينه طلمبة مياه فاتر زيت شوية حجات تركب على بعض وبقول لحضرتك انا الموتور عندى مشاء الله السحب بتاعه غول والعربيه بتجرى بعد 170 وانا محمل ناس كمان والبنزين استهلاكه فى ال 100كيلو متر سريع مابين 7 او 8 لتر وبلتكييف كمان وفى معلومات كتير عن الانفى على اليو تيوب على الموقع الروسى شيرى e5 لان الاسماء هناك مختلفه حتى العربيات هناك جميع الكماليات فى روسيا تخيل ان الكراسى الانفى هناك كهرباء ومرايات ضم فيها كل حاجه حتى التيجو الجديده دفع رباعى غير اللى فى مصر خالص على العموم الف مبروك وربنا يبارك فيها ويسترها عليك وعلينا ياعم شريف ؟

[Ahmed Gamaal]

احمد بيه
هو انا ممكن اطلب طلبات زي دي من المعرض
انا ناوي اشتري
ارجو الافادة وشكرا