تقييمكم للشيرى انفى

[Abdallah Reda]

السلام عليكم ورحمة الله وبركاته

اولا كل سنة وانتو طيبين وعيد سعيد عليكم جميعا

ثانيا انا كنت عايز اعرف تقييمكم للسيارة شيرى انفى الى بدأت تنتشر بشكل ملحوظ

عايز تقييمكم ليها بكل حيادية من حيث مميزاتها وعيوبها لانى سمعت ان فيها مشاكل خبط وترزيع فى العفشة الامامية وكركرة فى الموتور عند المطالع !

وانا بصراحة مليش خبرة فى العربيات اوى ومعايا فيات 128 فمعرفش اى حاجة عن الجديد ومش هقدر اقيم هل هى كويسة وتستحمل ولا لا فمحتاج ارائكم فيها

[egyptiandiver]

أنا كمان معرفشي أي حاجة عن الانفي... لكن أكيد هتكون أفضل من ال-128 إلي خدمت عمر. لكن أكيد بردو مش حاجة تطمن إن عربية زيرو ترزع و تكرر و هي لسة بشوكها خصوصاً انها صيني و تجميع مصري! أنا لو من حضرتك أجيب عربية دايوو لانوس أو اوبترا إستعمال و حالة ممتازة، على الاقل عيوبهم و مميزاتهم معروفين، و أما تيجي تبيع هتلاقي فلوسك. و مش معنى إن العربية دي صيني إن قطع غيارها هتكون رخيصة أو معمرة. و بردو أكيد لازم تسمع من أصحاب السيارة نفسها، و ربنا يعملك الاحسن و كل عام و كلنا بألف خير.

[ARKOON]

عربية ممتازة وكل حاجة ليها حل دي مجرد عيوب تقفيل .

[ARKOON]

قطع غيارها برا التوكيل رخيصة وبيركب عليها حاجات كتير يعني مش هتلبس في حاجة مجهولة المصدر
بس في حاجة العربية عاوزة شوارع رئيسية الحواري والعزب مش مناسبة ليها العربية ضخمة ومنفخة .
وملحوظة العربية حلوة في السفر وعلى السرعات العالية يعني لو انتا في بلد صغيرة وشوراع مكسرة وحواري وطرق 4 متر هتتعذب وانتا سايق تنفع الفيرنا انطلاقة اسرع وتجميع سرعات لان المحرك قوي على وزن العربية لكن على طرق سرعية وسرعات العالية الفرنا عربية موت وزنها خفيف جدا الانفي محرك على وزن عربية تقيل تجميع بطئ يعني زي اللوجان مهما تدوس على البنزين العربية بتجمع براحتها خالص لكن الكوري عموما اخبط رجلك على الارض تتحول لطيارة بس عوامل امان تكاد تكون منعدمة .

[Mohamed Desoky]

أنا كمان معرفشي أي حاجة عن الانفي... لكن أكيد هتكون أفضل من ال-128 إلي خدمت عمر. لكن أكيد بردو مش حاجة تطمن إن عربية زيرو ترزع و تكرر و هي لسة بشوكها خصوصاً انها صيني و تجميع مصري! أنا لو من حضرتك أجيب عربية دايوو لانوس أو اوبترا إستعمال و حالة ممتازة، على الاقل عيوبهم و مميزاتهم معروفين، و أما تيجي تبيع هتلاقي فلوسك. و مش معنى إن العربية دي صيني إن قطع غيارها هتكون رخيصة أو معمرة. و بردو أكيد لازم تسمع من أصحاب السيارة نفسها، و ربنا يعملك الاحسن و كل عام و كلنا بألف خير.

بعد ازن حضرتك انتى من ملاك الانفى او ركبتها اوعندك معلومات دقيقه عن المحرك او البدائل لقطع الغيار ارجو من حضرتك الرد ؟

[tasaka]

الراجل قايلها واضحه
" أنا كمان معرفشي أي حاجة عن الانفي "

و بردو أكيد لازم تسمع من أصحاب السيارة نفسها، و ربنا يعملك الاحسن

[salam100100]

الانفى زى كل العربيات الجديده
العربيه وهى جديده بتكون رائعه- ناعمه وبتجرى
محدش هيشتكى شكاوى كبيره من عربيه زيرو
متخدش على كلام حد جايب عربيه زيرو بقاله 3 شهور- اكيد هيشكر فيها

العربيه محتاجه تاخد وقتها فالشارع المصرى عشان تقدر تحكم عليها صح

http://www.nilemotors.net/Nile/445717-a.html

لو مستعجل فقرار الشراء وبتحب المجازفه هاتها
لو مستعجل وفنفس الوقت عايز عربيه مضمونه هات عربيه تانيه تكون اتهرست من الشعب المصرى

انا معرفش عنها حاجه- انا بتكلم فالعموم- يمكن تطلع حلوه جدا وتعيش 30 سنه- وممكن تطلع ............ وتعيش 5 سنين بس
انا مش بشكك فالعربيه ولا امكانيتها ولا بسوء سمعتها انا بلفت انتباهك انها عربيه جديده ولسه ماخدتش ,وقتها عشان تتقييم صح

اللى بيجيب عربيه زيرو جديده بالسمعه ومتجربتش بما فيه الكفايه مش غلط- دى شخصيات

انا بحب اقف على كتاف اللى قبلى فاخد القرار (مش فى كل حاجه )

[Mohamed Desoky]

الانفى زى كل العربيات الجديده
العربيه وهى جديده بتكون رائعه- ناعمه وبتجرى
محدش هيشتكى شكاوى كبيره من عربيه زيرو
متخدش على كلام حد جايب عربيه زيرو بقاله 3 شهور- اكيد هيشكر فيها

العربيه محتاجه تاخد وقتها فالشارع المصرى عشان تقدر تحكم عليها صح

http://www.nilemotors.net/nile/445717-a.html

لو مستعجل فقرار الشراء وبتحب المجازفه هاتها
لو مستعجل وفنفس الوقت عايز عربيه مضمونه هات عربيه تانيه تكون اتهرست من الشعب المصرى

انا معرفش عنها حاجه- انا بتكلم فالعموم- يمكن تطلع حلوه جدا وتعيش 30 سنه- وممكن تطلع ............ وتعيش 5 سنين بس
انا مش بشكك فالعربيه ولا امكانيتها ولا بسوء سمعتها انا بلفت انتباهك انها عربيه جديده ولسه ماخدتش ,وقتها عشان تتقييم صح

اللى بيجيب عربيه زيرو جديده بالسمعه ومتجربتش بما فيه الكفايه مش غلط- دى شخصيات

انا بحب اقف على كتاف اللى قبلى فاخد القرار (مش فى كل حاجه )

البيجو 504 و505 العربيات دى مش هتتكرر تانى فى التاريخ وفى عربيات حضرتك شايفها ناجحه وانا بحكم انى ميكانيكى وركبت عربيات كتير بقول لحضرتك ان السيينا 1600 عربيه بنت المهم فاشله بامتياز فاشله فى الفشل ؟والاسكودا الفافورت صناعة تشيكوسلوفاكيا فاشله برضه وعيوبها اكتر من مميزاتها اللى انا مش عارفها لكن الاسكودا الالمانى حاجه تانيه خالص لانها صناعة فولكس فايجن ؟ لو حضرتك متخيل ان شركات صناعة السيارات هينتج عربيه تعيش 20 او 30 الكلام ده خلص خلاص كل الشركات بتنتج عربيات تعيش اخرها 10 سنوات وبعد كده على مقبرة السيارات وتجيب غيرها ده فى اوربا والدول اللى بتحترم شعوبها ؟ اما عندنا فى المحروسه 128 شغاله وعربيه اصيله وووقصايد شعر فى عربيه لاتسوى شئ لمجرد انها عايشه ؟زى انسان مصرى عايش بلدواء عايش وخلاص بلزق والعلاج زى العربيات فى مصر عايشه او شغاله يوم و10 ايام عطلانه عند الميكانيكى تبقى دى عربيه محترمه او بتادى المطلوب منها طبعا لا كل شئ فى الدنيا له اول واخر عمر الانسان بيخلص لكن عندنا ثقافة العربيه تعيش 20 و30 ازا كان الانسان بيموت لكن العربيات فى مصر لا تموت ؟؟؟؟؟؟

[hugan]

الناس بتتكلم علي العربيه وكانها لسه اول مره تنزل الشارع
ياحضرات العربيه ليها 10سنين في الشارع
مبيعات اانتشار عالي جدا
سمعه طيبه واداء ممتاز
قطع غيار منتشره بكثافه ورخيصه فوق الوصف
الانتشار الكبير بعد انتقال الوكاله العبور
بعد ابو الفتوح
يعطيها الافضليه اكثر لاءي عربيه في فئتها
تفوقت في المبيعات الاخيره
علي اللوجان
الايمجراند
الافيو
بي واي دي
الانوس
3000عربيه مبيعات شيري في الفتره الاخيره بعد انتقال الوكاله

[Mohamed Desoky]

الناس بتتكلم علي العربيه وكانها لسه اول مره تنزل الشارع
ياحضرات العربيه ليها 10سنين في الشارع
مبيعات اانتشار عالي جدا
سمعه طيبه واداء ممتاز
قطع غيار منتشره بكثافه ورخيصه فوق الوصف
الانتشار الكبير بعد انتقال الوكاله العبور
بعد ابو الفتوح
يعطيها الافضليه اكثر لاءي عربيه في فئتها
تفوقت في المبيعات الاخيره
علي اللوجان
الايمجراند
الافيو
بي واي دي
الانوس
3000عربيه مبيعات شيري في الفتره الاخيره بعد انتقال الوكاله

تسلم ياهوجان خليك متابع السوق بس انا قلقان من زيادة سعرها كانت فى شهر رمضان 100 ودلوقتى وصلت 110 فى شهرين يا جماعه اسعار كل شئ بتزيد بطريقه هبله ولسه المدارس والدروس الخصوصيه دى سنه وارمه من الغلاء ؟

[salam100100]

الناس بتتكلم علي العربيه وكانها لسه اول مره تنزل الشارع
ياحضرات العربيه ليها 10سنين في الشارع
مبيعات اانتشار عالي جدا
سمعه طيبه واداء ممتاز
قطع غيار منتشره بكثافه ورخيصه فوق الوصف
الانتشار الكبير بعد انتقال الوكاله العبور
بعد ابو الفتوح
يعطيها الافضليه اكثر لاءي عربيه في فئتها
تفوقت في المبيعات الاخيره
علي اللوجان
الايمجراند
الافيو
بي واي دي
الانوس
3000عربيه مبيعات شيري في الفتره الاخيره بعد انتقال الوكاله

انا بتمنى انها تثبت نفسها (الانفى) وتحل محل الفيرنا واللانوس
سعرها حاليا حلو جدا وهتنافس جامد بسبب سعرها .......المهم تثبت نفسها
السعر مش كل حاجه لكن بردو هو مهم جدا فاخد قرار الشراء- وحاليا السعر هو اللى بيحرك الناس - فى شريحه كبيره من المشترين وانا واحد منهم عايز عربيه بالمواصفات دى وبالسعر دا وياريت لو اوتوماتيك ياسلام تبقى 100100

[hugan]

تسلم ياهوجان خليك متابع السوق بس انا قلقان من زيادة سعرها كانت فى شهر رمضان 100 ودلوقتى وصلت 110 فى شهرين يا جماعه اسعار كل شئ بتزيد بطريقه هبله ولسه المدارس والدروس الخصوصيه دى سنه وارمه من الغلاء ؟

والله موضوع الغلاء و ارتفاع الاسعار
شيء مقرف
يعني اللوجان وصلت ١٤٠ الف
وهي في الاصل عربيه مدعمه
وموجهه للشعوب الفقيره
الارتفاع والفساد علي الكل

[Abdallah Reda]

انا العربية مع قريبى موديل 2013 ls وعجبانى سواقتها بس المشكلة ان سمعت من ناس كتير ان موديل 2017 مختلف تمام عن 2013 ومشاكله كتير فقولت اسال على كده مش اكتر

[salam100100]

Envy معناها فالترجمه "حسد"

ليه كدا؟؟؟؟؟؟؟

[zega332]

انا اشتريت ال 2017 وعربية محترمة وعملت صيانة ال 1000 وعامل بيها تقريباً 1800 وماشاء الله في السفر وداخل البلد مع التكييف ممتازة وعالية والصالون ممتاز وكماليتها على سعرها منافس جداً وغبور عامل مركزين خدمة ليها أبو رواش وطريق اسكندية الزراعي. انا قارنت كتير بالكماليات والسعر بينها وبين الفيرنا واالانوس ولقيتها افضل... بالتوفيق