سؤال عن شيرى a15

[Ahmed.S.F]

السلام عليكم
انا كنت عاوز استفسر عن كذا حاجة
إذا سمحتم طبعا

العربية القربة بتاعتها بتفضى كل يومين او تلاتة ولازم ازودلها لتر الا ربع مية تقريبا
وديتها لكذا حد القربة اتغيرت وخرطوم ووصلات وكل مرة ترجع زى ما كانت ولما بسأل عن السبب يتقالى اصل العربية صعبة ومش عارفين نصلحها
اربع اشخاص مختلفين وكل مرة ترجع زى ما كانت بعد اسبوع بالكتير

كمان الليد اللى شكلها شكل الموتور منورة ومش بتطفى ولما وريتها لكهربائى قالى دى معلقة عاوزة جهاز عشان تتشال لكن مفيهاش حاجة
الجهاز دا عند مين وفعلا ممكن تكون حاجة معلقة؟

لمبة الدينامو بترعش فترة اول ما اشغل العربية وبعد فترة تفصل ولو شغلت التكييف تفصل وتبقى كل حاجة طبيعية
وديتها لكهربائى كشف على البطارية والدينامو وقالى مفيش مشاكل
وللعلم البطارية والدينامو بقالهم فى حدود سنة متغيرين
ياترى ممكن يكون ايه السبب؟

اخر حاجة بقى
انا نفسى اظبط العربية لحد ما ربنا يسهلى واجيب عربية جديدة بدل المستعمل ومشاكله
بس معرفش ممكن اصلحها فين
ولو التوكيل ياترى اسعاره عالية جدا ولا معقولة ولا ايه النظام

افيدونى افادكم الله

[Mohamed Desoky]

استاز احمد نقطة ضعف الشيرى الدايره الكهربائيه وطبعا اغلب الصنايعيه مش فاهمين فيها واكيد اكيد العربيه مش بتاعتك من الزيرو واكيد المالك القديم وداها لكهربائى مش فاهم فى العربيه ودى المصيبه اى لعب فى الكهرباء او تعديل لازم الكومبيوتر يخرف ويدى اوامر غلط لكل اجزاء السياره دى نقطه ؟ وتسريب الميه له طرق كتير جدا بس المشكله الاولى مياه الحنفيه دى المشكله الاولى وكارثه تانيا لان كل المكونات للتبريد المونيوم والريداتير اكيد فى تسريب من البارومه او ماسورة الميه اسفل الفرن فيها تسريب ومش هتبان لان السخونه بتبخر الرشح قبل مايظهر ؟ وممكن خرطوم الميه السخونه اللى داخل الصالون يكون بيسرب تحت الموكيت وانتى مش شايفه المهم فى صنايعى فى الزاويه الحمراء اسمه محمد شيرى جنب قسم الزاويه هو مشهور وعنده كشف كومبيوتر وديهاله وربنا يسهل ؟ انا عندى الشيرى من 6 سنين مشاء الله من الزيرو احسن عربيه ركبتها ؟

[ARKOON]

ا/ محمد انت مدافع جيد عن الشيري وفاهم كويس عربيتك :)

مشكلة القربة هتطلع حاجة بسيطة بس صاحب العربية مفروض يروح لحد ثقةزي ما حضرتك وصفتهوله

[Mohamed Desoky]

ا/ محمد انت مدافع جيد عن الشيري وفاهم كويس عربيتك :)

مشكلة القربة هتطلع حاجة بسيطة بس صاحب العربية مفروض يروح لحد ثقةزي ما حضرتك وصفتهوله

والله يااركون مش مدافع انا بحط كل حاجه فى مكانها ؟ الشيرى من بدايتها متجمعه من خط سيات توليدو واغلب مكوناتها المانى سدقنى انا سعيد بيها وبحبها اكتر عربيه حبتها فى حياتى بعد 16 عربيه مستعمله و12 سنه ميكانيكى سيارات ؟ كل الخبره دى تخلينى اعرف الجيد من الوحش ؟ وانا بركب قطع الغيار الالمانى فيها وبركبها بنفسى حتى لو فى يوم الموتور زعلنى على بورسعيد اركب مكنه جولف كامله وهتركب بدون اى تعديل خالص كربون الجولف والسيات توليدو حتى اصغر مسمار فيها نفس الجولف والسيات والاودى ؟ وفى منها نوع انا نفسى اجبها الشيرى لونج عربيه طويله وواسعه جدا جدا وفى ناس كتير مركبين موتور الجولف اوتوماتيك 2000cc واتخن عربيه مش هتقدر تجبها بموتور الالمانى ؟ علشان كده انا حاببها وانا بحافظ عليها وافسم بلله العربيه طلعت جدعه واصيله وانا راجع من مطروح فى طريق الضبعه الجديده ؟ وتوبه انى امشى في تانى ؟ المهم العربيه طلعت اصيله وربنا رحمنى من كلاب البشر وانا راجع بلليل قصه طويله ومش عايز افتكرها تانى ؟؟؟؟؟؟ لكن فى المجمل الشيرى عربيه كويسه طالمه عملت الصيانه فى ميعادها ومفيش لعب فى دفيرة الكهرباء ونمشى زى الكتالوج مابيقول العربيه بعون الله هتستمر احسن من الزيرو رغم انها مو 2009 لكنها مشاء الله زى الزيرو معايه لانى بحبها والف شكر ليك ؟

[عماد تامر]

أ محمد دسوقي واضح ان حضرتك فاهم العربية كويس لذلك ارجوا مساعدتي في مشكلة عندي في العربية ، انا عامل مشاركة باسم حساس الأيدل شيري a15 وموضح المشكلة وهي ارتفاع لفات الـ rpm والمشكلة زادت اكتر مع العلم اني في الصعيد وصعب اني اذهب للقاهره للتصليح

[Mohamed Desoky]

أ محمد دسوقي واضح ان حضرتك فاهم العربية كويس لذلك ارجوا مساعدتي في مشكلة عندي في العربية ، انا عامل مشاركة باسم حساس الأيدل شيري a15 وموضح المشكلة وهي ارتفاع لفات الـ rpm والمشكلة زادت اكتر مع العلم اني في الصعيد وصعب اني اذهب للقاهره للتصليح

انتى نظف الحساس قبل كده والبوابه على العموم الايديل بتاع الانوس يركب عليها لو كان بايظ حاول تجرب بتاع عربية واحد صاحبك او معرفه وهل ياعماد العربيه بتلغبط معاك وترجع تظبط تانى ؟ انتى لو جانبى هنا فى اكتوبر كنت ظبطهالك زى كل اصحابنا بتوع الشيرى اللى جانبى وفى حاجه مهما جدا ياعمده خرطوم بخر الزيت فى العربيات دى بيلغبط العربيه على السلانسيه وبتاخد وقت على ماالسرعه تشد العيب فى البخر اللى طالع من غطاء التاكيهات لازم تحوله بره الموتور زى اى عربيه قديمه اعمل خرطوم بتاع حنفيه نص بوصه متر بلكتير وركبه مكان خرطوم البخر لتحت الموتور وبس ونظف الفلتر بلهوى عرفت هتعمل ايه 1 نظف الايدل والبوابه 2 نظف العمه وانفخ الفلتر بلهوى 3 حول خرطوم البخر ؟ بازن الله هتظبط معاك ؟ سؤال اخبار فلتر البنزين ايه وانتى لازم تحط بنزين 92 لازم لازم والبوجيهات لازم 3 شمعه الكترونى فاهم الكترونى واى سؤال انا معاك فى اى وقت ؟

[عماد تامر]

انتى نظف الحساس قبل كده والبوابه على العموم الايديل بتاع الانوس يركب عليها لو كان بايظ حاول تجرب بتاع عربية واحد صاحبك او معرفه وهل ياعماد العربيه بتلغبط معاك وترجع تظبط تانى ؟ انتى لو جانبى هنا فى اكتوبر كنت ظبطهالك زى كل اصحابنا بتوع الشيرى اللى جانبى وفى حاجه مهما جدا ياعمده خرطوم بخر الزيت فى العربيات دى بيلغبط العربيه على السلانسيه وبتاخد وقت على ماالسرعه تشد العيب فى البخر اللى طالع من غطاء التاكيهات لازم تحوله بره الموتور زى اى عربيه قديمه اعمل خرطوم بتاع حنفيه نص بوصه متر بلكتير وركبه مكان خرطوم البخر لتحت الموتور وبس ونظف الفلتر بلهوى عرفت هتعمل ايه 1 نظف الايدل والبوابه 2 نظف العمه وانفخ الفلتر بلهوى 3 حول خرطوم البخر ؟ بازن الله هتظبط معاك ؟ سؤال اخبار فلتر البنزين ايه وانتى لازم تحط بنزين 92 لازم لازم والبوجيهات لازم 3 شمعه الكترونى فاهم الكترونى واى سؤال انا معاك فى اى وقت ؟

أ محمد شكرا لاهتمامك والرد ، اوضح لحضرتك المشكلة العربية من اول ما بتدور بيكون الـ rpm على رقم 1 وكده العربية بقت اعلى من الاول وبعد ما تسخن وامشي شويه بيكون الـ rpm على 1.5 ده لما بتبقى العربية مش على غيار يعني على المور وطبعا من غير ما ادوس بنزين لكن مش بتلخبط هي بتستمر كده لحد ما اخلص المشوار من غير اي تقطيع او تنتيش والسلانسيه بيكون مضبوط لكن عالي شوية يعني حبيت اوضح المشكلة علشان نراجع الخطوات قبل ما اعمل حاجه
1 بالفعل نضفت الايدل والبوابه جيدا
2 ايضا نضفت العمة وفلتر الهوا
الخطوتين دول تم تنفيذهم بالفعل قبل عرض المشكلة لكن عاوز اتأكد من باقي الخطوات
3 بالنسبة للخطوه الثالثه وهي تحويل خرطوم البخر العربية مش بتلخبط على السلانسيه ومش بتاخد وقت على ماالسرعه تشد والعربيه معايا من 3 سنين يعني مفيش مشكلة في الموضوع هل لابد من عمل الخرطوم ولا مفيش داعي من الخطوه دي ؟
4 بالنسبة لفلتر البنزين انا من يوم ما اشتريت العربية مغيرتوش ومعرفش اخباره ايه لكن انا كل اللي مشيته بالعربيه 12 الف كيلو بالرغم من الفترة الطويله مش مركونه لكن استخدامي قليل
5 باحط بنزين 92 على طول
6 مغيرتش البوجيهات قبل كده علشان مفيش تقطيع او تنتيش وصوت الماكينه طبيعي يعني البوجيهات كلها شغالة
ملحوظه انا جبت حساس ايدل بتاع دايو لكن مركبتوش علشان لقيت الاكس بتاعه قصير عن اللي موجود بالعربيه
ملحوظه اخرى انا عملت ايدل ليرن بعد التنظيف زي الشرح لكن كان مكتوب ان هذه الطريقة خاصة باللانوس فقط ، فما هي طريقة عمل ايدل ليرن الخاصة بالشيري a15 علشان عرفت ان لكل عربية طريقة خاصه لها
اسف على الاطاله لكن فعلا انا محتار ومحتاج حد يساعدني

[Mohamed Desoky]

أ محمد شكرا لاهتمامك والرد ، اوضح لحضرتك المشكلة العربية من اول ما بتدور بيكون الـ rpm على رقم 1 وكده العربية بقت اعلى من الاول وبعد ما تسخن وامشي شويه بيكون الـ rpm على 1.5 ده لما بتبقى العربية مش على غيار يعني على المور وطبعا من غير ما ادوس بنزين لكن مش بتلخبط هي بتستمر كده لحد ما اخلص المشوار من غير اي تقطيع او تنتيش والسلانسيه بيكون مضبوط لكن عالي شوية يعني حبيت اوضح المشكلة علشان نراجع الخطوات قبل ما اعمل حاجه
1 بالفعل نضفت الايدل والبوابه جيدا
2 ايضا نضفت العمة وفلتر الهوا
الخطوتين دول تم تنفيذهم بالفعل قبل عرض المشكلة لكن عاوز اتأكد من باقي الخطوات
3 بالنسبة للخطوه الثالثه وهي تحويل خرطوم البخر العربية مش بتلخبط على السلانسيه ومش بتاخد وقت على ماالسرعه تشد والعربيه معايا من 3 سنين يعني مفيش مشكلة في الموضوع هل لابد من عمل الخرطوم ولا مفيش داعي من الخطوه دي ؟
4 بالنسبة لفلتر البنزين انا من يوم ما اشتريت العربية مغيرتوش ومعرفش اخباره ايه لكن انا كل اللي مشيته بالعربيه 12 الف كيلو بالرغم من الفترة الطويله مش مركونه لكن استخدامي قليل
5 باحط بنزين 92 على طول
6 مغيرتش البوجيهات قبل كده علشان مفيش تقطيع او تنتيش وصوت الماكينه طبيعي يعني البوجيهات كلها شغالة
ملحوظه انا جبت حساس ايدل بتاع دايو لكن مركبتوش علشان لقيت الاكس بتاعه قصير عن اللي موجود بالعربيه
ملحوظه اخرى انا عملت ايدل ليرن بعد التنظيف زي الشرح لكن كان مكتوب ان هذه الطريقة خاصة باللانوس فقط ، فما هي طريقة عمل ايدل ليرن الخاصة بالشيري a15 علشان عرفت ان لكل عربية طريقة خاصه لها
اسف على الاطاله لكن فعلا انا محتار ومحتاج حد يساعدني

استاز عماد زى ما قولت لسياتك انا معايه a15من 6 سنين واللى مخليها شغاله والحمد لله انى متبع تعليمات الكتالوج وبعمل كل الصيانه بنفسى ؟ فى تعليمات صارمه للعربيه بتقول ان تغيير زيت وفلتر كل 5 الاف فقط تغير زيت فيتيس كل 20 الف تغير فلتر بنزين وهواء وبوجيهات كل 20 الف كيلو تغير سيور كامله والبلى كل 35 او 40 الف سير كاتينه وبليه وسير الدينمو والبليتين بتوع الشداده ؟ دى الصيانات الاساسيه ؟ انا كل 5 الاف بنظف البوابه والايدل وبعمل خطواط بعد النظافه افتح كونتك لمده 10 ثوانى واقفل الكونتاك لمدة 10 ثوانى وتكرر الموضوع ده 5 مرات وبعدها تدور العربيه دى نقطه ؟ فى ملحوظه مهمه جدا جدا فى خرطوم صغير تحت البوابه الخرطوم ده اتاكد انه راكب او مش منفس لان الخرطوم ده حير ناس كتير معاها الشيرى وطلع اللغبطه من الخرطوم ده وهو واصل لحاجه تحت العمه الاساسيه وممكن تشوفه من تحت الاكصيدام يمين تحت العمه اتاكد ان الخراطيم دى راكبه فى مكانها ومفيش اى تنفيس منها ؟ لان كده تقريبا فى تنفيس هواء داخل من المنافول بدون تنظيم من البوابه لازم تاخد بالك وتكشف مويس على كل الخراطيم اللى فيها شفط هواء داخل على الموتور زى خرطوم السيرفو والحساس الصغير اللى فى خرطوم السيرفو اكشف على كل الكلام ده ؟ وسدقنى انتى لو قريب منى كنت فكتلك اى حاجه فى العربيه عندى وجربتها عندك علشان نوصل للعيب ونصلحه ؟ انا بحاول اساعدك وعايزك تدخل على جوجل وتكتب شيرى اموليت هتدخل على مواقع روسى وهتشوف كل حاجه وازاى تحول خرطوم بخر الزيت لانى مهما شرحت مش هينفع ؟ لازم تشوف الفيديوهات وهتتعلم حجات كتير هتنفعك ويارب يكون عيب تنفيس اسهل وارخص من الايدل واوعى تغير الايدل اللى لما تتاكد انه هو فى العيب ابدء وربنا معاك وانا مستنى الكشف بتاعك على كل خراطيم شفط الهواء للموتور وشكرا ؟

[Mohamed Desoky]

عماد ابقى شيل كابل البطاريه الكهرباء مش الارضى لمدة نص ساعه مثلا وربنا يسهل ؟

[عماد تامر]

استاز عماد زى ما قولت لسياتك انا معايه a15من 6 سنين واللى مخليها شغاله والحمد لله انى متبع تعليمات الكتالوج وبعمل كل الصيانه بنفسى ؟ فى تعليمات صارمه للعربيه بتقول ان تغيير زيت وفلتر كل 5 الاف فقط تغير زيت فيتيس كل 20 الف تغير فلتر بنزين وهواء وبوجيهات كل 20 الف كيلو تغير سيور كامله والبلى كل 35 او 40 الف سير كاتينه وبليه وسير الدينمو والبليتين بتوع الشداده ؟ دى الصيانات الاساسيه ؟ انا كل 5 الاف بنظف البوابه والايدل وبعمل خطواط بعد النظافه افتح كونتك لمده 10 ثوانى واقفل الكونتاك لمدة 10 ثوانى وتكرر الموضوع ده 5 مرات وبعدها تدور العربيه دى نقطه ؟ فى ملحوظه مهمه جدا جدا فى خرطوم صغير تحت البوابه الخرطوم ده اتاكد انه راكب او مش منفس لان الخرطوم ده حير ناس كتير معاها الشيرى وطلع اللغبطه من الخرطوم ده وهو واصل لحاجه تحت العمه الاساسيه وممكن تشوفه من تحت الاكصيدام يمين تحت العمه اتاكد ان الخراطيم دى راكبه فى مكانها ومفيش اى تنفيس منها ؟ لان كده تقريبا فى تنفيس هواء داخل من المنافول بدون تنظيم من البوابه لازم تاخد بالك وتكشف مويس على كل الخراطيم اللى فيها شفط هواء داخل على الموتور زى خرطوم السيرفو والحساس الصغير اللى فى خرطوم السيرفو اكشف على كل الكلام ده ؟ وسدقنى انتى لو قريب منى كنت فكتلك اى حاجه فى العربيه عندى وجربتها عندك علشان نوصل للعيب ونصلحه ؟ انا بحاول اساعدك وعايزك تدخل على جوجل وتكتب شيرى اموليت هتدخل على مواقع روسى وهتشوف كل حاجه وازاى تحول خرطوم بخر الزيت لانى مهما شرحت مش هينفع ؟ لازم تشوف الفيديوهات وهتتعلم حجات كتير هتنفعك ويارب يكون عيب تنفيس اسهل وارخص من الايدل واوعى تغير الايدل اللى لما تتاكد انه هو فى العيب ابدء وربنا معاك وانا مستنى الكشف بتاعك على كل خراطيم شفط الهواء للموتور وشكرا ؟

اخي محمد اولا متصدقش فرحتي قد ايه باهتمامك وردك على اسئلتي صدقني ده عندي اهم بكتير من تصليح العربيه اني اتعرفت على انسان خدوم زيك ممكن يضيع وقته في قراية اسئلتي ورده عليها الله يعوض تعبك معايا بالخير .
ثانيا ان شاء الله اتابع الصيانه الدورية زي ما انت محدد وها اعتبر المواعيد اللي كاتبها مرجع للصيانة .
انا جربت الحساس وهو خارج البوابه يعني ركبت الفيشة فقط وفتحت الكونتاكت اكتر من مره اكتشفت انه مش بيتحرك وجبت حساس جديد والبياع قالي مفيش مشكلة جربه الاول واكتشفت ان التاني متحركش يبقى كده الكهربا مش واصلة ممكن اعمل ايه هل يوجد فيوز ابص عليه ولا اعمل ايه ؟

[Mohamed Desoky]

اخي محمد اولا متصدقش فرحتي قد ايه باهتمامك وردك على اسئلتي صدقني ده عندي اهم بكتير من تصليح العربيه اني اتعرفت على انسان خدوم زيك ممكن يضيع وقته في قراية اسئلتي ورده عليها الله يعوض تعبك معايا بالخير .
ثانيا ان شاء الله اتابع الصيانه الدورية زي ما انت محدد وها اعتبر المواعيد اللي كاتبها مرجع للصيانة .
انا جربت الحساس وهو خارج البوابه يعني ركبت الفيشة فقط وفتحت الكونتاكت اكتر من مره اكتشفت انه مش بيتحرك وجبت حساس جديد والبياع قالي مفيش مشكلة جربه الاول واكتشفت ان التاني متحركش يبقى كده الكهربا مش واصلة ممكن اعمل ايه هل يوجد فيوز ابص عليه ولا اعمل ايه ؟

كلنا اخوات ياعمده فى حاجه الايدل لازم تحط الفيشه ويكون واخد ارضى او راكب فى مكانه ولو الموضوع دخل فى فيوز ودى مشكلتى الكبيره الكهرباء انا خايب جدا فيها وخلى بالك لازم كهربائى صنيعى وبيشتغل فى الالمانى وياريت يكون عنده كومبيوتر كشف الاعطال لان مكونات كهربة الشيرى بوش المانى زى الجولف بظبط لازم كهربائى او مركز فى مهندس كهرباء لان اى لعب غلط فى كهربة العربيه مشاكله كتير يبقى مركز او مكان محترم فاهم فى الكومبيوتر وانا متابع معاك لحد مانحل المشكله ؟ اما الفيوز انا بصراحه مش عارف انهى واحد هل فى العلبه الداخليه فى الصالون تحت رجل السائق او اللى فى الموتور بعد البطاريه انا مش عارف ؟

[عماد تامر]

الله يديم المحبه بين الاخوه ، مفيش عندنا في الصعيد مراكز خدمة يوجد فقط اما بالنسبة للميكانيكية والكهربائية لايوجد متخصص في الجولف وقليل جدا اللي بيشتغل في الالماني علشان كده باحاول اسأل انا واعمل اللي بعرفة بحرص علشان ماديش العربية لحد يجرب فيها ، معلش استحملني علشان حاسس انك انت اللي هاتساعدني

[Mohamed Desoky]

الله يديم المحبه بين الاخوه ، مفيش عندنا في الصعيد مراكز خدمة يوجد فقط اما بالنسبة للميكانيكية والكهربائية لايوجد متخصص في الجولف وقليل جدا اللي بيشتغل في الالماني علشان كده باحاول اسأل انا واعمل اللي بعرفة بحرص علشان ماديش العربية لحد يجرب فيها ، معلش استحملني علشان حاسس انك انت اللي هاتساعدني

سدقنى انا عايز اساعدك على اد معلوماتى وانا فاضى على المعاش المبكر بنقى رز واقشر بطاطس ؟ انا مقتنع ان العيب فى الايدل مش فى الكهرباء واحسن حل تشوف حد عنده الشيرى a11اوa15 الموتور واحد وتحاول تاخد الايدل وتجرب لانى مش مقتنع ان العربيه هتدور بدون كهرباء وانا انشاء الله هجرب اشيل فيشة الايدل وادور واشوف ؟ بس اكيد فى كهرباء واصله فى الفيشه مفيش عندك افوميتر تجرب وتشوف فى كهرباء وصله حاول كده وربنا يسهل ونوصل للعيب ؟

[tasaka]

لو الفكره واحده لكل العربيات ( يابانى امريكى .... الخ )

يبقى على قدر فهمى .. انه بيشتغل لما تكون العربيه دايره سلانسيه فقط

لان فيه مجرى بدايتها قبل البوابه و نهايتها بعد البوابه من الناحيه التانيه .. و الحساس ده بيكون وضعه الطبيعى انه يكون قافل المجرى دى

اول ما العربيه تبقى سلانسيه ( يعنى البوابه مقفوله .. يعنى مفيش مرور هوا كافى ) .. يبدأ الحساس ده يتشفط .. و بالتالى يفتح المجرى .. و بالتالى يمر الهوا من قبل البوابه الى بعد البوابه علشان العربيه تفضل دايره سلانسيه

انا ده قدر فهمى للموضوع .. ارجو التصحيح لو خطأ

[عماد تامر]

هههههههه ربنا يديك الصحة ويزود الروز والبطاطس انا عندي افوميتر لكن الفيشة فيها 4 اطراف مش عارف فين الكهربا وفين الارضي على فكره انا عملت زي ماقلتلي وخليت جسم الايدل لامس الارض وبرضوا ماتحركش ، العربية دي نادرة جدا في الصعيد ومفيش غير عربية واحده وصاحبها مغير موتور وحاطط جولف ، وانا باكتب الكلام ده قولت اجرب انا لو شلت الفيشة العربية هاتشتغل ولا لا اكتشفت ان العربية اشتغلت وكمان مظبوطه اكتر لكن لمبة الموتور منوره على طول طبعا علشضان الفيشة متشاله ، ايه رايك امشي بكره بيها مشوار صغير واشوف ؟