علاقة الشيري بالـ إسبرانزا

[Akram]

كنت عايز أعرف إيه علاقة الشيري بالـ إسبرانزا و ليه التوكيل بتاعهم مش واحد,
و كمان بالنسبة للـ إسبرانزا A5 و A6 متهيألى في فرق كبير من سعرهم :!:

[fahd_628]

بص يا باشا الشيرى هية سبرنزا

بس ابو الفتوح غير الأسم و بقى سبرنزا و بقى يجمعها هنا على انها سبرنزا بس هية فى الأصل شيرى

و برة بتنزل بأسم شيرى

[mina_ramsis]

بص يا باشا الشيرى هية سبرنزا

بس ابو الفتوح غير الأسم و بقى سبرنزا و بقى يجمعها هنا على انها سبرنزا بس هية فى الأصل شيرى

و برة بتنزل بأسم شيرى

زى ما استاذ فهد قالك بالضبط بره مفيش حاجة اسمها اسبيرانزا انما اسمها شيرى و نظرا لفشل شيرى فى مصر فقرروا انهم ينزلوها تحت اسم تانى و هو اسبيرانزا

كمان بالنسبة للـ إسبرانزا A5 و A6 متهيألى في فرق كبير من سعرهم

ايوة فعلا ال a5 ب 63900 و ال a6 ب 107000 و ده طبعا سعر التوكيل بس ديه حاجة و التانية حاجة تانيه خالص بس برده فى الاخر الاتنين صينى :( :( :(

[CryptonX]

Speranza A6 = copy of Daewoo Magnus ( Chevorlet Epica )

[eng_mkhalaf]

اقتباس:
زى ما استاذ فهد قالك بالضبط بره مفيش حاجة اسمها اسبيرانزا انما اسمها شيرى و نظرا لفشل شيرى فى مصر فقرروا
انهم ينزلوها تحت اسم تانى و هو اسبيرانزا

أنا عايز أعرف حضرتك حكمت أزاى أن الشيرى فشلت فى مصر - أنت جربتها ومشيت بيها أو حد تعرفة قوى جربها
يا جماعة بلاش كلام من غير ما نكون واثقين منة علشان نعرف نستفاد ونفيد غيرنا مش نضللهم

[Akram]

انا عندي سؤال آخر بالنسبة للشيري, دلوقت نزل منها A11 و A15 و بشوفهم كتير و شكلهم بيكون سليم (دي الحالة الظاهرة من برة) أما أي موديل آخر للشيرى بشوفه متبهدل و الفوانيس معووجة و الإكصدام مايل ازاي و شكلها من برة بتكون متبهدلة,
كمان في انواع صيني تانية زي الجيلي مثلا شوفها بعد سنة واحدة من الاستخدام و شكلها بيبقى عامل ايه,
كمان انا قريت عن A11 ان بعض قطع غيارها مش متوفرة و حتى في التوكيل بيقول انهم بعتوا يجيبوها من الصين :?:
على العموم زي ما قلت ان شراء سيارة جديدة زي دي بيقى مخاطرة لازم نحسبها كويس و نسأل عليها أكتر :roll:

[mina_ramsis]

أنا عايز أعرف حضرتك حكمت أزاى أن الشيرى فشلت فى مصر - أنت جربتها ومشيت بيها أو حد تعرفة قوى جربها
يا جماعة بلاش كلام من غير ما نكون واثقين منة علشان نعرف نستفاد ونفيد غيرنا مش نضللهم

انا اقصد بفشل شيرى فى مصر بالفشل فى المبيعات و الفشل فى جزب ثقة العميل ليهم و ده شئ مش محتاح انى اجرب العربية و انا كان كلامى واضح بس حضرتك اللى فهمته غلط بس لو كان قصدى زى ما حضرتك قولت كده كنت انا هحدد انهى موديل من شيرى هو اللى وحش يعنى كنت هقول مثلا شيرى a11 او a15 او QQ ديه وحشة بس انا ماقولتش كده خالص
ارجو ان نقطتى تكون وضحت لحضرتك و ارجو من حضرتك تفسير نزول شيرى a5 و a6 فى مصر تحت اسم اسبيرانزا

[Adham]

لا شك ان الشيري سيارة منخفضة الجودة و دة أمر واقع و لا يحتاج لنقاش
ميزتها فقط ان سعرها رخيص

ارجع للأستاذ عضو المنتدى (لا أذكر أسمة) اللي اشترى شيري لمراتة و بقى صواميل بتقع منها _ صامولة عصاية الفتيس_ و خدها التوكيل يصلحها و هو راجع كاوتش زجاج البرابريز اتخلع منها
و أصر انة يرجعها للتوكيل رفضوا و بعد ما قعد شهر و نص عارضها في معارض و مش عارف يبيعها راح اشتكى في حماية المستهلك و فضل وراهم شهرين لغاية مارجعوهالة

وطبعا اختبارات الأمان و الحوادث ننتيجتما مش محتاجة تعليق

العجلة الشكال دخلت كابينة القيادة و استقرت على كرسي السائق :roll:

[eng_mkhalaf]

با جماعة لازم نعرف أحتياجتنا الأول وبعد كدة بنحدد أحنا عايزين أية
أختبارات أمان أية أللى أنتم شغالين نفسكم بيها - يعنى 128 اللى هيا من سنة 73 الناس ركبها ومفيش عيلة فى مصر مفيهاش واحد والا عندة 128 الأمان بتعها 100 فى 100 !!!!!!!ّّ!! وعلى الرغم من كدة منتشرة وزى الفل وعمر ما جدى أو أبويا اللة يرحمهم أشتكوا من نقطة الأمان دية أحنا فى مصر يا جماعة الواحد يوم ما يجيب 60 كيلو فى الساعة ويمشى عليها نص دقيقة يبقى عمل أعجاز-طب ما الشيرى فيها 2 أير باج و ABS-EBD بس دة بردة ميهمينش قوى
يعنى انا بالنسبة ليا الأمان بيجى بعد حاجات تانية يعنى مثلا حجم العربية ووسعها والراحة الداخلية والنفسية واقتصاديات تشغيلها
بالنسبة للشيرى A11 انا بحكم تعاملى معاها هية بالنسبة ليا محققة معادلة لية تدفع كتير طالما ممكن تدفع أقل ولو عايزين شرح أزاى أنا أخترت القرار دة أنا ممكن أشرحة بأستفاضة

[mina_ramsis]

با جماعة لازم نعرف أحتياجتنا الأول وبعد كدة بنحدد أحنا عايزين أية
أختبارات أمان أية أللى أنتم شغالين نفسكم بيها - يعنى 128 اللى هيا من سنة 73 الناس ركبها ومفيش عيلة فى مصر مفيهاش واحد والا عندة 128 الأمان بتعها 100 فى 100 !!!!!!!ّّ!! وعلى الرغم من كدة منتشرة وزى الفل وعمر ما جدى أو أبويا اللة يرحمهم أشتكوا من نقطة الأمان دية أحنا فى مصر يا جماعة الواحد يوم ما يجيب 60 كيلو فى الساعة ويمشى عليها نص دقيقة يبقى عمل أعجاز-طب ما الشيرى فيها 2 أير باج و ABS-EBD بس دة بردة ميهمينش قوى
يعنى انا بالنسبة ليا الأمان بيجى بعد حاجات تانية يعنى مثلا حجم العربية ووسعها والراحة الداخلية والنفسية واقتصاديات تشغيلها
بالنسبة للشيرى A11 انا بحكم تعاملى معاها هية بالنسبة ليا محققة معادلة لية تدفع كتير طالما ممكن تدفع أقل ولو عايزين شرح أزاى أنا أخترت القرار دة أنا ممكن أشرحة بأستفاضة

يا باشا ربنا يباركلك فيها اها حاجة انك تكون مقتنع بيها انت خلاص اشتريت بناء على دراستك لمتطلباتك و ده اهم حاجة :)

[Nader]

انا عندي سؤال آخر بالنسبة للشيري, دلوقت نزل منها A11 و A15 و بشوفهم كتير و شكلهم بيكون سليم (دي الحالة الظاهرة من برة) أما أي موديل آخر للشيرى بشوفه متبهدل و الفوانيس معووجة و الإكصدام مايل ازاي و شكلها من برة بتكون متبهدلة,
كمان في انواع صيني تانية زي الجيلي مثلا شوفها بعد سنة واحدة من الاستخدام و شكلها بيبقى عامل ايه,
كمان انا قريت عن A11 ان بعض قطع غيارها مش متوفرة و حتى في التوكيل بيقول انهم بعتوا يجيبوها من الصين
على العموم زي ما قلت ان شراء سيارة جديدة زي دي بيقى مخاطرة لازم نحسبها كويس و نسأل عليها أكتر

اسمحوا لي بالمشاركة برايي في الموضوع دة... بالنسبة للـA11 فهي نسخة طبق الاصل من السيات يوليدو... ويميزها ان صاجها محمل وتقيل.. يعني مش اي حاجة تريح عليها تقوم متطبقة... علشان كدة هي ماسكة نفسها ومش متبهدلة.

اما بالنسبة لقطع الغيار... فالصاج والفوانيس والاكسسوار والرفايع دي كلها موجودة استيراد..بتاع السيات, او جديد وممكن تتشري من سيات اوشيري... بالظبط زي السابا والبرايد.

اما عن قطع غيار الميكانيكا, فهي خليط بين سيات وفورد.

وتقفيل العربية يعتبر ممتاز بالنسبة لـ"بعض" السيارات المجمعة محلياً.... نيجي للكلام العملي بقى..لو هتشتري مستعمل وعاوز تتعلم على حاجة نضيفة وسعرها رخييييييص يبقى دي تعتبر من افضل الخيارات المتاحة.... افضل من الـ128 و127 والريجاتا والعربيات اللي عدى عليها على الاقل 18 او 20 سنة.

[Nader]

بالمناسبة.. انا كلامي دة عن تجربة... يعني انا جربت عربية اخونا محمد خلف في افطار رمضان ومشينا بيها لحد 140 وهي ثابتة واعتقد كانت تجيب اكتر من كدة..بس يعيبها العزل بتاعها مشاد كدة.... بس احسن 500 مرة من اي عربية في سعرها.. انا بتكلم على المستعمل.


بصراحة انا كنت واخد فكرة سيئة جداً عن العربية دى وشفت لها كام حادثة كدة... بس بعد ما شفتها وجربتها ادام عيني غيرت رايي فيها تماماً.


ربنا يبارك لك فيها يا محمد.

[eng_mkhalaf]

شكرا يا نادر على السبورت الجامد لية دة بس صدقنى أنا اللى مضايق منة أنى الناس مش واثقة فى الصينى وبصراحة عندهم حق لاننا بنستورد اسواء منتجات الصين - بس يا جماعة العربيات سلعة دولية مش لعبة بحجارة أو عروسة بلاستيك
- وكويس يا نادر انك ركبت معايا وجربتها بنفسكوعرفت أنى أن العربية مقبولةبالنسبة لسعرها مقدرش أقول هى التوب لا طبعا بس قرار شرائها داخل فية عوامل كتير اغلبها تحت قاعدة لية تدفع كتير طالما ممكن تدفع أقل وللعلم العربية ممكن تجيب لحج 190 ودة عن تجربة زميل ليا العربية معاة أول يد من سنتين - بس أحب أوضح نقطة العربية دية علشان تجاب ويكون القرار صائب أن شاء اللة يبقى يفضل تجاب كسر زيرو نضيف علشان نقطة سعر أعادة البيع تكون متغطية
شكرا لأهتمامكم بالموضع

[emam]

ارجو ان نقطتى تكون وضحت لحضرتك و ارجو من حضرتك تفسير نزول شيرى a5 و a6 فى مصر تحت اسم اسبيرانزا

يا استاذ hoko_mosha الشركة الام هى شيرى وابوالفتوح بيجمع بعض موديلاتها فاكيد هيزلها باسم ثانى عشان فى وكيل لشيرى فى مصر وهى المجموعة التجارية والصناعية ودى مش حاجه جديدة فى مصر - عندك غبور بينزل الاكسنت بأسم فيرنا .

[PAYOO]

بالنسبة للسؤال الخاص إللي بيقول "أذاي تبقى العربيه لها توكيل في مصر باسم شيري وفي توكيل تاني بيقفل موديل لنفس الشركه لكن اسمه أسبرانزا وهو في الاصل أسمه A5 ?"

أقدر أقول لكم أن الشركات الصينيه مهما كانت سواء كبيره أو صغيره لا تهتم بان يكون لها أسم أو سمعه طيبه كل ما يشغلها هو المبيعات فقط لا غير
وإذا طلب أي شخص في أي مكان في العالم من الشركه ان يضع أسم على مزاجه مش هايرفضوا ولو طلب أنه يشيل حتى علامة الشركه ماعندهمش مانع بس المهم الـMoney
وعادي أن يكون لها وكيل وأتنين في بلد واحده لانهم برضه ماتهمهمش المواضيع دي أبدا

عشان كده أبوالفتوح أخد توكيل شيري وأخد كام موديل كده وقعد يجمع فيهم ويحط لهم كام مكون محلي (قال يعني العربيه ناقصه) وحط الاسماء للموديلات على مزاجه

أما بقى عن الغش المتأصل في هذه الشركات ووكلائها فأكبر دليل هو العربيات التي نزلت في المعرض الأخير في مصر وقمنا بتغطيته وقتها (وستجد التغطيه في أكثر من موضوع بالمنتدى) ولكن جميع الموضوعات والأعلانات وخلافه كانت تقول أن هناك ثلاثة سيارات بسعات مختلفه سوف تنزل عن طريق أبو الفتوح أول شهر أغسطس
وكانت هذه الأسعار بالنسبة لهذه الفئات غير قابلة للمنافسه أطلاقا ومن يعرف أسعار هذه السيارات كان يضرب كفا على كف ولا يصدق أن سياره 1300cc سوف تكون بـ45ألف جنيه وبها كل الكماليات كالعادة عشان يضحكو بيها علينا طبعا

وأنا عن نفسي كنت قد كتبت من قبل أن هذه الأسعار غير حقيقية وتوقعت حينها أن أبو الفتوح يلعب لعبة غريبه يعتقد أنه بهذه اللعبة سوف يضرب أسعار كل السيارات التي تنافس الصيني
وتوقعت انه أعلن أسعار سيارات غير موجده أساسا لديه في حينها (وهذا أمر غير مفهوم على الأطلاق) لكي يضرب الأسعار فقط لكنه لا يمكلك هذه السيارات وليس عنده منها وعندما يأتي شهر 8 فبن يفي بالوعد ولن تظهر هذه السيارات للنور وإن حتى أستطاع أن ياتي بها فلن يبيعها بالسعر الذي أعلن عنه وسوف يزيد ما لا يقل عن 5 أو 7 الاف جنيه اخرى بأي حجه سوف يخترعها وقتها


وبالفعل مر شهر 8 ومر شهر 9 ونحن الأن في شهر 10 ولا حس ولا خبر وهذه هي عادة الغشاشين وتوقعي كان في محله