ارجوكم ساعدونى بشكل عاجل

[douha_wise]

السلام عليكم جميعا
نويت اشترى سيارة شيرى إما A11 OR A15 لكن بدون كماليات و بالتقسيط
لكن اريد من كل من يملكها مساعدتى فى ان يقول لى مميزاتها و عيوبها و توافر قطع غيارها
و السؤال الأهم عندى و انتظر الرد علية هو ما هو معدل استهلاك البنزين لهما و خاصة A11 داخل البلد و فى الطرق السريعة لأنى سمعت انها داخل البلد بتعمل بالكتير 200 كيلو
رجاء الإفادة بشكل عاجل لأنى المفروض احسم الموضوع خلال يومين او ثلاثة
جزاكم اللة خيرا
ممدوح

يا استاذ ممدوح ممنوع وضع المشاركة باكتر من ساحة
تم حذف الموضوع الاخر بالصيني العام
الادارة

[eng_mkhalaf]

أهلا بيك فى منتى الصينى - على العموم لشراء عربية صينى لازم تكون مقتنع بيها ومستعد للهجوم
أنا معايا A11 وعاملى 37 إلف كيلو وشغالة والحمد للة زى الفل وفى زميلى عامل 50 إلف وماشية معاة زى الساعة
خد اللينك دة ممكن يفيدك

http://www.nilemotors.net/Forum/viewtopic.php?t=7668

أستهلاك عمل معايا 400 كيلو فى 45 لنر تقريبا بس أنا بمشى فى وسط البلد كتير - يعنى حياتى كلها أشارات وكمان أنا مدمن تكييف
الصراحة على السريع مجربتهاشى خالص - حياتى كلها جوة البلد
A11 بدون كماليات تعمل 58 إلف على ما أعتقد وبصراحة سعر كويس بس الصراحة الكماليات بتحلى العربية قوى - بس مش مهم - المهم الاساسيات
A15 هى A11 بس الفرق فى الشكل الخارجى وبعض اللمسات الجمالية الداخلية ةالشكل العصرى التى تتميز بة A15
وكن انا افضل A11 لتشابها الكامل مع التوليدو ودية ميزة جامدة فى قطع الغيار ومدى توافرها
على العموم ادرس الموضوع كويس جدا ولازم تكون مقتنع بيها جدا جدا لأن كل الناس هتهاجمك لما تشتريها
بس من رأى الخاص هى صفقة أن شاء اللة كويس
وأى أستفسار أنا فى الخدمة وأهلا بيك مقدما فى نادى الشيرى وبالذات A11

[CryptonX]

الA11 سيارة جيدة فعلا وانتشرت في مصر كتير .. عيوبها الوحيدة , الشكل الخارجي و الداخلي قديم شوية .. و صوت الموتور عالي .. و ساعات قطع الغيار مش موجودة بالتوكيل .. بس بصراحة في اكثر من توكيل كدة

بس زي مقالك الباشمنهندس .. كمالياتها سهل تلاقيها لآنها سيات توليدو 94 اصلا

ال A15 هي فعلا نسخة معدلة من ال A11
ولو ان الA11 او Widcloud او Fullwin ( اساميها المتعددة ) وقف انتاجها في الصين وبقى ينتج لللاسواق الخارجية حسب الطلب .. و استبدلت بال A15 او ال COWIN .

[douha_wise]

و اللة جزاكم اللة خيرا على معلوماتكم القيمة و ردا على كلام الأستاذ محمد خلف انا مستعد لأى هجوم لأنى منذ فترة و انا ابحث على النت و اتابع اخبار الصينى و بالأخص ال A11 , A15 , SPERANZA لأنى ارى ان شركة شيرى من الشركات التى ستأخذ مكانة فى عالم السيارات قريبا و لقد رأيت السيارتين على الطبيعة فى التوكيل لكن اريد فقط ان اطمئن على استهلاك البنزين لأن ميزانيتى لا تسمح بسيارة تستهلك بنزين فتثقل على فى الميزانية
و لذلك انا مستغرب لماذا ليست هناك فئة 1300 سى سى او 1400 سى سى فهناك شريحة تناسبهم هذة الفئة تماما
عموما انا منتظر احد الأعضاء يوضح لى استهلاك البنزين فى هذة السيارة بشكل اقرب
و انا سعيد جدا بهذا المنتدى و اريد لو اراد اللة و اشتريت الشيرى نتحد فى كلمتنا
فهناك منتدى خاص بملاك السيارة الإسبرانزا اراهم على كلمة واحدة فهذا يشكل جبهة ضد الوكلاء و ايضا من مصلحتنا توضيح مميزات السيارة ليكثر مشتريها و تزداد بالسوق و كلما زادت بالسوق كان افضل مستقبلا
اشكركم مرة اخرى

[eng / AhmeD]

و لذلك انا مستغرب لماذا ليست هناك فئة 1300 سى سى او 1400 سى سى فهناك شريحة تناسبهم هذة الفئة تماما

يا باشا خش علي قسم الاسبيرانزا هتلاقي موديلان شيري 1300 واحدة شبابي و التانية عائلي
و سعرهم في النازل خالص
45000 جنيه يا بلاش :D

[douha_wise]

شكرا لك يا اخى لكن الإسبرانزا A113 سعرها 49000 قابلة للزيادة و التسليم بعد 3 شهور اما A213 شكلها سيئ جدا لكن سعرها عموما 52000 و ايضا التسليم بعد 3 شهور و انا رأيتهم فى الواقع اكثر من مرة غير انى لا احب ابو الفتوح و طريقتة و استغلالة و لو حسبتها سيارة مثل A213 ممكن يوصل سعرها الى 55000 بعد 3 شهور يبقى قربت فى السعر من A11 فاضية لكن الحجم و الشكل وغيرة يتجة الى A11

لكن انت مشكور طبعا على تنبيهك لى

[eng / AhmeD]

U R Welcome ;)

[أبو عمار المصرى]

سأتكلم فقط على إستهلاك البنزين و الأعضاء مشكورين تكلموا بما يخص الشكل و قطع الغيار و خلافه:

أنا سيارتى أتوماتيك وأغلب طرقى سربعة و لذلك فإستهلاكها بيعمل 8.5 لتر لكل 100 كيلو و أعتقد إنه بسم الله ما شاء الله كويس جدا على سيارة 1600 سى سى و طبعا يزداد هذا الإستهلاك مع الزحمة و التكييف . بس أنا بقولك إن توكيلها مش عاجبنى لكن الأخ محمد خلف عاملنا دراسات لقطع الغيار البديلة فى نفس اللينك السابق وواعدنا بالمزيد فى هذا الموضوع.

المهم صلى صلاة إستخارة وتوكل على الله فيما تراه خيرا بإذن الله

[douha_wise]

و اللة الأخوة فى المنتدى هنا فى منتهى التعاون ربنا يبارك فيهم جميعا و يجازيهم خيرا
و اشكرك اخى ابو عمار جزيل الشكر و ربنا يبارك لك و لسائر الأعضاء فى سياراتهم و ييسر لى ان اشترى سيارة طيبة و يبارك لى فيها ايضا و يحفظنا جميعا من كل شر و سوء
و على فكرة اخى ابو عمار انا طبعا استخرت اللة كثيرا فى موضوع السيارة هذة

[eng_mkhalaf]

بالنسبة لقطع الغيار البديلة فى واحد أسمة فتح اللة فى التوفيقية متخصص سيات وكمان فى بعض المحلات فى دمشق ولكنى لم أذهب هناك وأوعدكم بذلك قريبا أما بورسعيد فلا غبار عليها أن شاء اللة موجود كل حاجة دة ل A11

[douha_wise]

بسم اللة ما شاء اللة على نشاطك اخى محمد خلف
و انا ايضا اعدكم لو نزلت التوفيقية او لو عرفت اى جديد خاص بالسيارة سأخبركم بة