مبيعات الدايو والهيونداى ؟؟؟

[mh1982]

انا قرات خبر فى الجورنال عن ان مبيعات الدايو ( عموما ) عملت 160 الف عربيه ... وان مبيعات الهيونداى فيرنا بالتحديد عملت 50 الف عربيه ؟؟؟؟
ازاى ؟؟
هى الهيونداى فيرنا دى مش فيها مشاكل ؟؟ طبعا اقصد ال 1500 ... والله اعلم ال 1600 فيها ولا لأ .. وعلشان كده غبور جاب الفيفا اللى متقفله فى الهند دى اللى متورها 1500 ....
طيب يبقى ازاى بعد ده تكون مبيعات الفيرنا 50 الف عربيه فى حين ان الدايو بقالها كام سنه وماعملتش غير 160 الف عربيه ؟؟؟؟ :shock:
هى فيه حاجه بس هى اللى قلقانى :?: جايز انى اكون فهمت الخبر غلط ... :-)
مش هما بردو لما يكتبوا ان الدايو عملت 160 الف عربيه .. يقصدوا انه من اول ما الدايو بقت فى مصر ... يعنى من 8 سنين .. صح ولا انا غلطان ؟؟ ولا يقصدوا مبيعات الدايو فى السنه دى بس :?
طبعا انا اعتقد يقصدوا انها من اول ما بقت هنا فى مصر تبقى ازاى الفيرنا عملت 50 الف عربيه مبيعات فى الفتره البسيطه دى ؟؟؟
ثانيا معلش انا لى سؤال وعاوز حد يجاوبنى عليه .... لما بتكون اى عربيه لسه زيرو وما علقتش نمر .. فى المعارض يعنى او لسه حد شاريها بيكون فيه رقم مكتوب على الزجاج الامامى للسياره ... هل الرقم ده بيكون هو رقم ترتيب السياره فى المبيعات ؟؟؟؟
يعنى انا مره شوفت على زجاج الفيرنا الامامى رقم 21767 .... هل معنى كده ان الفيرنا باعت 21700 عربيه ؟؟؟

[Ahmed Anwer]

بصراحة أنا حاسس إن الفيرنا عددها بقي مساوي للانوس ده بمجرد النظر في الشوارع مش بدليل مادي

أعتقد الدايوو باعت 160 ألف في ثمان سنوات ،،، استحالة في سنة واحدة لأن السوق المصري كله حوالي 200 ألف في السنة

و بالمثل الفيرنا 50 ألف في الأربع سنين اللي نزلت فيهم مش في السنة دي بس

الفيرنا مفهاش المشاكل الفظيعة اللي حضرتك متخيلها دي و حتي 1500 CC في ناس كتير شايفينها بأي حال أفضل من

اللانوس و اللي شايف اللانوس أفضل بيبقي نوع من الحنين و الثقة في الموديلات القديمة

بخصوص عدد السيارة من نفس الموديل كان م / سبعاوي بيحكم عليه برقم الشاسية و اللي اعتقد طريقة مش سليمة لأن عربيتي رقم شاسيها اربعتلاف و حاجة و استلام 8 /2007 فمش منطقي إن رقم الشاسية بيعبر عن عدد السيارات المنتجة

[mh1982]

هى الفيرنا بقالها فى السوق 4 سنين ؟؟؟

[hazem_khidr]

هى الفيرنا بقالها فى السوق 4 سنين ؟؟؟

من بدايه 2004

[mohamed ismail]

اعتقد ان الفيرنا كترت قوي في الفترة بداية من شهر 11 2006 وهي الفترة اللي غبور نزل فيها سعر العربية ل59.900

[Ahmed Anwer]

اعتقد ان الفيرنا كترت قوي في الفترة بداية من شهر 11 2006 وهي الفترة اللي غبور نزل فيها سعر العربية ل59.900

بتهيألي اقل سعر ليها كان 62 الف 1500 cc تكييف و باور فقط

[mina_ramsis]

اعتقد ان الفيرنا كترت قوي في الفترة بداية من شهر 11 2006 وهي الفترة اللي غبور نزل فيها سعر العربية ل59.900

+1

[zezo13178]

اعتقد ان الفيرنا كترت قوي في الفترة بداية من شهر 11 2006 وهي الفترة اللي غبور نزل فيها سعر العربية ل59.900

بتهيألي اقل سعر ليها كان 62 الف 1500 cc تكييف و باور فقط

فعلا غبور نزل سعر الفيرنا ل 59000 جنيه وفي الفتره دي كانت الهيونداي اكسنت 1300 الشكل القديم تكيف وكاسيت بتتباع ب 62000 !!

[sasatony]

مين قالك ان الفيرنا فيها عيوب
انا معايا الفيرنا موديل 2008 والعربية ماشاء الله تحفة في الاداء
واحسن من اللانوس بمراحل كتير اووووووووووووووووووووي

[lancerevolution]

عندنا الدايو أكتر من الفيرنا
مع العلم من إنهم أكتر عربيات عندنا بس الدايو أكتر عشان من زمان و قطع الغيار رخيصة و متوفرة

[abzoabzo]

اى عربية فى مصر احسن واجمد واشد واحلى من الدايو ده حتى شكلها وحش وفراملها زبالة وقطع غيرهاا عند البقال يعنى تفرق ايه عن 128


i love my car sooooooooooooooooooooooooooo much

[Qamar]

اى عربية فى مصر احسن واجمد واشد واحلى من الدايو ده حتى شكلها وحش وفراملها زبالة وقطع غيرهاا عند البقال يعنى تفرق ايه عن 128


i love my car sooooooooooooooooooooooooooo much

هي دي عيبة ولا ايه؟

[Michael_Lanos]

اى عربية فى مصر احسن واجمد واشد واحلى من الدايو ده حتى شكلها وحش وفراملها زبالة وقطع غيرهاا عند البقال يعنى تفرق ايه عن 128


i love my car sooooooooooooooooooooooooooo much

يا عم نقى الالفاظ شويه ....
وتفرق كتير عن ال 128 يا باشا ...
وتوافر قطع الغيار ده شئ كويس مش وحش يعنى.
والفرامل معقوله وممكن تتعدل تبقى اشد كمان

[a7med_hitman]

طبعا الدايو لازم تكون اكتر دى سيارة الشعب(volks wagen of egypt )

[a7med_hitman]

اى عربية فى مصر احسن واجمد واشد واحلى من الدايو ده حتى شكلها وحش وفراملها زبالة وقطع غيرهاا عند البقال يعنى تفرق ايه عن 128


i love my car sooooooooooooooooooooooooooo much

بلاش غلط انت معاك يللى بتتكلم