انتبهو الى غش كيا وهونداي فى محركاتها

[Ahmed Samy]

الكلام ده من سنين

و عموما حتى لو الأرقام مضروبة

أداء العربية مش مخيب أبدا ..بالعكس

[ashouhdy]

كلة هجس الاكتر عملية الكورى ! احلى ركوبة الامريكى ! احلى تقفيل اليابانى ! اعلى تكنولوجى الاوروبى !

[mif]

الكلام دا قديم اوى على فكرة .. اجدد عربية فى الحوار دا بقالها اكتر من 7 سنين ومش بتتباع فى مصر اصلا
واجدد واحدة فيهم كانت بتتباع فى مصر من 13 سنة يعنى الموضوع ملوش لزمة انه يتعمل فى الوقت الحالى

احب الناس اللى بتشغل دماغها قبل الكلام

الله ينور عليك يا استاذ

الكل الناس ممكن تغلط بس مش كل الناس ممكن تعترف بغلطها و تصلحه
لما حكومة تمسك غلط لشركة متحكمة فى اقتصاد الدولة و تعترف بغلطها و تصلحه
دا يخلينى اعشق كل ما هو كورى لتوافر عنصر الاصلاح الداخلى المكمون

تحيا كيا ساحقة المتسوبيشى
و تحيا هوينداى الاعلى مبيعات
و يحيا المصلحين

[pharonicking]

الله اعلم العربيات الكورى ده ملهاش كلام محدد 3 عربيات ب تلت اوزان مختلفه نهائى بنفس الماتور ونفس العزم و نفس القدره الحصانيه حاجه غربيه فعلا كل شئ جايز بس برده مش كل حاجه الحصان و الحصان الكورى غير الاوروبى او اليابانى الحصان الاوروبى حصان نضييف نضيفه بعشر حصنه كورى ههههههههههههههههههههههههههههه عشان كده بيحطوا كام حصانه زياده يمكن حصان يتعب ولا حاجه او يتكسر

جامد التعليق دة"

[M.ABDEEN]

بس اداء العربيات وقوتها بيبين وممكن فعلا على اساس انهم بيكتبوا القوة من غير خصم الحمل اللي عليه من الات جر وخلافه

[ahmedbeirut123]

بس فعلا الموضوع ده منطقي! عربيه الماني 1600 سي سي بي ام تقولك 106 حصان و فولكس تقول 105 و مرسيدس تقول 96 حصان و الياباني 1600 بيلعب في ال 101 لحد 108 حصان و تيجي الكوري يقول 1600 بقدرة 121 حصان ولا التيربو

الكلام ده من سنين

و عموما حتى لو الأرقام مضروبة

أداء العربية مش مخيب أبدا ..بالعكس

هو فعلا العربيات الكورى سحبها حلو

بس برده غريبة ان الالنترا 121 حصان والسيراتو 124

وعندك الفولكس جيتا 102 حصان ونفس تسارع السيراتو رغم الفرق فالهورس باور

الجيتا الاوتو من 0 ل 100 ف 11.7 ثانية


وحتى لو افترضنا ان عربية المانى و واحدة تانية كورى الاتنين 120 حصان مثلا

هنلاقى ان العربية الكورى اسرع عشان الوزن الاخف

لو الالمانى 1400 كيلو هتلاقى الكورى 1200

المهم ان برده الصناعة الكورية محترمة جدا

او بمعنى اصح هى الانسب لمصر

[kamalsalem]

يا جماعة هي مصر بقت مستحملة 100 ولا 90 ولا 80؟ في الزحمة دي اخرنا 2 حصان وكارو، أو حصان وبغل يمشوا برضه، مدام عربية ناجحة وماشية ومش بتقول هات هات هات يبقى ايه المشكلة

بنفس تمن الالانترا او السيراتو الزيرو ممكن تركب بي ام 2002، ليه كل الناس مش بتعمل كده، عشان الهات هات هات ونزول الحرفيين كل يوم جمعة طول النهار بيبقى ليه لذه ف أوله بس وعشان تركب عربية انت اللي تاخد خيرها متلمش بلاوي ورا حد.

والله على كونتاكت 318 موديل 99 ماشية 150 الف كيلو، الراجل بيدلل بقاله 3 شهور عليها مش راضية تتباع واخر سعر وصله من بقه 85 ولو فاصلت معاه هاخدها ب 75 مثلاً، عشان هو اتسحب من لسانه وكتب تحتاج بعض المصروفات. ربنا يعينه ويكرمه يا رب.

ركوب الكوري من الاخر مريح بغض النظر عن القوة والكلام ده، واللي عايز جري بهبل يتفضل أي فيرنا، عربية عبيطة بجد، بس مش قيمة أوي، لأ انا ادوني كروز واللي يشوفني بجري له الحق يهزئني.

[tarekabosdera]

كلامك مش موثق من مصدر رسمي أو مصدر موثوق ....

والواقع بيثبت عكس كلامك تماما

الهيونداي والكيا محركاتها صاحبة أعلى آداء في الطرق المصرية

بالبلدي مواتيرها معلمة على عربيات الماني وياباني كتير