معلش ياجماعة انا كررت الموضوع هنا لاهميته........!!!

[iguana]

الموضوع انى كنت بعمل بحث فى صور جوجل بالعنوان ده
hyundai engine 2.7
الغريب انى لقيت الصوره دية
هونداى و كيا تغشان و تخدعان عملائهما بتزوير البيانات الخاصة بقوة محركات سياراتيهما لتبدو أقوى

والاغرب ان اللينك بتعها على موقع فرى يعنى مش دومين اصلى المهم الموقع ده كأنه فى بينه وبين هيونداى وكيا طار بايت يعنى مسبشى عيب الا وذكره عن الماركيتين بداية من عيوب التصنيع وانتهاء بالنصب والاستغلال والضحك على الناس والاستخفاف بحياة المواطنين وخصوصا الشعب المصرى ......الصراحة معرقش الموقع ده مين الجهة اللى عاملاه يعنى لصالح مين الاساءة دى كلها ... ولا دى حرب بين التوكيلات معرفش...وخصوصا ان معلوماتهم كلها موثقة بالوثائق والمستندات والجرائد الرسمية المصرية واللنكات لمواقع اجنبية .......نرجوا من المشرفين فى القسم سرعة الرد والتأكد مما جاء فى الموقع والتأكد من مدى صحة ما جاء فيه
عنوان الموقع

http://boycott05.bravehost.com

[Matrixawy]

الموضوع انى كنت بعمل بحث فى صور جوجل بالعنوان ده
hyundai engine 2.7
الغريب انى لقيت الصوره دية
هونداى و كيا تغشان و تخدعان عملائهما بتزوير البيانات الخاصة بقوة محركات سياراتيهما لتبدو أقوى

والاغرب ان اللينك بتعها على موقع فرى يعنى مش دومين اصلى المهم الموقع ده كأنه فى بينه وبين هيونداى وكيا طار بايت يعنى مسبشى عيب الا وذكره عن الماركيتين بداية من عيوب التصنيع وانتهاء بالنصب والاستغلال والضحك على الناس والاستخفاف بحياة المواطنين وخصوصا الشعب المصرى ......الصراحة معرقش الموقع ده مين الجهة اللى عاملاه يعنى لصالح مين الاساءة دى كلها ... ولا دى حرب بين التوكيلات معرفش...وخصوصا ان معلوماتهم كلها موثقة بالوثائق والمستندات والجرائد الرسمية المصرية واللنكات لمواقع اجنبية .......نرجوا من المشرفين فى القسم سرعة الرد والتأكد مما جاء فى الموقع والتأكد من مدى صحة ما جاء فيه
عنوان الموقع
http://boycott05.bravehost.com

للاسف الكلام الموجود فى هذا الرابط كله صحيح

[yasserayad]

ينهار ابيض دى كوارث وفضايح
اذن لا يمكن التعامل مع هونداى وكيا ابدا

[shams_1279]

الكلام ده بجد خطير

[Mzeid]

يعني هما بغشوا العالم العربي على كدة و إحنا فاعدين نايمين ..
:(:(

[Yarisawy]

ياجماعه ده كلام مرسل , الموضوع مش بالسهولة دى .. مش اى واحد يعمل موقع ببلاش ويشتم فى شركة نروح نصدقه

[Matrixawy]

ياجماعه ده كلام مرسل , الموضوع مش بالسهولة دى .. مش اى واحد يعمل موقع ببلاش ويشتم فى شركة نروح نصدقه

ليس كلام مرسل لسبب بسيط ان معظمه موثق بقصاصات من الجرائد التى نشر بها

[mido15]

عايز اسعر لانسر2002 أسود فل اوبشنز وعامله 60000 ومانول

العضو المحترم
هذا هو الإنذار الشفوي (الأخير)
لمخالفة القواعد و عدم الالتزام بوضع المشاركات و المواضيع في الأماكن المناسبة

الإشراف ...

[Adham]

يا جامعه دي حاجة معروفة من اول الهيونداي مانزلت انهم بيبالغوا قوي في الهورس باور بتاع عربياتهم

فاكرين اعلان هوندا القديم اللي بنزل في الاهرام وقت ماهيونداي نزلت مصر اول التسعينات

الهوندا الاصل زي الدهب و تقليدها لا تساوي تمنها صفيح باين

[mido15]

يا جماعه انا بحب الهيونداي فيرنا جدا نظرا لشكلها الرهيب وامكانيتها الرهيبه وموتورها الجبار 1600سي سي110حصان وفي الآخر كل ده 68000وكل صحابي الي عندهم هيونداي معاهم زي الفل وبيسفروا بيها وعربياتشديده بجد كل الي في الموضوع ان الهيونداي عربيتها ممتازه واسعارها رخيصه فبنضرب السوق اليباني لآنه غالي جدا والهوندا دي محسسانا ان هي الماني على اسعارها مع انها مش تفرق كتير عن الآلنترا الجديد وشوفوا فرق السعر علشان كده انا مش بأخد بكلام حد دي حرب شركات وكل شيء مباح فيها وانا بأخد بكلام الي عندهم هيونداي أكتر من7 سنين وبس.

[Adham]

الهيونداي عربيات شديدة و موتورها جبار !!!!!!!!!

امال الهوندا و التويوتا و الميتسوبيشي و النيسان تبقى اية؟؟؟؟

الهيوداي صاجها و علب شاسيهها ضعيفة

الهيونداي عفشتها مش حلوة من اول الاكسل لغاية الفيرنا

الهيونداي ثباتها لا يقارن بالهوندا و التويوتا مش بال بي ام دبليو مثلا

مستوى جودة الصناعه بالتالي لا يقارن و عيوب الصناعه مذكورة في تاريخها (الفيرنا اول مانزلت كان فية دفعه كاملة بترشح زيت من المواتير لغاية ما تفضي الزيت)

بص انا ماباقولش انها عربيات وحشة و لا حلوة بس في فئتها السعرية كويسة جدا

يعني Good value يعني فيها حاجات معقولة بسعر كويس بس لما نتكلم عن قوة العربية و قوة موتورها و ثباتها يبقى مكانتكلمش عن الهيونداي بتاتا مع كل احترامي

[AboMaro]

الموقع ده قديم فعلا
وكلامه مرسل
ده فيه 5 صفحات فيهم شتيمه لهيونداي وغبور عشان خاطر مغير اسم الاكسنت لفيرنا
قال يعني الاسم فارق معانا
ده فيه عربيات اصلا تنزل عندنا اوبل و فحته تانيه شوفيرليه و هكذا
المهم انا شايف ان ده موقع مجرد تجميع للانتقادات بشكل فيه مبالغه و كمان استغلوا فيه اسلوب خطاب رخيص مثل بيضحكوا علينا احنا العرب و احنا المسلمين
شوف ممكن الكلام فيه حاجات صح
و اي شركه لو تحب تنتقدها حتلاقي كلام تقوله
لكن انا مبحبش الاسلوب ده بحس ان اللي بيوجه لينا الكلام بيستنقصنا

[2hmed_7osam]

يجماعة فعلا مش اي كلام موجود فاي ويب يبقا بجد لأ وكمان فري ويب مش دومين

لما الكلام دا يبقا موجود من مصدر موثوق فيه الواحد يبقا متأكد لاكن كلام الواحد مش عارف مين بيقولو ولا مين منظمه دا مش من السهل انه يتصدق

[حماده المصري]

كلام قدييييم جدا جدا وفي نظري ملوش اي لازمه

مووتووور الفييرنا معروووووف والشباب الي بتجري تقدره

الهيونداي الالنترا بكل موديلاتها عربياااات محترمه

والالنترا الجديده الي جربها يعرف انها منافسه للعربيات الي في فئتها بل ومتغلبه عليهم في السعر بفرق 20 الف جنيه على الاقل

والهيونداي مختلف اختلاف جذري من اول 2004 من بدايه الفيرنا والالنترا

الفيرنا المصري صحيح تعبانه شويه بس عشان مصري

[MOHAMED ABD EL SHAFY]

الكلام دا صحيح ياخبر ابيض